Piɛr e lɛl krɛkrɛ yony ɛm 1:3 - Adioukrou

³ Ɛs Kↄtↄkↄ in ecʼabusu ab ɛm, ↄŋ ɛy ów amamn fɛŋ ekʼit eke si kʼiir ɛb ke sʼúcu sʼↄnyʼn es a. Tasi ɛm a, li yɛgm ɛy sʼuw Nyam ekʼɛsŋ ɛy eke si kʼanŋ in ecʼanygbɛl a lel ɛrm mamn ab ab e low ɛm a.

Piɛr e lɛl krɛkrɛ yony ɛm 1:3 Iomraidhean Croise

Matie e lɛl 28:18

Jesu ɛri ow ɛtŋ dad ɛl ninɛ: «Afr lele wus ab ecʼabusu a fɛŋ, Nyam ↄŋʼm.

Rom eyŋ e lɛl 8:32

In eke lʼɛdŋnm in ecʼIy lokm a abu any, ke nʼↄŋ ow uw ɛy fɛŋ e sel ɛŋn sosiɛm ecʼa, ayaf eke sʼokr af ow ab, li kʼow nʼↄↄm ɛy ↄfr ɛm, ów amamn fɛŋ ee?

Rom eyŋ e lɛl 9:24

Ɛtŋ ɛy sʼel agŋ amua eke lʼɛsŋ a. Ow elm Jwifɛl ecʼaraŋn cɛ lʼɛsŋm ɛy, kↄ agŋ eke elm Jwifɛl ecʼaraŋn ecʼagŋ a yɛji.

Korɛnt eyŋ e lɛl krɛkrɛ 1:9

Nyam el cɛcɛ, in anake lʼɛsŋ ↄny eke ki cɛcr sel ɛŋn Jim ekʼel ɛy Ɛs Kↄtↄkↄ Jesu Krist ab a.

Korɛnt eyŋ e lɛl yony ɛm 12:9

kↄ li dadʼm ninɛ: «Ɛm ecʼɛrm mamn a cɛ ↄdŋʼŋ. Eke bʼanŋ fuɛfuɛ a, yogŋ ɛm tasi anake ɛm e lɛc a bʼɛy ↄkm a.» Ow sosiɛm, ɛm e nɛny ij a tasi bʼow el ɛm e fuɛfuɛ el a, yecʼɛtŋ ke Krist e lɛc a ánŋʼm af.

Efɛs eyŋ e lɛl 4:1

Ɛm eke mʼel sobel ɛm ɛs Ɛs Kↄtↄkↄ sosiɛm a, kin yecʼeke mʼam ok ↄny mɛrm sabu af mi dad ↄny: ↄny eke Nyam ɛsŋ ↄny a, ↄnyn es an ekʼot ↄny ecʼɛsŋ ab es.

Efɛs eyŋ e lɛl 4:4

aŋke Nyam kok sos megl nyam, nʼↄŋ ↄny Abŋ Lala nyam, ɛtŋ low ↄmn nyam ɛm cɛ lʼɛsŋ ↄny.

Filip eyŋ e lɛl 3:8

Jesu Krist ɛm Ɛs Kↄtↄkↄ ecʼany eke mi kʼuw a, anake el low tasi eke ↄny any a. Ɛm e tutr ɛm a, low fɛŋ eke wɛl bʼɛŋn a, elm low kaka Krist ecʼany uw a ecʼany af. Krist sosiɛm, mʼigŋ fɛŋ mʼɛlu es. Mʼↄ́ny Krist anŋ ɛm ab, ke mʼókr af in ab a sosiɛm, mʼam lɛr ów amua fɛŋ ɛsɛ lirŋ af e suw af. Ow elm ol e mʼam ɛlum a sosiɛm mʼelm low nɛnyɛmbri nyam ɛs, kↄ ↄmn eke mʼↄny Krist ɛm a sosiɛm. Nyam anake bʼↄŋ ɛgŋ el low nɛnyɛmbri nyam ɛs a, ɛtŋ ɛgŋ eke bʼↄny ↄmn in ɛm a, li bʼↄŋ ow ow el nɛny nyam ɛs.

