Piɛr e lɛl krɛkrɛ yony ɛm 1:7 - Adioukrou

⁷ Ìjr lawl ↄny ↄfr ɛm, ke ↄ́nyn erur yɛji.

Piɛr e lɛl krɛkrɛ yony ɛm 1:7 Iomraidhean Croise

Rom eyŋ e lɛl 12:10

Èrurir ↄny ↄfr ɛrm frↄrↄ ɛm, ɛsɛ Krist ɛm ecʼagŋ lisijimɛl af. Èel agŋ eke bʼogŋ es ɛlum ɛl lawlɛl.

Galat eyŋ e lɛl 6:10

Na sosiɛm, eke sʼↄny abusu a, si kók ɛgŋ fɛŋ low nimamn, ab brobro ↄmn ɛm ecʼagŋ lisijimɛl a.

Kolↄs eyŋ e lɛl 3:14

Ɛtŋ low eke ki kokr tasi a el erur eke kʼↄnyn ↄny ↄfr ɛm a, aŋke erur el low eke bʼↄny agŋ okr af.

Tesaloni eyŋ e lɛl krɛkrɛ 3:12

Ke blel Ɛs Kↄtↄkↄ ↄ́ŋ erur ekʼↄnyn ↄny ↄfr ɛm lel agŋ ecʼɛjeci e lís ab a, ágb bubu af ɛsɛ elel ekʼↄny ecʼerur eke sʼↄny a agb ab af.

Tesaloni eyŋ e lɛl krɛkrɛ 5:15

Ɛ̀wr ɛrm ke ɛgŋ kaka kʼócm low ŋuŋ ↄbarm low ŋuŋ any. Kↄ sɛgŋ fɛŋ ↄↄl low nimamn e kok es ↄny ↄfr ɛm lel agŋ fɛŋ eci lís ab.

Ebre eyŋ e lɛl 13:1

Sica ow akpl eke abu kʼanŋ ↄny ɛm ám eruririr ɛsɛ Krist ɛm ecʼagŋ lisijimɛl af.

Piɛr e lɛl krɛkrɛ 1:22

Ɔny eci low nɛnyɛmbri nyam ecʼɛlum a ayal ↄny eke kʼeruririr nawrɛ ɛm tasi ɛsɛ ↄny lisijimɛl ↄfr cɛ af. Ow sosiɛm, èruririr tasi ɛm ↄny ↄfr ɛrm lala ɛm.

Piɛr e lɛl krɛkrɛ 2:17

Ɔ̀nyn ɛgŋ fɛŋ ecʼɛlum. Èrurir ↄmn ɛm ecʼↄny lisijimɛl a, ↄnyn Nyam eci muru ke ɛ́lumn ɛb ebu a.

Piɛr e lɛl krɛkrɛ 3:8

Uwr ɛm ecʼa, ↄny fɛŋ ↄnyn nɛny af okr nyam, ìkŋnin sↄrŋ, èrurir ↄny ↄfr ɛsɛ agŋ lisijimɛl af, ↄnyanin ɛrm mamn, ke ɛgŋ ɛgŋ ís es lawl ecʼany af.

Jan e lɛl krɛkrɛ 3:14

Ɛy sʼuw any eke sʼubr luw ɛm sʼɛy owr anŋ ɛm, aŋke si bʼerur ɛy lisijimɛl. Ɛgŋ ekʼↄnym erur a, nʼanŋ luw ɛm.

Jan e lɛl krɛkrɛ 3:16

Kin elel eke sʼuw erur any: Jesu Krist oc in e sel a ↄŋ ɛy; ow it eke ɛy yɛji si kʼoc ɛy e sel sʼↄŋ ɛy lisijimɛl.

Jan e lɛl krɛkrɛ 4:21

Ɛtŋ kin ol eke Nyam ↄŋ ɛy: ɛgŋ eke bʼerur Nyam a, ke lʼérur lisijim yɛji.