Genesis 21:8 - Angkentye Mwerre

⁸ Kele Isaac akngerre anteme irreke mikwekenge werlatye impelhemele anteme, arlte ikwerele anteme Abraham-ele merne akngerre iteke itne apurtele anteme arlkwetyeke.

Genesis 21:8 Iomraidhean Croise

Genesis 19:3

Kenhe Lot re akenhe akwete angkeke ratherre apmere-werne alpetyeke-atwetye. Kele ratherre Lot-kenhe apmereke irreke-arle re merne mpwareke, merne arlware-ilentye akngerre-kwenye-akerte, kere-arlke iteke, itne apurtele anteme arlkweke.

Genesis 21:7

Kele imerte re angkemele, “Angwenhele apeke-ame itelaremere tharle Abraham-eke ampe atnyenetyenhe. Kele the akenhe ampe antheke-arle artwe ampwe apeke ikwere.”

Genesis 21:9

Nhenge tyerrtye areyele-arle akangkemele merne arlkwetyamenge apurtele, Sarah-ele areke ampe Hagar-kenhe Ishmael, Isaac-enge arrkene-irrerlenge. Re imerte Abraham-eke angkeke, “Unte kwenhe arelhe urrkapentye akngerre Egypt-arenye ampe urreye yanhe-kenhe uthene aywepetyeke! Ayenge ikwere ahentye-anetyakenhe arne ngkwinhe areye inetyeke, ayenge Isaac-eke ahentye-aneme arne ngkwinhe areye inetyeke.”

Genesis 26:30

Kele, Isaac-ele merne mwerre mpwaremele iteke itneke ingkirrekele arlkwemele antywemele anteme.

Genesis 29:22

Yanhe-ngentyele, Laban-ele ikwerenhe areye apurtelhe-ileke, itne anteme merne uthene kere uthene apurtele arlkwerrirreke.

Genesis 40:20

Ayeye nhenhe Joseph-elarle ileke-arle arratye-arle. Kele arlte urrpetye iperre Pharaoh-ele ileke urrkapentye akngerre ikwerenhe areye thultye areye-arlke merne akngerre arlkwetyeke apetyewarretyeke Pharaoh ikwerenhe ampe akweke-arle re inteke arlte-arle anekenge. Itne-arle merne arlkwetyamenge, Pharaoh-ele thultye areye ileke artwe renhe-atherrenhe inetyeke, ngkwarle-arle ikwere anthetyarte nhenge uthene merne-arle itetyarte nhenge uthene. Artwe ratherre apetyeke, re arrekwele ipenhe ileke “Yewe, unte apele apetyalpetyeke atyenge ngkwarle akngetyerle-anetyeke.” Kele, artwe re ikwere ngkwarle akngetyetyarte. Pharaoh-ele imerte artwe arrpenhe nhenge ilemele, “The ileme thultye atyinhele ngenhe atwetyeke.” Re anteme thultye ikwerenhe areye uterneke renhe akaperte ultaketyeke imerte tyerrtye ikwerenhe arneke-arleke irlpare arrernemele. Arratye Joseph-elarle ileke-arteke anthurre aneke.