Luke 2:29 - Angkentye Mwerre

²⁹ “Akngerrepataye, angkentye renhe Unte-arle atyenge arrwekele ileke arratye mwerre renhe. Renhe areke-arle iperre, ayenge kele ilkelheme, kele mwerre ayenge apeke ilweme.

Luke 2:29 Iomraidhean Croise

Genesis 15:15

Kele unte Abram, unte pele itethe anetyenhe artwe ampwe-ante irretyeke-atwetye, arrpenhele ngenhe akurne-iletyakenhe. Urreke, arlenge-arlentyele unte akangkentyele ilwetyenhe, ngkwenge-artweyele ngenhe iperteke arteme.

Genesis 46:30

Jacob alere ikwerenheke angkeke, “Kele the ngenhe inngerre areme. Kele the itelareme unte itethe anteme aneme. Alakenhenge akwele ayenge lyete ilwerlenge apeke, ayenge akangkentye-arle ilweme.”

Luke 2:28

Nhenge Simeon re Temple akngerreke irrpenhemele ampe akweke Jesus renhe aretye-alheke. Kele re ampe renhe inetye-alhemele amultele atnyenemele Ngkarte akertnenye-werne-atheke alyelhemele:

Philippians 1:23

Ayenge mwerre itirretyeke akutne, uyarne itirremele aneme. Ayenge ilwetyeke ahentye-aneme kele imerte ayenge alpemele Jesus-nge anetyeke apmere akngerre Ngkarte-kenhe ikwerele. Ayenge-arle arnterre anthurre akangkemele anemere Ikwerenge, yanhe re mwerre akngerre anthurre ulkere ayenge-arle nhenhele anemenge. The itelaretyakenhe!

Revelation 14:13

The anteme aweke arrpenhe atyenge alkere-ngentyele angkerlenge, “Pipe-ke alakenhe intelhe-ilaye! ‘Lyete-ngentyele yanhe areyele Jesus-arle apenterlte-anetyarteke nhenge itne apmere ahelhe nhenhele itethe anemele, kele itne alkere akertnele akangkemele anthurre-arle anetyenhe.’ ” Nhenge Utnenge Akngerrele nhenhe renhe awemele, re angkeke, “Arratye apelaye! Ilweke-arle iperre itne akwete warrke-irretyakenhe anetyenhe. Kele-anteye-arle itne ltyerretyeke, Ngkarte-arle kwenhe yanhe areyeke akangkentye anthurre anerlenge iwenhe apeke renhe-arle mpwaretyarteke, Re itnenhe mpwaretyeke ileke.”

Revelation 6:10

Kwerrene yanhe areye kwenhe irnterre angkemele, “Ngkarte Alartetye-aye, Unte apele lterrke akngerre anthurre aneme, Unte kwenhe arratye mwerre anthurre aneme, Unte kwenhe arratye angkerle-aneme. Ilengare-ame Unte tyerrtye ingkirreke apmere ahelhe nhenhe-arenye court-eke ngkernetyenhe itnenhe akalkelhe-ilemele imerte irrerlknge atwemele itne-arle anwernenhe irrerlknge atwekenge?”