Luke 2:36 - Angkentye Mwerre

³⁶ Kenhe apmere yanhe Jerusalem-ele arelhe ampwe Anna arritnye anetyarte. Anna nhenhe re arelhe angkentye Ngkarte-kenhe awemele ilerle-apentye akngerre-arle, Ikwere re angketyarte. Re ampe Phanuel-kenhe, Asher-arenye areye-ngentyele re aneke. Nhenge re marle wenke anemele, re artwe anewe akeke kele re year seven-peleke-atwetye aneke, kenhe artwe re apenhe akenhe ilwekenge.

Luke 2:36 Iomraidhean Croise

Genesis 30:13

Leah angkeke, “Ayenge-arle lyete akangkentye anthurre aneme. Arelhe atningkele anteme ayenge akangkentye aketyenhe.” Alakenhe anteme, re ampe urreye akweke renhe Asher arritnye antheke. Asher ileme “Ayenge akangketyeke mpwareke.”

Luke 2:38

Nhenge Simeon angkentye yanhe areye Jesus-akerteke alyelheke, kenhe Anna re akenhe Temple Akngerre ikwere irrpintyerlenge-arle Ngkarte ikwere akangkemele alyelhetyeke anteye-arle. Re tyerrtye ingkirrekeke Christ-akerte ayeye ileke, kenhe tyerrtye yanhe areye Ngkarteke akarelhetyarte itneke-arle Rarle Christ renhe yernetyenheke Re Jerusalem-arenye yanhe areye itnenhene akurne akngerre areye itnekenhe-ngentyele itethe-iletyenheke.

Acts 2:18

Arelhe uthene artwe uthene, urrkapentye atyinhe mpwarentye akngerre, itne ayeye atyinhe tyerrtye areyeke iletyenhe,

Acts 21:9

Re nhenge marle 4-pele atnyeneke arlwekere-arenye akwete areye-arle. Itne ayeye Ngkarte-kenhe ilerlte-apetyarte Utnenge Akngerrele-arle itneke imernetyarte.

1 Corinthians 11:5

Nhenge arelhe kwenhe akaperte ikwerenhe artelhetyeke Ngkarteke angketyeke, re kwenhe akaperte ikwerenhe artelhemele nhenge iletyeke ayeye Ngkarte-kenhe. Nhenge arelhe apeke Ngkarteke angkemele akaperte artelhetyakenhe, re apeke angkentye Ngkarte-kenhe ilemele akaperte ikwerenhe artelhetyakenhele, nhenge ikwere anewele renhe arerlenge re apure anthurre awelheme.

1 Corinthians 12:1

Atyewe Jesus-kenhe areyaye, arrantherre nhenge pipe atyenge intelhe-ileke apayuthnemele arrekantherre iletyeke Utnenge Mwerre-akerte, arrantherre itelareme Utnenge Mwerrele kwenhe imerneme anwernenhe ngangkere anthemele arne arrpe-anenhe mpwaretyeke nhenge urrkapentye Ngkarteke. The kwenhe lyete iletyenhe renhe arrekantherre nhenge arrantherre arratye alhengke-awetyenhenge ayeye nhenhe.

1 Timothy 3:2

Alakenhe anetyeke, kele tyerrtye yanhe re mwantye anthurre anetyeke nthakenhe-arle re anetyeke iwerre arratye interte-akemele, akurne mpwaretyale Ngkarteke. Alakenhe ikwerenge-athewe artwe re arelhe anyente-ante ware-akerte anetyeke. Arerte-kwenye anetyeke, akurne-akurne angketyeke arrangkwe. Nhenge ipenye apmere arrpenhe-ngentyele apeke apetyerlenge, re tyerrtye yanhe renhe akngirtnetyeke apmere ikwerenhe-werne ankwe-intetyeke. Re akaltye anthurre anetyeke nthakenhe-akenhe tyerrtye arrpenhe areye akaltyele-anthetyeke.

1 Timothy 5:9

Urreke arrantherre arelhe warlekwerte ingkirreke arntarnte-aretyenhenge, itnekenhe arritnyekeke-amparre pipe-ke intelhe-iletyeke. Urreke arritnye itnekenhe intelhe-iletyenhenge, itnenheke-amparre mwantyele aretyeke, nhenge itne apeke-arle ampwe anthurre aneme, year sixty-werne-atheke apeke aneme. Nhenge re apeke ampwe anetyakenhe, arritnye ikwerenhe pipe-ke intelhe-iletyale. Kenhe arelhe ampwe re apeke ampwe anthurre anteme aneme, re anewe anyente ikwerenhenge-ante anetyarte, renhe mwantyele arntarnte-aretyarte, tyerrtye arrpenhe areyeke-arlke arnterre urrkapemele, kele arritnye ikwerenhe pipe-ke intelhe-iletyeke. Re apeke arnterre warrke-irretyarte tyatye-ke, ampe akweke areye apeke mwantyele arntarnte-aretyarte amangkelhe-ilemele. Re apeke tyerrtye ipenye areye-inpe apmere ikwerenhele mwantyele mwantye arntarnte-aremele atnyenetyarte. Re apeke Ngkarte-kenhe arrpenhe areyeke arnterre warrke-irretyarte, tnakelhetyakenhele. Re apeke alhetyarte tyerrtye alhwarrpe-arle anerrirremeke-werne itneke angketyeke, akurne-akurne ikwerele ureke. Arelhe warlekwerte nhenhe-arteke areye, arritnye itnekenhe pipe-ke intelhe-ilaye itnenhe mwantyele arntarnte-aretyeke.

Revelation 7:6

atyemeye 12,000 peleke Asher-kenhe areye-ngentyele, atyemeye 12,000 peleke Naphtali-kenhe areye-ngentyele, atyemeye 12,000 peleke Manasseh-kenhe areye-ngentyele,