Filip eyŋ e lɛl 4:8

Sica agŋ lisijimɛl, kin yecʼekʼit eke kʼɛwr ɛrm af: low fɛŋ eke el nawrɛ ke it eke wɛl kʼɛlum, low fɛŋ eke el low nɛnyɛmbri nyam lele lala ab, low fɛŋ eke wɛl ↄtu eke wɛl kʼerur ke wɛl ɛ́gŋ eb, low nimamn fɛŋ lele low fɛŋ ekʼit eke wɛl kʼaw ab.

Kolↄs eyŋ e lɛl 1:16

aŋke in ɛm Nyam ɛcr kok ob fɛŋ ekʼanŋ afr lele wus af aŋa ab a: mob e wɛl bʼɛkn lele yecʼeke wɛl ɛ́knm ab, lɛc fɛŋ, es akm fɛŋ, es ɛw fɛŋ lele abusu fɛŋ ab. Nyam ɛcr in ɛm kok fɛŋ in eci.

Tesaloni eyŋ e lɛl krɛkrɛ 2:12

Sʼↄm ↄny ów, sʼatr ↄny sos es, sʼibrm ↄny sakp nↄnↄ eke kʼaan es ɛsɛ elel eke Nyam erur ab af. In anake lʼɛsŋ ↄny eke kʼokr in ecʼes ɛw ecʼanygbɛl ab ɛm a.

Tesaloni eyŋ e lɛl krɛkrɛ 4:7

Tasi ɛm a, Nyam ɛsŋm ɛy eke si kʼanŋ sikpl owi ɛm, kↄ ów lala kok ɛm.

Tesaloni eyŋ e lɛl yony ɛm 2:14

Nyam ɛsŋ ↄny in ecʼAmani Mamn ecʼodad eke si dad ↄny ab ɛm. Lʼɛsŋ ↄny eke kʼɛŋan yecʼa eke kʼɛbm ↄny ɛy Ɛs Kↄtↄkↄ Jesu Krist ecʼanygbɛl ab ɛm a.

Timote e lɛl krɛkrɛ 4:8

Sos ↄtur sos megl af ecʼa el low akplu, kↄ low tɛl ɛm cɛ. Kↄ Nyam ecʼakŋm ab a el low ekʼakpl low fɛŋ ɛm, aŋke ow bʼↄŋ ɛy sʼir ɛb Nyam ab yɛfɛnyna ɛm ɛtŋ ow bʼɛwar ɛy lɛgŋ anym ɛm ecʼɛb ir a.

Timote e lɛl yony ɛm 1:9

Nyam anake eb ɛlu ɛy es ke ɛsŋ ɛy eke si kʼel in ecʼa; ow elm ɛy ecʼów amamn eke si kok a sosiɛm, kↄ ow el in obi e low eke li bɛbm lʼɛw es, ɛtŋ ow el bibm ↄfr ɛm eke nʼↄŋ ɛy Jesu Krist ɛm gbuŋ eke wus kʼↄb nuŋ a.

Ebre eyŋ e lɛl 1:3

Iy na bʼɛlu in ecʼanygbɛl e jɛjn a ↄkm, ɛtŋ lʼel ow ecʼes otarir kpɛŋ, ɛtŋ in ecʼodad ebl ecʼabusu a ucu wus lel ob fɛŋ ab ↄny es. Li yↄyↄg agŋ e sikpl ab es, ɛtŋ nʼim li sig es afr Nyam ekʼↄny abusu ob fɛŋ af a e lidr abu af.

Piɛr e lɛl krɛkrɛ 1:15

Èel lala ↄny ecʼes an nimum ɛm, ɛsɛ elel eke Nyam ekʼɛsŋ ↄny a el lala ab af,

Piɛr e lɛl krɛkrɛ 1:5

Ɛtŋ ↄny obi a, eke ubr nawrɛ a sosiɛm, Nyam ekʼↄny abusu a bʼↄsu ↄny, ↄny e sↄg eci. Sel ɛŋn ikŋ na, wɛl bʼow uwʼr any sɛgŋ es abal el ɛm a.

Piɛr e lɛl krɛkrɛ 2:21

Tasi ɛm a, low na ecʼanake Nyam ɛsŋ ↄny a, aŋke Krist in obi yɛji lʼij gbre ↄny eci, ɛtŋ lʼɛw ↄny sɛwl es, yecʼɛtŋ ke ébr in e lakr a.

