Luke 4:8 - Angkentye Mwerre

⁸ Kele Jesus ikwere angkirtneke, “Arrangkwe-arle! Intelhe-ilentye Ngkarte-kenhele ileme anteye, ‘Arrantherre Ngkarteke-ante ware kwene-irremele Renhe utyernemele anthurre tnaketyeke. Ikwere-ante ware awemele akangkwe-irretyeke!’ ” Deuteronomy 6:13.

Luke 4:8 Iomraidhean Croise

Matthew 16:23

Jesus Peter-werne ularre-irremele ikwere ahele angkeke, “Arrentye-aye ayenge impemele alhaye. Unte akenhe itirreme tyerrtye ahelhe-arenye-arteke-arle. Unte kwenhe Ngkarte-arteke itirretyakenhe.”

Matthew 4:10

Kenhe Jesus akenhe ikwere alakenhe-arle angkirtnerlenge, “Atyenge-ketyenge alhaye! Ayenge-arle ngkwenge akangkwe-irretyeke arrangkwe-arle, alakenhe-arle Moses-ele arrule intelhe-ilekenge tyerrtye Israel-arenye areyeke, ‘Arrantherre Ngkarteke-ante ware kwene-irremele Renhe utyernemele anthurre tnaketyeke. Ikwere-ante ware awemele akangkwe-irretyeke.’ ” Deuteronomy 6:13.

Luke 4:4

Kenhe Jesus re akenhe angkirtneke, “Arrangkwe! Intelhe-ilentye Ngkarte-kenhe angkeme alakenhe mpwaretyale, kenhe nhenhe re alakenhe ileme, ‘Tyerrtye areye itethe akwete anetyakenhe merne-ante ware arlkwemele, itne itethe akwete aneme angkentye Ngkarte-kenhe awemele.’ ” Deuteronomy 8:3.

Luke 4:7

Unte apeke-arle atyenge kwene-irremele, atyenge utyernemele tnaketyeke, the ngenhe yanhe areye ingkirreke antheme.”

James 4:7

Alakenhe ikwerenge anteme Ngkarte aywerrkele awaye ikwere ahele-ahele aketyale, mpwaraye iwenhe apeke-arle Re angkeme. Kenhe arrentye Satan arrekantherre-werne apetyerlenge arrkernetyeke renhe akwenpele awaye. Kele arrentyele arrenhantherrenhe uye uterneme-arle, re anteme iparrpele impemele alheme.

1 Peter 5:9

Alakenhe ikwerenge anteme arrantherre Ngkarte akwete arratye itelaretyeke arrantherre anteme lterrke tnetyenhenge arrentye-ketyenge irrkanpwelanpwelhemele. Itelaraye, tyerrtye arrpenhe atningke anthurre-arle Jesus-kenhe anemeke apmere arrpe-anenhele, arne akurne areye itneke irreme anteye, arrekantherre-arteke.

Revelation 19:10

Nhenge the renhe awemele ayenge Ikwerenge arrekwele iparrpe anthurre ulperre intemele renhe tnaketyeke. Re akenhe atyenge angkeke, “Ayenge tnaketyale anaye! Ayenge kwenhe warrkene Ngkarte-kenhe ware aneme nhenge unte-arteke-anteye warrkene arrpenhe areye-arteke tyerrtye areyeke-arle Jesus-akerte ilerle-apemeke. Ngkarte-tetye akertne utyernemele tnakaye tyerrtye areyele-arle arrpenhe areyeke-arle Jesus-akerte ilerlte-apemeke, itne angkentye arratyele angkeme Utnenge Akngerrele-arle itnenhe anthekeke.”

Revelation 22:9

Re akenhe atyenge angkerlenge, “Ayenge tnaketyale anaye, ayenge-arle warrkene Ngkarte-kenhe unte-arteke anteye! Ayenge kwenhe tyerrtye areye-arteke-anteye aneme angkentye Ngkarte-kenhe-arle awemele ilerle-apetyarteke, tyerrtye areye-arteke angkentye-arle pipe nhenhenge awerlte-anemeke. Unte Ngkarte-ante ware tnaketyeke!”