Piɛr e lɛl krɛkrɛ yony ɛm 2:1 - Adioukrou

¹ Lɛgŋ sig ɛm a, kokoba ↄb ɛsɛl ayadŋu ok ↄkm Israɛl eyŋ ecʼaraŋn. Ɔny ecʼaraŋn a yɛji, low yɛgm ɛsɛl ayadŋu bʼow anŋ. -Li bʼow mɛwl ɛm -lʼok ↄny wus ów yadŋ eci yɛgm ɛm, ɛtŋ -li bʼow -nʼim toŋ -lʼɛgbr Es Ɛw Ɛs a eke sↄg ɛl a yɛji. Nɛnɛ anake -li bʼow -lʼɛsŋ es abur ow kpru ŋuŋn ɛl a.

Piɛr e lɛl krɛkrɛ yony ɛm 2:1 Iomraidhean Croise

Matie e lɛl 10:33

Gbɛkↄ ekʼɛgŋ nyam bi dad dedeku fɛŋ ecʼany af ekʼin uwm im any, ɛbɛn ɛm yɛji, ɛm Ɛs ekʼanŋ afr ecʼany af a mʼow mi dad mʼɛsɛ: “Mʼuwmʼn any.” »

Matie e lɛl 24:11

Ɛtŋ ɛmɛny kokoba ↄb ɛsɛl ayadŋu nↄnↄ bʼow ok ↄkm ɛtŋ bʼow irmn agŋ nↄnↄ.

Matie e lɛl 24:24

Tasi ɛm a, mesiɛl ayadŋu lele kokoba ↄb ɛsɛl ayadŋu ab bʼow ok ↄkm. -Li bʼow -li kok mɛny ɛwr ɛgbɛl lele ów any iti owi ab agŋ ecʼirmn eci, ɛtŋ ekʼow it yɛji, -lʼↄtu -lʼirmn agŋ a eke Nyam sↄsum ot a.

Matie e lɛl 24:5

Tasi ɛm a, agŋ nↄnↄ bʼow ow ɛm e nin ɛm dad ɛsɛ: “Ɛm Mesi a”, ɛtŋ -li bʼow -lʼirmn agŋ bubutɛ.

Matie e lɛl 7:15

«Ɔ̀sur sos kokoba ↄb ɛsɛl ayadŋu e lís, -li bʼitŋn -lʼɛw mɛcɛb e sos -lʼow ↄny ɛm, kↄ ɛl obi ɛm a, botimbo.

Mark e lɛl 13:22

Tasi ɛm a, mesiɛl ayadŋu lele kokoba ↄb ɛsɛl ayadŋu ab bʼow ok ↄkm. -Li bʼow -li kok mɛny ɛwr lele ów any iti owi ab agŋ ecʼirmn eci, ke ekʼow it yɛji, -lʼↄtu -lʼirmn agŋ a eke Nyam sↄsum ot a.

Luk e lɛl 12:9

Kↄ ekʼɛgŋ nyam bi dad dedeku ecʼany af ekʼin uwm im any, ɛbɛn afr, ɛgŋ ecʼIy yɛji bʼow dad Nyam ecʼɛrm ɛsɛl ecʼany af ɛsɛ: “Mʼuwmʼn any.”

Luk e lɛl 21:8

Ɛtŋ Jesu dad ninɛ: «Ɛ̀wr ɛrm! Kì yɛbr ɛgŋ kʼirmn ↄny! Tasi ɛm a, agŋ nↄnↄ bʼow ow ɛm e nin ɛm dad eke ɛl el Mesi a, ɛtŋ -li bʼow -li dad eke lɛgŋ es abal el a in ow ŋ̂! Kↄ kʼùsr ɛl jam.

Luk e lɛl 6:26

Gbre él ↄny eci, eke agŋ a fɛŋ bi dad ↄny e lís e low mamn. Ɛl lagŋɛl yɛji, ɛbɛn eke godo godo a -li dadr kokoba ↄb ɛsɛl ayadŋu a ecʼów amamn ana!»

