Genesis 3:3 - Angkentye Mwerre

³ Kenhe arne anyente ware kartene mpwepele aneme, ikwerenge-ntyele kwenhe Ngkartele ilernenhe alkngarre-ileke, ‘Mpwele arne yanhenge arlkwetyale anetyeke, mpwele arne renhe anpetyale anetyeke. Mpwele apeke merne annge arne mpwepele yanhe-ngentyele arlkweme kele ilwerle-anerretyenhenge!’ ”

Genesis 3:3 Iomraidhean Croise

Genesis 20:6

Ngkarte Abimelech-eke angkeke altyerre arrpenhenge: “Kele The itelareme unte mwerre akwele mpwaremeke-athene. Alakenhenge akwele The ngenhe ayakeke Sarah-enge inteme-ketyenge akurne-arlke irreme-ketye.

Genesis 3:2

Kenhe arelhe re akenhe apmwe ikwere angkirtneke, “Arrangkwe, yanhe arratye anetyakenhe! Ngkartele ilerneke ileke mwerre akwele merne annge ingkirreke kartene nhenhenge-ntyele arlkwerle-anerretyeke.

Genesis 3:4

Kenhe apmwe re akenhe angkeke, “Arratye anetyakenhe! Mpwele apeke merne annge yanhe arlkwerle-anerremele kenhe mpwele ilwerle-anerretyeke arrangkwe-arle!

1 Corinthians 7:1

Arrantherre atyenge pipe yerneke, arne atningke-akerte apayuthnemele. Kele nhenhe anteme ayenge arne nhenge areye-akerte angkeme. Itelareme, arrantherre-arle nhenge alakenhe apayuthneke, “Mwerre-ame nhenge atyewe Jesus-kenhe areyele anewe-aketyeke apeke, itne anewe-akerretyale apeke anetyeke?” Kenhe ayenge akenhe alakenhe-arle arrekantherre angkeme, kele mwerre-arle artwe anewe-kwenye anetyeke.

2 Corinthians 6:17

Ngkarte awethe alakenhe itneke-akerte angkeke, “Apurte-irretyale anaye yanhe areyenge ahele-arle-irrerle-aneme Atyengenge, itnekenge akngakelhemele anaye. Anpetyale anteme anaye arne iwenhe apeke akurne renhe. The akangkemele anteme arrekantherre ileme akngakelhemele alhaye itneke-ketye, The anteme arrenhantherrenhe mwantyele arntarnte-areme.” Isaiah 52:11.