Luke 6:16 - Angkentye Mwerre

¹⁶ Judas alerikwe James-kenhe, ane Judas Iscariot. Urreke Judas nhenhe re alartetye Jew areye-kenhe areyeke iletye-alhetyenhe itne Jesus renhe arntirrkwewarrerlenge atwerrirretyeke.

Luke 6:16 Iomraidhean Croise

Mark 3:18

Angwenhe-akweye Andrew, Philip, Bartholomew, Matthew, Thomas, alere Alphaeus-kenhe James, angwenhe-akweye-arlke Thaddaeus. Simon-arlke rarle alartetye Rome-arenye areyeke ilkelhetyakenhe nhenge.

Luke 6:15

Matthew, Thomas, James alerikwe Alphaeus-kenhe, Simon atwentye akngerre re,

Luke 6:17

Kele yanhe ikwerenge-ntyele, Jesus re-arlke atyewe ikwerenhe areye-arlke apwerte yanhe-ngentyele atnarnpewarremele. Kele Jesus re aneke artwe-arlke, arelhe-arlke, ampe-arlke akngerrele-arlenge. Kenhe tyerrtye atningke apmere arrpenhe areye-ngentyele Jesus ikwere-werne apetyewarremele awerrirretyeke. Kenhe arrpenhe areye apmere Judea-ngentyele-arlke, Jerusalem-engentyele-arlke apetyewarreke. Arrpenhe areye apmere Tyre-ngentyele-arlke, Sidon-engentyele-arlke apetyewarreke akngerre areye, apmere nhenhe atherre-ngentyele areye kwatye alaye itere-ngentyele.

John 14:22

Judas arrpenhe akenhe, nhenge Iscariot arritnye kwenye-arle, ikwere angkeke, “Akngerrepataye, iwenhenge-arle-ame unte anwerneke-ante imerneme nhenge iwenhe-arteke-arle unte arratye anemeke, imernelhetyakenhe arrpenhe areyeke-arle nhenge Ngkarte-kenhe anetyakenhe?”

Acts 1:25

Anwerne apayuthneme Judas-elarle urrkapentye ikwerenhe impekenge arne akurne mpwareke-arle iperrenge re iwerre ikwerenhe-werne alheke. Akngerrepate mwerre, anwerneke imernaye, angwenhe-ame anwerne akngakeye arrernetyeke.”

Jude 1:1

Atyewe Jesus-kenhe atyinhe areye, ayenge Jude, Jesus Christ-eke warrke-irreme. Kenhe James akenhe kake akngerrepate atyinhe-arle. The ayeye nhenhe arrekantherre intelhe-ileme Ngkartele-arle akngakeke areyeke. Re arrenhantherrenhe akngakeke nhenge arrantherre Ikwere-ante ware anetyenhenge. Ngkarte anwerne-kenhe arrekantherre ahentye anthurre aneme, nhenge Jesus Christ-ele arrenhantherrenhe akayake-ileme.