Rom eyŋ e lɛl 16:18

aŋke agŋ amua am kokm Krist ɛy Ɛs Kↄtↄkↄ eci juma ij. Ɛl obi e lok a e juma nana -li bi kok. Ɛl e sodad ebl eke -li bʼok mij ab ɛm lele ɛl e nɛnym ↄb e sodad eke bʼiŋn sos ɛm ab ab, -li bʼɛju agŋ a ekʼuwm low ŋuŋ any a.

Korɛnt eyŋ e lɛl krɛkrɛ 11:19

Tasi ɛm a, ɛm bubr ↄtu eke kʼanŋ ↄny ɛm, yecʼɛtŋ ke wɛl ↄ́tu ɛkn kpata agŋ a eke el cɛcɛ tasi ↄny ecʼaraŋn a.

Korɛnt eyŋ e lɛl krɛkrɛ 6:20

Nyam ↄl ↄny an ligbɛl ɛm eke kʼeel ewi. Ow sosiɛm, òcr ↄny e sos megl a ɛlul in ecʼanygbɛl a ↄkm.

Korɛnt eyŋ e lɛl krɛkrɛ 7:23

An ligbɛl Nyam ɛnm ↄŋ ↄny eel ewi. Ow sosiɛm, kʼèel ɛgŋ ɛjeci e madu.

Galat eyŋ e lɛl 2:4

Gbɛkↄ agŋ lisijimɛl ayadŋu ekʼanŋ ɛy ecʼaraŋn a erur eke wɛl kʼubrʼr likr es. Agŋ amua ow anŋ ɛy ɛm es lↄl ɛm, eke kʼotar ɛy akr úw ɛy ecʼewi e sʼel Jesu Krist ɛm a e low any. -Nʼam erur eke si kʼel ol e madu.

Galat eyŋ e lɛl 3:13

Gbɛkↄ Krist sↄg ɛy an ligbɛl ɛm ol e musue a e lís. In anake ɛy e musue a eke kʼɛŋn ɛy a, ɛyʼr af a. Tasi ɛm a, Nyam Lɛl ɛm wɛl dad: Gbre él ɛgŋ fɛŋ ekʼuw ke wɛl pag es likŋ af a eci.

Galat eyŋ e lɛl 4:17

Agŋ amua ekʼam kok ɛsɛ ↄny e lís e low cɛ wɛʼn am ɛw any af a, ɛl e sow tutr a akplm ↄny eci. Ɛl e low eke -nʼam ↄl a cɛ el: ke -nʼↄny -li kpab ↄny es ɛm e lís, yecʼɛtŋ ke ↄ́tur lɛɛr ɛl.

Galat eyŋ e lɛl 5:20

sinyam yadŋ e nuŋ igŋ, agn kok owi; agŋ ecʼifn owi, ów ɛsu, nyamnɛyr ↄnyanin; ɛrm bebl, agŋ fɛŋ ecʼes ɛw owi, ɛm bubr owi lel ɛl ↄfr ɛm ecʼijarm owi ab.

Efɛs eyŋ e lɛl 1:7

Sʼanŋ Krist ɛm ɛtŋ in e mebl ab ɛm li sↄg ɛy, lʼoc ɛy e sikpl a lʼap ɛy; ɛtŋ ow ɛlu Nyam ecʼɛrm mamn ligbɛl a eke ↄny a e low ↄkm.

Efɛs eyŋ e lɛl 4:14

Sica si kʼow sʼelm ey abu ɛm ij. Si kʼow sʼanm ɛsɛ mijɛtŋ gↄŋni eke okij e mra am ↄny wↄwl usu fɛŋ eke lʼerur ab af ij. Ɛtŋ si kʼow si yɛbm sow tutr yadŋ eci lɛf a ɛlulm ɛy, ocm ɛcm ɛy usu fɛŋ ij. Agŋ kʼow ↄtum irmnm ɛy ɛl eci mɛju ab ɛm ij.

Filip eyŋ e lɛl 3:19

Ɛl akpasu na, irm cɛ -li bʼow -lʼirm, aŋke ɛl e Nyam el ɛl eci lok a, ɛtŋ low eke kʼel ɛ́s ↄny ɛl a, bʼiŋn ɛl sos ɛm. Ɛl, wus ecʼów cɛ bʼanŋ ɛl nuŋ ɛm.

