Luke 1:18 - Angkentye Mwerre

¹⁸ Kenhe Zechariah ikwere angkirtneke, “Kweye! Anewarte ilanthe arrule-ngentyele ampwe atherre anteme. Nthakenhe-arle-ame ilanthe ampe urreye akweke atnyenetyenhe?”

Luke 1:18 Iomraidhean Croise

Genesis 15:8

Abram-ele renhe apayuthneke, “Kele YAHWEH, the kwenhe arratye itelaretyakenhe iwenhe unte-arle angkeme atyenge apmere nhenhe-akerte. Nthakenhe-ame the itelareme apmere atyinhe nhenhe?”

Genesis 17:17

Nhenge re aweke Ngkarte alakenhe angkerlenge, Abraham amperele-arlenge tneke, re imerte arrkene atherremele ikwere-arrpe. Imerte ikwere-arrpe angkemele, “Ayenge kwenhe year 100 pele aneme. Kele atyenge anewe re akenhe year 90-arle. Nthakenhe-ame ilerne, artwe ampwe uthene arelhe ampwe uthenele ampe atnyenetyeke?”

Genesis 18:12

Re akenhe atherremele ikwere-arrpe angkerlenge, “Abraham ilerne kwenhe ampwe atherre anteme ilerne kwenhe ampe atnyenetyeke kwenye-arle. Ayenge atyepe-atyepe anetyakenhe aneme.”

Luke 1:34

Kele Mary-ele arntyele apayuthneke, “Ayenge-arle arrangkwe-arle artwenge intetyakenhe. Nthakenhe-arle-ame the ampe urreye akweke atnyenetyenhe?”

Luke 1:7

Kenhe re-atherre ampwe anteme-irrerle-anerremele anerle-anerremele ampeke arrangkwe aneke. Elizabeth-ele ampe akweke uyarne atnyeneme.

Romans 4:19

Abraham aneke atnyentye arlenge anthurreke, uterne akngerre-arlke nhenge year 100-eke-atwetye, re-anteme itirretyame, “Nhenge ayenge-arle ampwe anthurre anteme irreme, ilwetyeke-urletye anteme. Anewe atyinhe Sarah ampwe-anteye-irreke nhenge ampe kwenye akwete.” Alakenhe itirreke-arle re akwete anthurre Ngkarte arratye itelaremele alkngwirretyakenhele. Renhe arratye itelaremele re utnenge ikwerenhe lterrke anthurre irreke akwetethe anthurre re Ngkarte tnaketyarte nhenge iwenhe Re mpwaretyenheke.