Luke 22:5 - Angkentye Mwerre

⁵ Kenhe itne akenhe awemele-arteke itne akangkeke. Itne renhe apwerte ngkweltye anthetyeke alhileke.

Luke 22:5 Iomraidhean Croise

Luke 22:4

Yanhe ikwerenge Judas Iscariot, re akenhe atyewe anyente re, alartetye Jew-kenhe areye-werne alheke, Jesus iltye anthetyeke. Re itneke ileke, “The arrenhantherrenhe ileme nthakenhe-arle renhe inerrirretyeke.”

Luke 22:6

Kenhe Judas re imerte arelheke ilengare Jesus itnenhe iltye anthetyeke itne-arle renhe arntwirrkewarretyenhenge, arrpenhe areyele itnenhene arerrirreketye.

Acts 1:18

Judas-ele Jesus itneke apale imerneke itne renhe arntwirrketyenhenge re ngkweltye itnekenge inemele alheke apmere ikwere-arrpe inetyeke. Apmere renhe-arle ineke iperrele re inngerrele-arlenge atnyeke ahelheke atnerte ikwerenhe altywere-irremele alterrelheke, lyepe-lyepe arraterlenge re ilweke anteme.

Acts 8:20

Peter-ele apwerte ngkweltye renhe ayene-ilemele alakenhe angkeke, “Arrangkwe, apwerte ngkweltye yanhe akngaye unte ngkweltye uthene urreke ure-werne alhetyenhenge, unte-arle itirreme unte akwele Utnenge Ngkarte-kenhe ngkweltyele inetyeke. Ngkarte anyentele-arle Utnenge Akngerre antheme tyerrtye areyeke alere ikwerenheke-arle akangkwe-irreme areye.

2 Peter 2:15

Itne-arle Ngkarte-ketye untyeme-irreke akurne anteme mpwarerlte-aneme apale anteme alhemele. Itne-arle akurne anyente-anteye mpwaretyeke-irreke Balaam-ele-arle arrule mpwareke-arteke, re alere Beor-kenhe-arle. Rarle apwerte ngkweltyeke arnterre anthurre itirreke, re anteme arne akurne areye mpwareke ngkweltyeke-ante-atheke.

2 Peter 2:3

Urrtyalthe nhenhe areye ntyelhe akngerre anetyenhe, itne anteme arrekantherre ularele iletyenhe ayeye-arle itne-arrpe itirrekeke apwerte ngkweltye arrekantherrenge inetyeke ware. Kenhe Ngkarte akenhe arrule anthurre itirreke Rarle tyerrtye yanhe areye atwetyeke aneke. Arratye-arle alakenhe. Urreke-arle Re ayakelhetyakenhe itnenhe ingkirreke atweme-ketyenge.

Jude 1:11

Ngkartele akurne yanhe areye arnterre anthurre atwetyenhe itne-arle akurne mpwaremenge artwe nhenge Cain-ele-arteke. Arrule anthurre-arle re ingkerte-ingkerte-irreke atyeyikweke renhe atweke ilwetyeke-ante. Itne-inpe artwe arrpenhe Balaam-arteke arrule anthurre-arle aneke. Arrantherre itelareme, apwerte ngkweltyeke inetyeke-arle, re tyerrtye areye uterneke Ngkarte awetyale anetyeke Renhe ipmentye-iwetyeke anteme. Ye, Ngkartele tyerrtye akurne nhenhe areye tyatye arrekantherrenhe ikwerele uyerrelhe-iletyenhe itnenhe atwemele. Itne Ngkarte-ketye akurnentye anerlte-aneme artwe akurne arrpenhe nhenge Korah-arteke. Arrule anthurre artwe yanhele Moses awetyakenhe aneke nhenge rarle tyerrtye areye apmere ahurratyele arrekwele-irremeke. Kenhe Ngkartele akenhe renhe atweke ilwetyeke-ante.