Genesis 1:9 - Angkentye Mwerre

⁹ Kele Ngkarte angkeke, “Kwatye ingkirreke kwenele-arle inteme ahelhe yanhenge akalke-irremele intaye ahelhe ararrtye irretyenhenge!” Kenhe alakenhe-arle irrerlenge Ngkarte-arle angkeke-arteke.

Genesis 1:9 Iomraidhean Croise

Genesis 1:8

Ngkartele arrkngerte mpwepeke renhe “alkere” arritnye akeke. Kele angwerre-angwerre-irreke, ingwemerte-irremele ingwemerte rarle aneke, ingweleme anteme irreke. Kele imerte ingweleme-irreke arlte-irremele, arlte atherrame tnetye-alpeke.

2 Peter 3:5

Kenhe itne apale aneme, nhenge alakenhe angkemele itne-arle akwenpele aweme iwenhe-arle itne kele itelaremeke. Itne akaltye aneme nhenge Ngkarte angkerlenge ahelhe uthene alkere uthene arrateke. Yanhe arratye-arle, Re ahelhe arratetyeke ileke ahelhe re kwatye-ngentyele arraterlenge, kwatyenge akalke-akalke anekenge.

Revelation 10:6

Re-anteme angkeke, “Tyerrtye areye awerrirraye! Ngkarte kwenhe itethe akwete-ante aneme. Re kwenhe aneme apmere ahelhe nhenhe-arle mpwarekeke, alkere-arlke, kwatye-arlke, arne arrpenhe ingkirreke-arlke. Ikwerenge arrekwele kwenhe ayenge arrekantherre angkeme, ‘Arrantherre itelareme arrule anthurre Ngkartele-arle alengke-iwemele atnyeneke nhenge iwenhe apeke renhe-arle Re itirretyeke mpwaretyeke, Re yanhe areyeke-ante ware ileke angkentye Ikwerenhe-arle arrpenhe areyeke ilerlte-apekeke. Lyete kwenhe angkentye Ngkarte-kenhe nhenhe akethe-irretyenhenge. Re renhe arratelhe-iletyenhe nhenge alkere-arenye ingkernenyele pewe-ilerlenge trumpet ikwerenhele angkentye akngerre-anthurre-iletyeke.’ ” Alakenhe re alkere-arenye akngerre-apenhe yanhe angkeke.