Genesis 4:2 - Angkentye Mwerre

² Kele imerte, re awethe ampe-akerte-irremele. Kele ampe urreye arrpenhe atnyeneke Abel arritnye anteme re atniwemele, re atyikwe Cain-kenhe. Abel amangkemele akngerre-irremele, yepe-yepe arntarnte-aretyarte. Kenhe Cain amangkemele akngerre-irremele, re kartene mpwareke merne atherrke lyapelhe-iletyarte arlkwetyeke.

Genesis 4:2 Iomraidhean Croise

Genesis 3:23

Kele imerte Ngkartele renhe-atherrenhe apmere Eden kartene ikwerenge arratelhe-ilemele aywepeke, ratherre apmere arrpenhele ahelhe atyerte-ilemele merne-arlke lyapelhe-iletyeke, artwe-arle ahelhe ikwerenge mpwarekenge.

Genesis 4:1

Yanhe ikwerenge-ntyele, Eve Adam-nge inteke re anteme ampe-akerte irremele. Urreke re ampe urreye akweke atnyeneke, Cain arritnye atniwemele. Kenhe Eve angkeke, “Atyinhe ampe akweke urreye inteke Ngkarte Akngerre-arle atyengenge anekenge.”

Genesis 4:3

Kele arlte arrpenhele anteme Cain-ele merne kartene ikwerenhe-ngentyele akngetyeke Ngkarte renhe anthetyeke.

Genesis 47:3

Nhenge itne apmere Pharaoh-kenheke irrpenhemele, re itnenhe apayuthneke, “Iwenhe-arteke warrke-ame arrantherre mpwarentye akngerre?” Itne ikwere angkirtnewarreke, “Anwerne-arle thakemene areye-arle. Anwerne-arle yepe-yepe-arlke, nanikute areye-arlke, pweleke areye-arlke arntarnte-arentye akngerre-arle arrekwelenye anwerne-kenhe areye-arteke. Anwerne ngkwenge lyete-ante urrkapewarreme.

Genesis 9:20

Kenhe Noah re akenhe nthakenhakenhe itelareme merne apeke lyapelhe-iletyeke. Kele imerte merne kripethe areye anteme ngkernemele kartene akngerre ikwere.

Exodus 3:1

Moses-ele yepe-yepe areye arntarnte-aretyarte arnteweye ikwerenheke. Itelareme, Jethro-arle kwertengerle tyatye-arenye apmere Midian ikwerele. Arlte anyentele, Moses-ele yepe-yepe uthene nanikute areye uthene ahelhe arrangkethele arrekwele-irretyame nhenge itne anteme apwerte ameke-ameke akngerreke itwe ulkere-anteme-irreke apwerte Sinai arritnye.

Luke 11:50

Altyerrenge-arle aneke, arrekantherre-artweye areyele, arrekwelenye areyele, angkentye Ngkarte-kenhe awemele ilerle-apentye akngerre areye-apenhe atwerrirretyarte, akunye-apenhe areye. Kenhe Cain-ele akenhe Abel renhe-apenhe atweke. Kenhe arrule anthurre akenhe arrekantherre-artweye areyele Zechariah renhe-arle atwerrirreke Temple Jew areye-kenhe apmere Jerusalem ikwere. Alakenhe ikwerenge anteme Ngkartele arrenhantherrenhe ipmentye iweme arrantherre-arle akurne anerrirremenge, lyete-arlke aneme akwete.

John 8:44

Arrantherre kwenhe akngeye arrekantherrenhe aneme, arrentye Satan, arrantherre aywerrke mpwareme nhenge iwenhe apeke renhe rarle arrenhantherrenhe mpwaretyeke ahentye-aneme. Arlte nhenge-ngentyele Ngkartele-arle tyerrtye areye arrekwele mpwarekeke, arrentye Satan-ele kwenhe akwetethe-arle tyerrtye areye irrerlknge atwerle-aneme. Re kwenhe angkentye Ngkarte-kenhenge untyeme-irreke re ikwere ahentye anetyakenhenge. Re kwenhe akwetethe urrtyirrerle-aneme alakenhe re kwenhe anemenge. Re kwenhe urrtyalthe aneme, re akngeye urrtyalthe ingkirreke-kenhe.

1 John 3:10

Ye, nhenhe-ngentyele anwerne kwenhe alhengke-areme nhenge angwenhe-arle nhenge ampe Ngkarte-kenhe aneme ante angwenhe-arle ampe arrentye Satan-kenhe anemeke, ampe Satan-kenhe areyele-arle kwenhe arne arratye mpwaretyakenhe, itne nhenge mwerrentye anerlte-anetyakenhe. Tyerrtye areyele-arle arne akurne nhenhe areye mpwarerlte-anemele kwenhe ampe Ngkarte-kenhe areye anetyakenhe.

1 John 3:12

Artwe nhenge Cain-arteke anetyalaye arrentye Satan-kenhe kwenhe re, re atyeye ikwerenhe irrerlknge atweke. Iwenhenge-ame Cain-ele renhe irrerlknge atweke? Cain-ele arne akurne mpwaretyarte nhenge re aremele atyeye ikwerenhele arne mwerre mpwarerlenge, re anteme renhe irrerlknge atweke.

1 John 3:15

Nhenge angwenhe apeke arrpenhe Jesus-kenheke ahentye anetyakenhe aneme, re kwenhe tyerrtye irrerlknge atwentye akngerre-arteke aneme. Arrantherre itelareme, tyerrtye nhenge irrerlknge atwentye akngerre-arle itethe akwete-ante anetyakenhe aneme apurte Ngkartenge.