Tesaloni eyŋ e lɛl krɛkrɛ 4:9 - Adioukrou

⁹ Sica yecʼekʼel agŋ lisijimɛl ↄfr ecʼerur e low a, ow ɛbam eke wɛl ki nↄn lɛl awŋ ↄny, aŋke ↄny obi ɛm wewar Nyam ogŋ elel eke kʼerurir ↄny ↄfr a.

Tesaloni eyŋ e lɛl krɛkrɛ 4:9 Iomraidhean Croise

Matie e lɛl 22:39

Ɛtŋ kin yony ɛm ecʼeke akpl ot krɛkrɛ ecʼab es: bʼow erur ɛgŋ kaka fɛŋ ɛsɛ ŋ obi ŋ obi af.

Jan e lɛl 14:26

Abu Ɛlum Ɛs a, Abŋ Lala a eke ɛm Ɛs bʼow ↄŋ ow ɛm e nin ɛm a, bʼow yɛgm ↄny low a fɛŋ ɛtŋ bʼow ↄkn ↄny ów fɛŋ eke mi dad ↄny a.

Ɛrm ɛsɛl ecʼob kok e lɛl 4:32

Ɔmn ɛsɛl a fɛŋ okr af tasi, ɛrm ɛm lele ów tutr ɛm ab. Ɛl ɛm ecʼɛgŋ kaka ɛsmɛ in ecʼob ekʼin ↄny a, in sↄny cɛ eci, kↄ ɛl ↄfr ɛm a, ob fɛŋ eke -nʼↄnyn a el dedeku a fɛŋ ecʼob.

Rom eyŋ e lɛl 12:10

Èrurir ↄny ↄfr ɛrm frↄrↄ ɛm, ɛsɛ Krist ɛm ecʼagŋ lisijimɛl af. Èel agŋ eke bʼogŋ es ɛlum ɛl lawlɛl.

Korɛnt eyŋ e lɛl yony ɛm 9:1

Jerusalɛm ecʼↄmn ɛsɛl a ecʼabu ɛlum eke wɛl kʼoc im ↄŋ ecʼa, ow ɛbam eke mi kʼawŋ ↄny ow e lɛl.

Filip eyŋ e lɛl 3:15

Ɛy fɛŋ eke sʼↄny ↄmn eke usu a, sʼↄ́nyn tutr nyam coco na. Ow e jam a, ekʼↄny ɛm ecʼagŋ nyam nyam am ↄny tutr ɛjeci, Nyam bʼow ayal ow e low ↄŋ ↄny.

Tesaloni eyŋ e lɛl krɛkrɛ 5:1

Sica agŋ lisijimɛl, yecʼekʼel sɛgŋ lele wanci ab ecʼa, ow ibram eke wɛl ki nↄn lɛl awŋ ↄny,

Ebre eyŋ e lɛl 10:16

Ɛs Kↄtↄkↄ dad ninɛ: Kin sinm a eke mi bʼow mi kok ɛl ab sɛgŋ amua e jam a: Mi bʼow mʼoc ɛm e sol a mʼɛlu ɛl ɛrm ɛm, ɛtŋ mi bʼow mi nↄn ɛl e sow tutr ab ɛm.

Ebre eyŋ e lɛl 13:1

Sica ow akpl eke abu kʼanŋ ↄny ɛm ám eruririr ɛsɛ Krist ɛm ecʼagŋ lisijimɛl af.

Piɛr e lɛl krɛkrɛ 3:8

Uwr ɛm ecʼa, ↄny fɛŋ ↄnyn nɛny af okr nyam, ìkŋnin sↄrŋ, èrurir ↄny ↄfr ɛsɛ agŋ lisijimɛl af, ↄnyanin ɛrm mamn, ke ɛgŋ ɛgŋ ís es lawl ecʼany af.

Piɛr e lɛl krɛkrɛ 4:8

Low tasi eke kʼikŋn anym kokr a el, éruririr ↄny ↄfr ↄny ecʼɛrm fɛŋ ɛm, aŋke erur bi tɛtŋ sikpl nↄnↄ es.

Piɛr e lɛl krɛkrɛ yony ɛm 1:7

Ìjr lawl ↄny ↄfr ɛm, ke ↄ́nyn erur yɛji.

Jan e lɛl krɛkrɛ 2:10

Kↄ ɛgŋ eke bʼerur lisijim a, nʼanŋ usuayl ɛm, low kaka anm in ɛm eke bʼow ↄŋʼn lʼɛy wus.

Jan e lɛl krɛkrɛ 3:11

Tasi ɛm a, kin yecʼeke wɛl dad ↄny irir kpↄkpↄ ɛm ɛtŋ a: ke sʼérurir ɛy ↄfr.

Jan e lɛl krɛkrɛ 3:23

Ɛtŋ kin in ecʼol eke nʼam ↄŋ ɛy: sʼúb Jim Jesu Krist nawrɛ, ke sʼérurir ɛy ↄfr.

Jan e lɛl krɛkrɛ 4:21

Ɛtŋ kin ol eke Nyam ↄŋ ɛy: ɛgŋ eke bʼerur Nyam a, ke lʼérur lisijim yɛji.