Genesis 17:7 - Angkentye Mwerre

⁷ Akwete-ante Ayenge angkeme arratye alhilentye atnyenemele, ngkwenge-arlke tyerrtye ngkwinhe areyeke-arlke. Lyete Ayenge ngkwenge Ngkarte aneme, yanhenge ayenge ngkwenge akwerrke areyeke Ngkarte anetyenhe.

Genesis 17:7 Iomraidhean Croise

Genesis 26:24

Nhenge itne apmere yanhe ikwere arrernelhemele, ingwe anyente ikwerele YAHWEH-ele arraterlenge Isaac-eke altyerrenge imerte ikwere angkemele, “Ayenge kwenhe, Ngkarte akngeye ngkwinhe Abraham-eke-arle angkeke. Re kwenhe atyenge akwetethe akangkwe-irretyarte. Atere irretyale. Ayenge ngkwengenge-arlke-arle aneme. The ngenhe arntarnte-aretyenhe ngenhe lterrke ilemele. Ayenge akngeye ngkwinheke angkeke tharle renhe ampe atningke anthetyenhe arrengeke-arlke! Alakenhenge anteme the ngenhe ampe atningke antheme arrenge-arlke, ayenge-arle angkeke arteke.”

Acts 2:39

Ngkartele arrekantherre alhileke ampe arrekantherrenhe areyeke-arlke, arrekantherrenge-arle interteke irretyenhe areye-arlke, re apmere arntwarre arrpenhe-arenye areye-arlke Ngkarte-kenhe areye irretyenhe-arle anteme urreke. Re alhileke tyerrtye areye apmere arrpe-anenhe-ngentyele akngaketyeke, ikwere atyewe-irretyeke rarle itnenhene Utnenge Akngerre-arlke anthetyenhenge.”

Genesis 15:18

Kere ikwere-akertele YAHWEH Abram-eke alhileke angkemele, “Apmere nhenhe Egypt-nge ayerrere atheke-arle aneme lhere akngerre ikngerre atheke lhere akngerre Euphrates-werne atheke, The ampe ngkwinhe areye anthetyenhe.

Hebrews 11:16

Kenhe arrangkwe-arle, itne apmere ikwere itirretyakenhe, itne-arle apmere arrpenhe mwerre akngerre-ulkere aretyame. Itne apmere yanhe alkere akertneke itirretyame. Alakenhe ikwerenge anteme Ngkarte apure awelhetyakenhe aneke nhenge itne Renhe Akngeye itnekenhe-arteke utyernemele tnakewarretyarte, Rarle itneke apmere akngerre anthurre mpwarekenge.

Genesis 28:13

Re imerte akertne-atheke aremele Ngkarte akertne anthurrele tnerle-anerlenge iwerre ikwerenge! YAHWEH imerte Jacob-eke angkemele, “Ayenge-arle YAHWEH-arle Ngkarte anyente re arrenge-arrenge ngkwinhe Abraham-elarle apentetyarte, utyernemele tnakeke. Ayenge-arle anyente rarle akngeye ngkwinhe Isaac-elarle apentetyarte, utyernemele tnakeke rarle. Ahelhe nhenhe unte interlenge, The ngenhe antheme ampe ngkwinhe areye-arlke, itne-kenheke akwerrke areye-arlke.

Romans 9:4

Jew areye kwenhe akwerrke-ipenhe Jacob-eke aneme; Israel arritnye arrpenhe-arle. Ngkartele kwenhe itnenhe akngakeke itnenhe altye-ileke alere uthene ampe uthene Ikwerenhe areye anetyeke. Utnenge Akngerre Ikwerenhele re itneke akwetethe imernelhetyarte nhenge itne unthepunthetyarte apmere ahurratye ikwerele, re itnenhe alhileke Rarle akwele itnenhe arne areye anthurre anthetyenhe, itne renhe aywerrkele awetyenhenge. Re itnenhe angkentye Ikwerenhe antheke Apwerte Sinai-nge, itnenhe akaltyele-anthemele apurte-irretyeke. Re itneke imerneke nthakenhe-arle itne Renhe arratye utyernemele tnaketyeke. Re alhileke Rarle itnenhe arntarnte-aretyenhe.

Mark 10:14

Kenhe Jesus-ele areke-arle iperre ahele-irreke, apententye akngerre ikwerenhe areyeke angkemele, “Nhenge arrantherre aremele ampe akweke areye atyenge-werne apetyerlenge itnenhe ayaketyale anaye! The arrenhantherrenhe ileme angwenhe apeke ampe akweke nhenhe areye-arteke, Ngkartele itnenhe atyewe Ikwerenhe aketyenhe arntarnte-aremele alartetye itnekenhele-arteke.”

