Tesaloni eyŋ e lɛl yony ɛm 1:3 - Adioukrou

³ Agŋ lisijimɛl, ow akpl eke sɛgŋ fɛŋ, si kʼɛlu Nyam bia ↄny sosiɛm. Ow it eke si ki kok ɛbɛn, aŋke ↄny ecʼↄmn ekʼↄnyn a am bobn ɛtŋ ↄny ecʼerur eke ↄnyn ↄny ↄfr ɛm a, am agb imn anym eci sɛgŋ fɛŋ.

Tesaloni eyŋ e lɛl yony ɛm 1:3 Iomraidhean Croise

Luk e lɛl 15:32

Ow akpl ke si kók sos ɛm iŋn, aŋke esŋ jim na eke sʼɛsɛ lʼuw a, njɛ nʼanŋ owr. Lʼirm, ɛtŋ sica wɛl ɛŋnʼn!” »

Luk e lɛl 17:5

Ɛrm ɛsɛl a dad Jesu ninɛ: «Ɛgŋ gbɛl, òbn ɛy ecʼↄmn a.»

Jan e lɛl 15:2

Likŋ lal fɛŋ eke bʼucuʼm ke ↄ́sum ey a, li bʼubr ow es, gbɛkↄ lal fɛŋ eke bʼↄsu ey a, li bʼot ow ɛm es, lʼayal ow, yecʼɛtŋ ke ɛmɛny lʼↄ́su ey nↄnↄ lʼobn.

Rom eyŋ e lɛl 1:8

Mʼam ikŋ anym mʼɛcr Jesu Krist ɛm mʼɛlu Nyam bia, ↄny fɛŋ eci, aŋke wɛl am dad ↄny ecʼↄmn a ecʼodad wus nimum af.

Korɛnt eyŋ e lɛl krɛkrɛ 1:4

Mʼↄ́pim eke mi kʼɛlu Nyam bia ↄny eci, ów amamn a eke Jesu Krist ab ecʼaf okr ɛm nʼↄŋ ↄny a eci.

Korɛnt eyŋ e lɛl yony ɛm 10:15

Ɛbɛn a, ɛy sʼɛwm sos ɛsɛ ɛbɛn agŋ ɛjeci e juma e kok a e low cɛ ɛs am ibrm af. Kↄ ɛy sʼam ↄmn eke ↄny ecʼↄmn a bʼow obn ɛtŋ ɛmɛny sʼↄtu eke si ki kok juma nↄnↄ ↄny ogŋ yogŋ. Gbɛkↄ sʼerurm eke si kʼafŋ ereb a eke Nyam ɛw ↄŋ ɛy ab es.

Efɛs eyŋ e lɛl 5:20

Ɔ̀ŋn ↄny Ɛs Nyam bia sɛgŋ fɛŋ low fɛŋ eci, ɛy Ɛs Kↄtↄkↄ Jesu Krist e nin ɛm.

Filip eyŋ e lɛl 1:7

Mʼↄny low ij, eke mʼↄny tutr nɛnɛ ↄny fɛŋ e lís. Mʼoc ↄny ɛm ecʼɛrm fɛŋ ɛm, aŋke ke ow el ŋgbraka ɛm eke mʼanŋ, ke ow el lɛgŋ a eke mʼↄny abusu eke mi ki dogŋn, ke mʼↄmun Amani Mamn ab es a yɛji, ↄny a fɛŋ ɛŋan Nyam eci bibm a ɛsɛ ɛm af.

Filip eyŋ e lɛl 1:9

Ɛtŋ ow eke mʼam ibrm ɛm e ŋↄŋn ɛm a el: ke erur na ekʼↄnyn a ágb afŋn es, ke ow ↄ́ŋ ↄnyn low any uw lele nuŋ ɛm ↄny ab,

Tesaloni eyŋ e lɛl krɛkrɛ 3:12

Ke blel Ɛs Kↄtↄkↄ ↄ́ŋ erur ekʼↄnyn ↄny ↄfr ɛm lel agŋ ecʼɛjeci e lís ab a, ágb bubu af ɛsɛ elel ekʼↄny ecʼerur eke sʼↄny a agb ab af.

Tesaloni eyŋ e lɛl krɛkrɛ 3:6

Sica Timote anŋ ↄny ogŋ a ow ɛtŋ ↄb ɛy ↄny ecʼↄmn lel erur ab ecʼamani, eke bʼↄkan ɛy e low sɛgŋ fɛŋ sɛnyn sɛnyn ɛtŋ am erurir eke kʼɛkan ɛy, ɛsɛ elel eke ɛy yɛji sʼam erur eke si kʼɛkn ↄny ab af.

Tesaloni eyŋ e lɛl krɛkrɛ 3:9

Kↄ ayaf tasi si kʼↄŋn Nyam bia sos ɛm iŋn na eke sʼↄny, ↄny sosiɛm Nyam ecʼany af ab ecʼee?

Tesaloni eyŋ e lɛl krɛkrɛ 4:1

Sica agŋ lisijimɛl, ow ekʼɛmɛny mi ki dad a el, ɛsɛ elel eke wewar ɛy e lís es an mamn ekʼakpl Nyam sos ɛm, ke am kokr ɛbɛn a, sʼam ŋↄŋn ↄny, sʼibrm ↄny atrm ɛm, ekʼƐs Kↄtↄkↄ Jesu e nin ɛm a, kʼúcur ↄnyn es ɛbɛn iman anym eci akm na e kokr a.

Tesaloni eyŋ e lɛl yony ɛm 2:1

Agŋ lisijimɛl, yecʼekʼel ɛy Ɛs Kↄtↄkↄ Jesu Krist e mowrer eke bʼow ↄny as ɛy luku in ab a ecʼa, sʼam ŋↄŋn ↄny,

Tesaloni eyŋ e lɛl yony ɛm 2:13

Sica agŋ lisijimɛl, ↄny eke Ɛs Kↄtↄkↄ erur ↄny a, ow it eke sɛgŋ fɛŋ si kʼɛlu Nyam bia ↄny eci, aŋke li sↄsum lʼot ↄny nuŋ ↄb ɛm ɛtŋ eke li ki sↄg ↄny Abŋ Lala eke bʼↄŋ ↄny éel Nyam eci lele ↄny ecʼↄmn ekʼↄnyn low nawrɛ ɛm a ecʼab.

Piɛr e lɛl krɛkrɛ 1:22

Ɔny eci low nɛnyɛmbri nyam ecʼɛlum a ayal ↄny eke kʼeruririr nawrɛ ɛm tasi ɛsɛ ↄny lisijimɛl ↄfr cɛ af. Ow sosiɛm, èruririr tasi ɛm ↄny ↄfr ɛrm lala ɛm.

Piɛr e lɛl krɛkrɛ yony ɛm 1:13

Mʼɛkn yɛjʼeke ow it akpl, eke mi kʼↄkn ↄny ów amua, eke mʼanŋ owr wus af aŋa a, ke ám ɛwr ɛrm.

Piɛr e lɛl krɛkrɛ yony ɛm 3:18

Gbɛkↄ ↄnyn es iman anym eci, bibm ɛm lele ɛy Ɛs Kↄtↄkↄ ɛy e Sↄg Ɛs Jesu Krist ecʼany uw ɛm ab. In ecʼél anygbɛl yɛfɛnyna ɛm toŋ godo godo fɛŋ eci! Amɛn.