Tesaloni eyŋ e lɛl krɛkrɛ 4:7 - Adioukrou

⁷ Tasi ɛm a, Nyam ɛsŋm ɛy eke si kʼanŋ sikpl owi ɛm, kↄ ów lala kok ɛm.

Tesaloni eyŋ e lɛl krɛkrɛ 4:7 Iomraidhean Croise

Rom eyŋ e lɛl 1:7

Ɔny fɛŋ eke anŋn Rom a, ↄny eel Nyam ecʼɛrm erur ɛtŋ lʼɛsŋ ↄny eke kʼow anŋn in ecʼagŋ ab ɛm, ke íir ɛb in eci. Ke Nyam ɛy Ɛs lele Ɛs Kↄtↄkↄ Jesu Krist ab ɛ́dŋ ↄny ↄwrↄ ke ↄ́ŋ ↄny ɛrm es ɛy!

Korɛnt eyŋ e lɛl krɛkrɛ 1:2

mʼam awŋ Nyamel ekʼanŋ Korɛnt, agŋ a eke el Nyam eci ɛl ecʼↄmn a eke okr af Krist ɛm a, lɛl na. Nyam am ɛsŋ ɛl eke -li kʼir ɛb ow eci, ɛsɛ agŋ a eke usu fɛŋ bi ŋↄŋn Nyam ɛy Ɛs Kↄtↄkↄ Jesu Krist e nin ɛm ab af. Lʼel wɛl eci Ɛs Kↄtↄkↄ, ɛsʼelel eke ɛy yɛji lʼel ɛy ecʼab af.

Galat eyŋ e lɛl 5:19

Ów a eke ɛy e sos af ecʼów aw bʼↄsu, ke wɛl bʼɛkn a el: agŋ e lↄsŋn e bʼagbr ɛgŋ kaka fɛŋ ab, ɛb eke -li bʼir sikpl ɛm, ów ↄbr ↄbr eke -li bi kok ɛl ecʼerur ɛm;

Efɛs eyŋ e lɛl 1:4

Gbuŋ ke wɛl kok wus a, Nyam ɛcr Krist ɛm sↄsum ot ɛy sʼel in eci, yecʼɛtŋ ke sʼél lala ke si kʼítam ɛm kaka in ecʼany af. Nyam erur ɛy ɛtŋ lʼikŋ anym li bɛbm

Efɛs eyŋ e lɛl 2:10

Tasi ɛm a, Jesu Krist ab ecʼaf okr ɛm anake Nyam kok ɛy a. Li kok ɛy yecʼɛtŋ ke sʼír ɛb ów amamn kok ɛm. Ɛtŋ ów amamn amua, Nyam ikŋ anym bɛbm ɛw es eke si ki kok.

Efɛs eyŋ e lɛl 4:1

Ɛm eke mʼel sobel ɛm ɛs Ɛs Kↄtↄkↄ sosiɛm a, kin yecʼeke mʼam ok ↄny mɛrm sabu af mi dad ↄny: ↄny eke Nyam ɛsŋ ↄny a, ↄnyn es an ekʼot ↄny ecʼɛsŋ ab es.

Efɛs eyŋ e lɛl 4:19

-Lʼirmn agŋ ɛm ecʼɛb ir a e mɛwl a fɛŋ, -lʼocr ɛl sosi -lʼɛlu es an keskes ɛm ɛtŋ -nʼam kok sikpl owi fɛŋ eke bʼaw ɛl a.

Tesaloni eyŋ e lɛl krɛkrɛ 2:3

Tasi ɛm a, ɛy ecʼów ↄm a elm yadŋ ɛm, ow elm ów tutr eŋuŋ ɛm, ow elm kprakpr ɛm.

Timote e lɛl yony ɛm 1:9

Nyam anake eb ɛlu ɛy es ke ɛsŋ ɛy eke si kʼel in ecʼa; ow elm ɛy ecʼów amamn eke si kok a sosiɛm, kↄ ow el in obi e low eke li bɛbm lʼɛw es, ɛtŋ ow el bibm ↄfr ɛm eke nʼↄŋ ɛy Jesu Krist ɛm gbuŋ eke wus kʼↄb nuŋ a.

Ebre eyŋ e lɛl 12:14

Ɔ̀ↄl agŋ fɛŋ ab ecʼɛrm es ɛy ɛm ecʼɛb ir es, ke íir ɛb nyim nyim eke bʼakpl Nyam sos ɛm. Ɛgŋ fɛŋ eke kʼow kokm ɛbɛn a kʼow ɛknm Ɛs Kↄtↄkↄ.

Piɛr e lɛl krɛkrɛ yony ɛm 2:10

Li bʼow nʼↄŋ agŋ a fɛŋ eke bʼan es, ɛl e sos megl ecʼów aw eŋuŋ ɛm a gbre. Agŋ amua ↄny ów nɛnŋn e kok ecʼɛmn, ɛtŋ -li bʼifn Nyam ecʼes ɛw a. Low yɛgm ɛsɛl ayadŋu amua ↄnyn ɛl sosi ↄmn nↄnↄ. -Li bʼɛfu es ɛtŋ -lʼurumn eke -li ki wɛwr afr ecʼabŋ any ɛsɛl a.