Kolↄs eyŋ e lɛl 2:18

Ɛgŋ kaka itm eke kʼɛdŋn ↄny any eb. Mʼam tutr agŋ a eke bʼis es ɛw ekekey afr ɛrm ɛsɛl ecʼany af igŋ ɛl nuŋ a e low, -li bʼucu mɛmn ɛm ecʼów eke -li bʼɛkn a e low -nʼↄny es. -Lʼel agŋ ekʼɛl e sow tutr a el agŋ ɛm e sow tutr tasi, ow bʼↄŋ ɛl -lʼɛfu es,

Kolↄs eyŋ e lɛl 2:8

Ɛ̀wr ɛrm, ɛgŋ kaka ↄtum eke kʼↄny ↄgŋm ↄny meb agŋ e sow tutr yadŋ ab ɛm. Ow el yadŋ ↄny eke low kaka anm ɛm, ke bʼɛŋn lɛc agŋ ɛm ecʼow kok ɛm, wus aŋa e sabusu e lɛc ogŋ, ke elm Krist ecʼa.

Timote e lɛl krɛkrɛ 5:8

Eke ɛgŋ nyam ɛ́wm in ecʼagŋ e lís e low any, ab brobro in obi ecʼakŋ ecʼagŋ a, lʼɛgbr in ecʼↄmn a ɛtŋ nʼuŋ lʼakm ɛgŋ ekʼubm Krist nawrɛ a.

Timote e lɛl yony ɛm 4:3

Tasi ɛm a, lɛgŋ bʼow ow ekʼagŋ kʼow erurm eke kʼiri low yɛgm nawrɛ tasi a, ke bʼow erur us ɛl obi ecʼów eke bʼaw ɛl a jam, ɛtŋ -li bʼow -lʼɛsŋ low yɛgm ɛsɛl nↄnↄ eke bʼow dad ɛl ów a eke -li bʼerur eke -li kʼiri a.

Tit e lɛl 1:11

Ow it eke kʼabl ɛl nɛny es, aŋke -li bi ŋuŋn sibosu nimum ɛtŋ -li bi yɛgm low ekʼitm a, yecʼɛtŋ ke -nʼɛŋn os yadŋ ɛm.

Tit e lɛl 3:10

Ɛgŋ yecʼeke bʼis ɛm bubr owi a, ɛ̀war ir akp nyam, sakp yony gbuŋ ke ɛgŋ ikŋ na, kpábʼr es Nyamel e lís.

Ebre eyŋ e lɛl 10:29

Sica ɛgŋ yecʼeke bʼow yayr Nyam ecʼIy a, kↄ li kʼow nʼɛŋnm low agbm akm na ee? Tasi ɛm a, ɛgŋ na ɛluam mebl a eke wɛl oc kokr sinm a eke yↄyↄg in e sikpl ab es a. Ɛtŋ li wɛwr Abŋ Lala a eke bʼↄŋ ɛy sʼuw Nyam ecʼɛrm mamn ab any a.

Piɛr e lɛl krɛkrɛ 1:8

Ɔny, Jesu ɛknmn in ɛtŋ ɛbɛn yɛji bʼerurir ir. Ɔny, ɛknmn in caca ɛm a ɛtŋ ɛbɛn yɛji bʼↄnyn ↄmn in ɛm. Na sosiɛm anake sos ɛm iŋn ligbɛliy ↄny ɛm a, sos ɛm iŋn ligbɛl eke wɛl kʼↄtum dadm ow e low.

Piɛr e lɛl krɛkrɛ yony ɛm 2:3

Ɛtŋ eke os ɛŋn e low am okr ɛl ɛrmij nↄnↄ a sosiɛm, -li bʼow -lʼɛju ↄny sodad ekʼɛl obi -li tutar ab ɛm. Gbɛkↄ ow anŋ ibn, ekʼɛl eci jɛj ok a am eku ɛtŋ gbre bʼow ɛŋn ɛl fafa.

Jan e lɛl krɛkrɛ 2:26

Mi nↄn ów amua ↄny eci, agŋ ekʼam ↄl eke kʼirmn ↄny a sosiɛm.

