Luke 8:7 - Angkentye Mwerre

⁷ Kenhe ntange arrpenhe areye akenhe atnyeke lyeke akngerre-arle lyapeke-arleke. Lyeke akngerre lyapemele arrpenhe itnenhe ayelpayernemele akurne-ileke.

Luke 8:7 Iomraidhean Croise

Matthew 13:22

Tyerrtye arrpenheme areye ntange-arteke nhenge ahelhe lyeke akngerre-akerteke-arle atnyeke. Angkentye yanhe renhe awemele akangkwe-irremele akweke ware. Kenhe itne imerte itirrewarremele arne iwenhe-iwenhe apeke ahelhe nhenhe-arenyeke. Kele yanhe areyele itne angkentye Ngkarte-kenhe renhe awerrirremele, kenhe itne akenhe angkentye renhe lterrke atnyenewarretyakenhe-arle, arrpenhe itnenhe akaltyele-anthetyakenhe Ngkarte-akerte.

Matthew 13:7

Kenhe ntange arrpenhe areye akenhe atnyeke lyeke akngerre-arle lyapetyartenge. Lyeke akngerre lyapemele arrpenhe itnenhe ayelpayernemele akurne-ileke. Merne ntange lyapetyakenhe aneke.

Mark 4:7

Kenhe ntange arrpenhe areye akenhe atnyeke lyeke akngerre-arle lyapetyartenge. Lyeke akngerre lyapemele arrpenhe itnenhe ayelpayernemele akurne-ileke. Merne ntange lyapetyakenhe aneke.

Luke 21:34

Kele yanhe ikwerenge-ntyele, Jesus tyerrtye areyeke angkeke, “Nhenge ayenge ahelhe nhenhe-werne apetye-alpemele, ayenge arratetyenhe tyerrtye ingkirrekele apmere arrpe-anenhenge ayenge arerrirretyenhe. Kenhe arrekwele-arle, tyerrtye areyele merne-arlke, kere-arlke akngerre arlkwerrirretyenhe, ngkwarle akngerre antywerre-arlke-irremele. Itne itirrewarretyenhe nthakenhe-akenhe arne iwenhe-iwenhe apeke ingkirreke itneke-arrpe inerrirretyeke. Kenhe arrantherre akenhe itne-arteke anerrirretyalaye! Kenhe itne akenhe atyenge arelhewarretyakenhe, arrangkwe-arle. Itne akwenpele akwete-arle mpwarerlte-aneme iwenhe-iwenhe renhe apeke. Kenhe ayenge akenhe iparrpe-arle apetyetyenhe, nhenge itne ayenge itweke-ante aretyenhenge atere-irrerirremele. Alakenhe-irreketye, atyenge arelhewarraye.

Luke 8:14

“Tyerrtye arrpenheme areye ntange-arteke nhenge ahelhe lyeke akngerreke-arle atnyeke. Angkentye yanhe renhe awemele akangkwe-irremele akweke ware. Kenhe itne imerte itirrewarremele arne iwenhe-iwenhe apeke ahelhe nhenhe-arenyeke, maneke tyenye anthurre-arle, arne arrpenhe areyeke ntyelhe akngerre-arle. Kele yanhe areyele angkentye Ngkarte-kenhe awerrirremele, kenhe itne akenhe angkentye renhe lterrke atnyenewarretyakenhe-arle, arrpenhe itnenhe akaltyele-anthetyakenhe Ngkarte-akerte.

Luke 8:6

Kenhe ntange arrpenheme ahelhe apwerte alyere-alyere akertneke tnyerrirreke. Ntange nhenhe areye lyapewarreke. Urreke, kwatyele anhetyakenhenge, kele ingkirreke ilwerre-arle-irreme.

Luke 8:8

Kenhe ntange arrpenhe areye akenhe ahelhe mwerreke atnyeke. Arne nhenhe areye lyapeke akngerre anthurre. Arrpenhemele merne akweke ware atnyeneke, arrpenhemele akngerre awerne atnyeneke, arrpenhe areyele akenhe akngerre anthurre-arle atnyeneke, ayeye alakenhe-arle aneke.” Jesus itneke angkeke, “Yewe, angkentye nhenhe awerrirraye, arrantherre ingkirreke akwetethe itirreme nhenge arratye alhengke-awerrirretyeke!”