Luke 9:23 - Angkentye Mwerre

²³ Kenhe Jesus tyerrtye itneke angkeke, “Angwenhele apeke-arle ayenge apenterle-anetyeke ahentye-aneme, re ikwere-arrpe alkngwirretyeke, atyenge-ante itirremele ayenge apenterle-anetyeke. Kenhe arrpenhe areyele apeke ngenhe atwerrirretyenhe arne arntarlkweke-arleke, unte-arle ayenge apenterlenge, kele mwerre-arle. Atere-irretyalaye ilweme-ketye, ayenge apenterlte-akwete-anaye!

Luke 9:23 Iomraidhean Croise

Romans 8:13

Anwerne apeke arne akurne arrpe-anenhe akwete mpwarerlte-anetyeke ahentye aneme, kele anwerne anteme ilwetyenhenge Ngkarte-ketyenge akwete-ante akngakelhemele anteme aneme. Kenhe nhenge Utnenge Akngerrele anwernenhe akaltyele-anthemele, anwerne akurne mpwareme-ketye untyeme-arle-irremele, kele anwerne anteme itethe akwete-ante Ngkartenge apurte anetyenhenge.

Colossians 3:5

Arrantherre apeke arne ahelhe nhenhe-arenye areye mpwaretyeke ahentye aneme. Kele arne yanhe areyeke mpwaretyeke itirretyale anaye, Ngkartele-arle arrenhantherrenhe utnenge mwerre anthekenge. Akngwelye-irretyalaye, arrpenhe areyeke alhirretyale itneke atneke-atneke-irremele. Itirretyale anaye akurne akwetethe mpwaretyeke, mwerre mpwaretyeke itirrewarraye. Ankeyalthe anetyalaye. Arrantherre apeke ankeyalthe aneme arne ahelhe nhenhe-arenye areyeke kele anteme arrantherre Ngkarte-ketyenge untyeme-irremele yanhe areye-ante ware tnakeme.

2 Timothy 3:12

Angwenhele apeke Jesus arratye itelaremele renhe apenterle-aneme, tyerrtye arrpenhe areyele itnenhene atwerrirretyenhe arrkernewarremele, ayakemele anteye apenteme-ketye.

Titus 2:12

Ngkartele anwernenhe akwetethe anthurre akaltyele-antheme iwerre mwerre akwete apentetyeke. Ngkarte arne akurne areyeke ahentye anthurre anetyakenhe, alakenhe ikwerenge anteme anwerne akurne itnenhe impetyeke. Anwerne itirrentye akurne anwerne-kenhe impetyeke. Alakenhe arratye anthurre, anwerne ameke-arelhetyeke arne akurne areye mpwareme-ketye, anwerne akwete itirretyeke iwerre mwerrele akwete alhetyeke Ngkarteke lyete. Alakenhe-arle Ngkarte anwerneke angkeme.

Hebrews 13:13

Kele anwerne ikwere-werne alherlte-iweye, apmere akngerre akethe-werne, ikwerenge apurte-irremele, itne anteme anwernenhe akurne-ilemenge, anyurre-irremele angkemele anteye.