Luke 5:5 - Angkentye Mwerre

⁵ Simon re angkirtneke, “Ayenge apele, anwerne-arle ingwartentyele irrpennge areyeke apale untheke, arrangkwe akwete, apelkele anthurre. Kenhe unte akenhe anwernenhe net kwatye kwene-werne iwetyeke uternerne, kele the anteme-arle net itnenhene kwatye kwene-werne awethe iwetyenhe lyete irrpennge inetyeke.”

Luke 5:5 Iomraidhean Croise

Luke 17:13

Kenhe itne arlenge ulkere-ngentyele ikwere arlkerrirreke, “Jesus-aye! Akngerrepataye! Anwernenhe-awerne aywepetyalaye!”

Luke 8:24

Kenhe ikwerenhe areyele akarrelhe-ilemele akemelhe-ilerrirremele angkerrirreke, “Akngerrepataye! Anwernenhe itetheke mpwaraye, alhekwarle-irrerirre-ketyenge!” Yanhe ikwerenge-ntyele, Jesus re akeme-irremele rlke atyenpe-irretyeke kwatye alyepe-arlke akweke-irretyeke ileke. Iparrpe anthurre rlke atyenpe-irreke kwatye alyepe akweke-irreke.

Luke 8:45

Kele imerte Jesus-ele itnenhene apayuthneke, “Angwenhele-ame mantere atyinhe apanerne?” Kenhe itne ingkirreke Jesus ikwere angkerrirreke, “Arrangkwe! Arrpenhele ngenhe anperrirretyakenhe.” Kenhe Peter re akenhe ikwere angkeke, “Unte-ame uyarne areme, tyerrtye nhenhe arunthe-arle anwernekele-arlenge ankerte-ankerte-iwerremele tnerrirrerlenge?”

Luke 9:33

Kenhe Peter akenhe atnulkemele uye angketyakenhe-irreke. Kenhe arrpenhe atherre Jesus-ele-arlenge aneke-arle re-atherre arnpenhe-irreke, kenhe Peter akenhe Jesus ikwere angkeke, “Akngerrepataye, Mwerre kwenhe anwerne ngkwenge-akerte nhenhele aneme. Unte apeke-arle ahentye-anemenge anwerne ilthe urrpetye artetyeke, ngkwenge anyente, Moses-eke anyente, anyente arrpenhe Elijah-eke-arle? Mwerreye?” Re nthakenhe-arle re-arrpe angkerne itelaretyakenhe.

Luke 9:49

Kenhe John Jesus-eke angkeke, “Akaltyele-anthenhe-anthenhe-aye, anwerne areke artwe anyentele arrentye ayweperle-anerlenge arritnye ngkwinhe atniwemele. Anwerne renhe ayakeke rarle anwerne-kenhe anetyakenhenge.”

John 15:14

Arrantherre apeke ayenge mwantyele aweme iwenhele ayenge angkemeke imerte mpwaremele kele arrantherre atyewe atyinhe anthurrele aneme.

John 2:5

Renhe-arle aweke-iperrele mikwe Jesus-kenhe angkeke urrkapentye akngerre areyeke, “Aywerrkele mpwaraye nhenge iwenhe-arle re arrekantherre ileme!”

John 21:3

Angwerre-angwerrele anteme-irreke Simon-Peter itneke angkeke, “The kwenhe irrpennge areye apeke arntwirrketyeke alheme.” Itne angkeke, “Anwerne ngkwengenge alheme anteye.” Kele itne kwatye alaye ikwere-werne anteme alherlte-iweke boat-eke antyeke ante kwatye iperte akngerre-werne atheke alheke. Kenhe ingwe yanhe ikwerenge itne irrpennge-arlke arntwirrketyakenhe aneke, nhenge urreke uterne arratetyenhenge itne kwatye itere-werne atheke apetyalpeke.