Piɛr e lɛl krɛkrɛ yony ɛm 1:4 - Adioukrou

⁴ Anygbɛl na lel abusu na ɛm ab, Nyam ↄŋ ɛy ów ɛgbɛl lel ów ekʼil an, ke lʼɛwar ab ab. Na sosiɛm, eke ɛŋan yecʼa eke lʼɛwar a, ↄtur eke kʼŋgboŋn ów aw eŋuŋ amua eke ugŋn wus na es ab ɛm ɛtŋ ↄtur eke kʼↄnyn ɛrm nyam coco Nyam in obi ab.

Piɛr e lɛl krɛkrɛ yony ɛm 1:4 Iomraidhean Croise

Rom eyŋ e lɛl 9:4

Bla ecʼee? -Lʼel Israɛl eyŋ, Nyam ot ɛl -lʼel ow ecʼey. Wɛl ecʼaraŋn nʼanŋ in ecʼanygbɛl ab ɛm, lʼɛgŋ sinm wɛl ab, nʼↄŋ wɛl in ecʼol a, li yɛgm wɛl sɛwl yecʼɛm eke wɛl kʼigŋʼn nuŋ a, ɛtŋ li dad wɛl ów eke li bɛbm lʼɛw es wɛl ecʼa.

Korɛnt eyŋ e lɛl yony ɛm 1:20

Tasi ɛm a, Jesu el ów a fɛŋ eke Nyam ɛwar ɛy ɛw es a eci “ɛɛ”. Ɛtŋ Jesu ɛm anake si bi dad ɛy eci “amɛn” a, ke si bi kↄklm Nyam ecʼanygbɛl a.

Korɛnt eyŋ e lɛl yony ɛm 3:18

Ɛy fɛŋ ecʼany a gbɛ gbad anm buburm es, ɛtŋ Ɛs Kↄtↄkↄ ecʼanygbɛl a am ↄŋʼn li jɛjn ɛsɛ akrↄŋnↄ ɛm ɛs am lɛr af. Ɛtŋ Ɛs Kↄtↄkↄ ekʼel Abŋ a bʼitŋn ɛy. Li bʼↄŋ sʼanŋ ɛsɛ in af, anygbɛl ligbɛl nyam eke sɛgŋ fɛŋ anŋ ɛsɛ in ecʼab af ab ɛm.

Korɛnt eyŋ e lɛl yony ɛm 6:17

Ow sosiɛm Ɛs Kↄtↄkↄ dad ninɛ: Ŋ̀gbroŋn agŋ amua ecʼaraŋn ke kpábr ɛl es lís! Kʼìtŋnin ob yecʼeke aylm a abu, ɛtŋ ɛm, mi bʼow mʼeb ↄny.

Galat eyŋ e lɛl 3:16

Ɛbɛn eke Nyam ɛwar Abraham lele iy a eke kʼanŋ in ɛm ɛy ↄkm ab ab e low ana. Wɛl dadm ɛsmɛ: lele alaw a eke kʼanŋ in ɛm ok ↄkm a, ɛsɛ agŋ nↄnↄ owi af. Njaŋ, ɛgŋ nyam cɛ e low. Tasi ɛm a, ow eke wɛl bʼawl a el: lele iy a eke bʼow anŋ ŋ ɛm ɛy ↄkm ab ab. Ɛtŋ ɛgŋ a, in lʼel Krist.

Galat eyŋ e lɛl 6:8

Eke ɛgŋ ewl ów eŋuŋ eke bʼawʼr a in ecʼↄgm a, li bʼow lʼub luw; kↄ eke lʼewl yecʼa ekʼAbŋ Lala bʼerur a, li bʼow lʼub sel ekʼↄnym uwr.

Efɛs eyŋ e lɛl 4:13

Nɛnɛ anake ɛy fɛŋ si bʼow sʼↄny ↄmn lele Nyam ecʼIy a ecʼany uw nyam coco ab a. Ɛtŋ si bʼow sʼel agŋ ekʼↄny ↄmn ekʼusu ɛtŋ si bʼow sʼagb sʼanŋ ɛsɛ elel eke Krist anŋn ab af.