Matthew 22:32

‘Ayenge Ngkarte, Abraham, Jacob, Isaac-elarle utyernemele tnakewarreme akwete. Kenhe ilweke-arle areyele ayenge utyernemele tnaketyakenhe-arle. Kenhe itethe areyele ayenge utyernemele tnakewarreme akwete.’ Abraham, Isaac, Jacob arrule anthurre ilweke, urreke Moses intetyenhenge, kenhe Ngkarte angkerlenge itne-arle renhe utyernemele tnakewarreme akwete-arle!”

Exodus 6:4

The itnenhe alhileke The itnenhe apmere Canaan itnenhe anthetyeke aneme. Arrule anthurre itne apmere yanhe ikwerele anetyarte, itnekenhe anetyakenhe aneke. Apmere yanhe tyerrtye arrpenhe areye-kenhe aneke.

Exodus 3:15

Itnenhe ilaye ayenge Ngkarte anyente re aneme arrekwelenye arrekantherrenhe areyele-arle apentetyarteke, Abraham, Isaac, Jacob uthenele. Itnenhe ilaye The ngenhe yerneme itnenhe Egypt-ngentyele arratelhe-iletyeke. YAHWEH arritnye Atyinhe akwete-ante anetyenhe. Lyete-ngentyele itne Ayenge YAHWEH aketyeke. Artwe ampwe akngerrepate Israel-arenye areye inetyeke alhaye. Itnenhe ilaye Ayenge-arle ngkwenge imernelheke, iwenhe Ayenge ngkwenge angkerne. Itneke ilaye The areke-arle Egypt-arenye areyele itnenhe arnterre warrke-irretyeke uternerlenge itnenhe atwemele-arlke.

Exodus 3:6

Ayenge kwenhe arrekwelenye ngkwinhe areyeke Ngkarte aneme, Ngkarte aneke Abraham-eke, Isaac-eke, Jacob utheneke, arrekwelenye ngkwinhe areye arrule anthurre-arle anerrirretyarteke.” Nhenge Moses-ele nhenhe renhe awemele re inngerre manterele artelheke rarle atere anthurre awelheke Ngkarte areme-ketye.

Ephesians 2:2

Arratye apelaye, arrantherre anetyarte arne akurne areye mpwarerlte-anemele tyerrtye akurne arrpenhe areye-arteke apmere ahelhe nhenhele-arle anemeke-arteke. Arrantherre awerrirremele apentetyarte arrentye Satan, akngerrepate-arle re aneme arrentye alkerele-arle aneme arrpenhe areyeke. Arrentye yanhele-arle uternerle-aneme, tyerrtye Ngkarte awerrirretyakenhe areye, itne-arle Ikwerenge arlenge anthurre-arle aneme.

Genesis 6:18

Kele antime, Noah itirretyalaye! The apele ngenhe arntarnte-aretyeke alhilemele. Atere-irretyale. Unte-arlke, anewe ngkwinhe-arlke, alere ngkwinhe areye-arlke, anewe itnekenhe areye-arlke, arrantherre ingkirrenyeke boat ikwere antyetyeke itethe akwete anetyeke.”

Genesis 17:19

Ngkarte Abraham-eke angkirtnerlenge, “Arrangkwe, The Ishmael akngaketyeke arrangkwe-arle arne ngkwinhe areye anthetyeke. Arratye-arle anewe ngkwinhe arrekwelenye-arle Sarah, re kwenhe ampe urreye akweke atnyenetyenhe anteye. Unte renhe Isaac arritnye anthetyeke. The alere yanhe akngakeme ampe atningke atnyenetyeke, renhe-ante ware the angkentye Atyinhe anthemele ileme akwete-ante. Ayenge-arle ikwere alkngwirretyakenhe-arle.

Exodus 6:7

Arrantherre tyerrtye Atyinhe areye anteme aneme, ayenge Ngkarte arrekantherrenhe anetyenhe. Arrantherre itelaretyenhenge Ayenge-arle Ngkarte YAHWEH aneme. The arrenhantherrenhe Egypt-arenye areye-ngentyele akngetyenhe, itne arrenhantherrenhe warrke-irretyeke awethe uternetyakenhe anetyenhenge.

Genesis 9:16

Kele nhenge mpwelarre re akenhe angkulyenge arraterlenge The renhe aretyenhe irlpangkemele alhilentye akngerre yanheke. Alhilentye akngerre yanhe re akwete-ante anerle-anetyenhe, uyerretyeke arrangkwe anteme-arle.”