Jan e lɛl krɛkrɛ 4:1

Erur ɛm ecʼagŋ lisijimɛl, ekʼɛgŋ bʼow ɛŋn ↄny ɛtŋ bi dad eke abŋ ecʼabusu ɛm in bi kok ów yɛji, kʼùbr ir nawrɛ kpɛkŋ. Kↄ òkr any es ɛkan eke nawrɛ ɛm ɛl ecʼabŋ a el Nyam ecʼAbŋ, aŋke kokoba ↄb ɛsɛl ayadŋu nↄnↄ gbɛl ok ↄkm wus af aŋa.

Jud e lɛl ekʼawŋ 1:4

Mʼam awŋ ↄny lɛl aŋke agŋ eŋuŋ, es lↄl ɛm, ow anŋ ↄny araŋn. -Li bʼↄny Nyam ecʼɛrm mamn ecʼodad a -li titŋn, yecʼɛtŋ ke -lʼↄtu -li kok yecʼeke -lʼerurir a, ɛtŋ Jesu Krist ekʼin sↄny coco el ɛy ecʼEs Ɛw lel ɛy Ɛs Kↄtↄkↄ ab a, -li bʼigŋ -lʼↄwl ow. Godʼɛtŋ Nyam Lɛl ikŋ anym dad ɛl eci gbre ekʼam eku ɛl a e low ɛw es.

Ów eke Jan ɛkn es ɛkn ɛm 13:14

Ɛtŋ nʼam irmn wus ecʼagŋ a, mɛny ɛwr a eke nʼam ↄtu li kok krɛkrɛ eci ndey a eci nin ɛm a. Nʼam ɛju agŋ eke kʼaku likŋ ɛgŋ nyam, krɛkrɛ eci ndey a e sos usr eci, ndey a eke lab kok ob nuŋ ɛsɛ ekʼowʼn kʼuw af, ke ɛwl mɛny anŋ owr a.

Ów eke Jan ɛkn es ɛkn ɛm 2:13

Mʼuw usu a ekʼir ab any, yogŋ anake Satan ecʼatufu lɛkpn a anŋ a. Ucu ɛm e nin a ↄny es, ɛtŋ walm ↄmn ekʼↄny ɛm ɛm a ɛlum es, toŋ lɛgŋ ab ɛm eke wɛl ibi Antipas a yɛji, ɛm eci daŋku ij ɛs cɛcɛ ↄny ogŋ a, yogŋ a eke Satan ir a.

Ów eke Jan ɛkn es ɛkn ɛm 2:9

Mʼuw ŋ e gbre lele gbↄr ab any, gbɛkↄ tasi ɛm a, ŋ gbreŋgbi! Mʼuw sos keskes ekʼagŋ a ekʼel Jwifɛl ke bʼocr ɛl sosi Nyam ecʼagŋ ke elm a bi kokrʼŋ ab any; -lʼel Satan eci nuŋ igŋ ɛsɛl.

Ów eke Jan ɛkn es ɛkn ɛm 3:8

Mʼuw juma fɛŋ eke kok ab any; mi fig lisany nyam mʼɛwʼŋ es any af eke ɛgŋ kaka kʼↄtum ablm. Lɛc tɛl cɛ ↄny, gbɛkↄ ucu ɛm ecʼodad a ↄny es ɛtŋ dadm eke uwm im any.

Ów eke Jan ɛkn es ɛkn ɛm 5:9

-Nʼam ɛgŋ ɛj owr nyam: «Ŋ cɛ it eke kʼoc lɛl a ke bↄ́bm es ↄnyan ob lↄbŋ ab es, aŋke wɛl ibiʼŋ ocʼŋ wawr ŋ egb ɛtŋ ow ɛm a, eb eb fɛŋ ɛm, ɛbr ɛbr fɛŋ ɛm, agŋ agŋ fɛŋ ɛm lele ɛb ɛb fɛŋ ɛm ab, ɛwl sↄg agŋ ↄŋ Nyam.

Ów eke Jan ɛkn es ɛkn ɛm 6:10

-Nʼam ↄg lɛc ɛm -li dad -lʼɛsɛ: «Es Ɛw Ɛs Lala, Es Ɛw Ɛs Nawrɛ, kↄ toŋ ba bogŋ lɛgŋ iy bʼow jɛj wus ecʼagŋ a e low ok, íbrm ɛl ɛy e luw a eci low ee?»