Kolↄs eyŋ e lɛl 3:10

ɛtŋ ɛsɛ mob sus ɛm owr af, ɛwal mɛny anŋn ɛsɛ ɛgŋ owr af. Ɔny eci ɛb ir owr ab ɛm sɛgŋ fɛŋ am otr Nyam ekʼel ↄny e kok Ɛs ab es, yecʼɛtŋ ke ↄ́tur uwr ir any ok ↄny es sos ɛm.

Ebre eyŋ e lɛl 12:10

Nawrɛ, ɛy ɛsɛl a eci abr ɛnym a el sɛgŋ tɛl eci ɛl ecʼelel eke -li bʼɛkan ów ab ɛm. Kↄ Nyam ecʼa, ɛy e low nimamn eci li bʼɛnym ɛy abr, nʼↄ́ŋ ɛy sʼel lala sʼanŋ ɛsɛ in af.

Ebre eyŋ e lɛl 9:15

Na sosiɛm anake Krist el ɛgŋ a ekʼanŋ ɛy lele Nyam ab ecʼaraŋn, ke oc sinm owr a ism Nyam ecʼagŋ a. Lʼuw, agŋ ecʼes eb ɛlu sosiɛm, ɛl ecʼów eŋuŋ a eke -li kokr ow a eke -nʼanŋn krɛkrɛ e sinm a ecʼes ɛw ɛm a. Ɛbɛn ke agŋ eke Nyam ɛsŋ a, ↄ́tu ɛŋn ów a eke Nyam ɛwar ɛl ow e low ɛw es ke anŋ sɛgŋ fɛŋ a.

Jak e lɛl 1:27

Kin yeci ekʼel Nyam nuŋ igŋ nawrɛ tasi Nyam ɛy Ɛs ecʼany af a: ke ɛ́w uwiyŋɛl lele eŋnyↄw ekʼanŋ gbre ɛm a e low ɛrm, ke ↄ́su sos wus na e sikpl owi ɛm.

Piɛr e lɛl krɛkrɛ yony ɛm 1:1

Ɛm Simↄ Piɛr, mʼel Jesu Krist e juma kok ɛs lel ɛrm ɛs ab, mʼam awŋ agŋ a ekʼↄny ↄmn ekʼil an ɛsɛ ɛy ecʼab af a lɛl. Sʼↄny ↄmn na aŋke Jesu Krist el nɛny nyam ɛs; in lʼel ɛy e Nyam lel ɛy e Sↄg Ɛs ab.

Piɛr e lɛl krɛkrɛ yony ɛm 3:13

Gbɛkↄ Nyam ɛwar afr owr nyam lele wus owr nyam ab, eke yogŋ agŋ a fɛŋ bʼow kok ów nyim nyim eke li bʼerur a. Ɛtŋ yeci anake sʼam eku a.

Piɛr e lɛl krɛkrɛ yony ɛm 3:9

Ɛs Kↄtↄkↄ ecʼa, ow kʼow ibnm ɛtŋ li bʼow li kok low a eke lʼɛwar a. Agŋ nyam nyam gbɛ am dad ɛsɛ owʼn am ibn o! Kↄ low eku cɛ nʼam ↄny ↄny e lís, eke lʼerurm ekʼɛgŋ kaka kʼuw kpɛkŋ kpɛkŋ, ke nʼam erur ekʼagŋ fɛŋ kʼↄny abusu itŋn ɛrm ɛm a sosiɛm.

Jan e lɛl krɛkrɛ 2:25

Ɛtŋ kin ob a eke Jim ɛwar ɛy a; sel ekʼↄnym uwr.

Jan e lɛl krɛkrɛ 3:2

Erur ɛm ecʼagŋ lisijimɛl, sica sʼel Nyam ecʼey, ɛtŋ elel eke si kʼanŋn a, ow kʼɛym ↄkm; kↄ sʼuw any eke lɛgŋ eke Krist bʼow ɛwl ow a, si bʼow sʼɛknʼn gbeŋ, ɛtŋ si bʼow sʼanŋ ɛsɛ in af.