Luke 22:12 - Angkentye Mwerre

¹² Re mpweleke imernetyenhenge room akngerre akertnele nhenge rarle mpwareke. Mpwele merne uthene kere uthene itetyeke, yanheke impetyeke.”

Luke 22:12 Iomraidhean Croise

Luke 22:11

Apmereke-artweye yanheke angkaye, ‘Yewe, Akaltyele-anthenhe-anthenhele kwenhe ilernenhe yernerne. Room nthenhele-ame anwerne merne arlkwetyenhe, arrawe-irrentye akngerre Passover mpwaretyenhenge?’

Luke 22:13

Kele ratherre Jerusalem-werne alherremele mpwareke nthakenhe-arle ikwere-atherre ilekeke Jesus-ele-arteke akwete kele ratherre merne tampe ilperre-ilperre renhe iteke kere-arlke imerte ingwele arlkwetyeke arrernemele.

John 2:25

Re kwenhe arrpenheke ahentye anetyakenhe ikwere iletyeke nthakenhe-arle arrpenhe areye itirretyameke, re kwenhe kele itelareke nthakenhe itne itirretyameke, ahentye anetyamele.

John 21:17

Re awethe Simon apayuthneke, “Simon, alere John-kenhe, unte-ame atyenge ahentye anthurre aneme?” Kenhe Peter re akenhe anteme alhwarrpe-irreke rarle urrpetye-ngarele apayuthnekenge. Re anteme Jesus-eke angkirtneke “Akngerrepataye unte arne ingkirrekeke akaltye anthurre aneme. Unte atyenge-arlke akaltye anthurre aneme, unte itelareme ayenge ngkwenge ahentye anthurre aneme.” Jesus anteme ikwere angkeke, “Apententye akngerre atyinhe areye arntarnte-araye, nhenge yepe-yepe arntarnte-arentye akngerrele-arteke yepe-yepe akwerrke ikwerenhe areye arntarnte-aremele.

Acts 1:13

Kele itne Jerusalem-eke irremele itne alheke apmere itne-arle anetyarte-werne itne irrpenheke imerte stairs-eke antyemele room akertnele imerte anemele. Arritnye artwe nhenhe areye-kenhe-arle alakenhe: Peter, John, James, Andrew, Philip, Thomas, Bartholomew, Matthew, Simon, James uthene Judas uthene-arlke. Itelaraye, Simon rarle akngerrepate Rome-arenye areyeke ilkelhetyakenhe nhenge, kenhe Judas akenhe alere artwe arrpenhe James arritnye-kenhe-arle aneke.

Acts 20:8

Ure alkngenthe atningke ampetyame apmere akertne ikwerele tyerrtye arrpenheme apurrke anthurre anteme irreke.