Mark 1:3 - Angkentye Mwerre

³ Tyerrtye anyente kwenhe apmere ahurratyele tyerrtye areyeke arlkerle-aneme ikwere-werne-arle apetyekeke, alakenhe: ‘Ngkarte Anwerneke-artweyeke arratye urrke irreraye, nhenge re apetyemele ayeye mwerre angkerlenge, arrantherre renhe mwantyele awerrirretyeke.’ ” Isaiah 40:3. Re intelhe-ileke Jesus-akerte.

Mark 1:3 Iomraidhean Croise

Matthew 3:1

Ikwerenge-ntyele uterne arrpe-anenhe-arle anpere irrenhekenge, artwe John arritnye, nhenge tyerrtye areye kwatyeke akwernentye akngerre, angkentye iletyame Ngkarte-akerte tyerrtye atningkeke apmere ahurratye Judea ikwere.

Matthew 3:3

John akwele artwe re, arrantherre itelareme angkentye Ngkarte-kenhe awemele ilerle-apentye akngerre Isaiah arritnyele-arle ileke ikwere-akerte alakenhe ilemele, “Tyerrtye anyente kwenhe apmere ahurratye-arenye arlkerle-apeme tyerrtye areyeke ikwere-werne apetyerlenge-arle, alakenhe: ‘Ngkarte Anwerneke-artweyeke arratye-irreraye arrekwele nhenge re apetyemele angkerlenge, arrantherre mwantyele awerrirretyeke. Arrantherre itelareme artwele iwerre arratye-ilerlenge akngerrepate ingkerne apetyetyenhenge. Alakenhe akwele arrantherre arratye-irremele akarelhemele anetyeke, Nhenge Ngkarte Anwerneke-artweye apetyemele angketyeke, arrantherre renhe mwantyele awetyeke ikwere akangkwe-irremele.’ ” Isaiah 40:3.

Luke 3:2

Kenhe artwe Jew-arenye atherre akenhe, Annas uthene Caiaphas uthene, re-atherre kwertengerle tyatye-arenye Jew areye-kenheke anerle-anerreke apmere Jerusalem-ele. Nhenhe ikwerele ureke Ngkartele angkentye Ikwerenhe John arritnye antheke. John re akenhe alere Zechariah-kenhe aneke, apmere ahurratye anthurrele re anetyarte.

John 1:15

Arlte anyentele nhenge John-ele kwenhe tyerrtye areyeke Jesus-akerte ilerle-apetyemele, rarle renhe areke. Kele imerte re arlkemele itneke, “The arrekantherre arrekwele ileme tyerrtye-arle kwenhe urreke apetyetyenhenge re kwenhe atyengenge atyeperre anthurre-ulkere, urreke ayenge-arle akweke intetyenhenge rarle anekeke. Artwe ikwerenge kwenhe ayenge angkerle-aneme!”