Piɛr e lɛl krɛkrɛ 2:9

Gbɛkↄ ↄny, eel agŋ a eke wɛl sↄsum ot a, Ɛb ebu a ecʼegb waw ɛsɛl a, agŋ a ekʼel Nyam ecʼa. Ɔny eel agŋ a eke Nyam sↄsum ot eke kʼↄb ów ɛgbɛl a e li kok a ecʼamani. In lʼɛsŋ ↄny eke kʼokr ↄkm ncebn ɛm, ke li nyímn ↄny in ecʼusuayl sↄbↄ ab ɛm.

Piɛr e lɛl krɛkrɛ 3:9

Kʼòcr low ŋuŋ kʼↄbarir low ŋuŋ any; kʼòcr wɛwr kʼↄbarir wɛwr any. Ow eke ki kokr a el: ke íbrmn Nyam ecʼↄwrↄ a ɛgŋ a eci, aŋke na sosiɛm eci Nyam ɛsŋ ↄny eke kʼↄŋ ↄny ↄwrↄ ɛsɛ aja af.

Piɛr e lɛl krɛkrɛ 5:10

Ɔny e gbre ij a bʼow ibn sɛgŋ tɛl cɛ eci. Kↄ Nyam ekʼin ɛm bibm fɛŋ anŋ a, ɛsŋ ↄny eke kʼowr anŋn in ecʼanygbɛl a ekʼↄnym uwr ab ɛm, Krist ab ecʼaf okr ab ɛm. Ɛtŋ li bʼow li kok ↄny eel sↄbↄ, eel leg leg ke ↄ́nyn lɛc, ke sica wɛl kʼↄtum ↄnym ɛlum ↄny wus ij.

Piɛr e lɛl krɛkrɛ yony ɛm 1:10

Ow sosiɛm, agŋ lisijimɛl ɛmɛny àtar sos es, ùcur Nyam ecʼɛsŋ a ekʼɛsŋ ↄny a lel ↄny e sↄsum eke li sↄsum lʼot ↄny ab ab e low ↄnyn es. Eke bʼiir ɛb ɛbɛn, kʼow ɛymn low ŋuŋ ɛm ij.

Piɛr e lɛl krɛkrɛ yony ɛm 1:2

Ke ↄwrↄ lel ɛrm es ɛy nↄnↄ gbɛl ab ánŋ ↄny ab, Nyam lele Jesu ɛy Ɛs Kↄtↄkↄ ab ecʼany uw tasi ɛm.

Piɛr e lɛl krɛkrɛ yony ɛm 1:5

Ow sosiɛm àtar sos es ebr ów amua igŋn ↄny ecʼↄmn ab af: ìir ɛb low nɛnyɛmbri nyam ɛm, ke úwr low eke Nyam bʼerur a yɛjʼany.

Piɛr e lɛl krɛkrɛ yony ɛm 1:6

Ɔ̀nyan sos es, ↄnyn low eku, ke úcur Nyam ↄnyn es.

Piɛr e lɛl krɛkrɛ yony ɛm 1:8

Ów amua anake el sɛwl mamn eke kʼↄnyn a. Ɛtŋ ekʼↄnyn ɛl -lʼagb ↄny ɛm, bʼow ↄnyn ↄmn eke bi kok juma ɛtŋ bʼow ↄtur uwr ɛy Ɛs Kↄtↄkↄ Jesu Krist any tasi.

Piɛr e lɛl krɛkrɛ yony ɛm 2:20

Agŋ ekʼuw Jesu Krist ɛy Ɛs Kↄtↄkↄ lel ɛy e Sↄg Ɛs ab any a, igŋ wus ecʼów ↄbr ↄbr a ok es, sica eke -li yɛb batŋ ów ↄbr ↄbr a ɛwl ↄdu eb ɛl ɛtŋ akm ɛl es a, ow bʼow ↄŋ ɛl eci manŋn el owi a bʼow ɛw marɛm akm lisig a.

Piɛr e lɛl krɛkrɛ yony ɛm 3:18

Gbɛkↄ ↄnyn es iman anym eci, bibm ɛm lele ɛy Ɛs Kↄtↄkↄ ɛy e Sↄg Ɛs Jesu Krist ecʼany uw ɛm ab. In ecʼél anygbɛl yɛfɛnyna ɛm toŋ godo godo fɛŋ eci! Amɛn.