Tesaloni eyŋ e lɛl krɛkrɛ 4:6 - Adioukrou

⁶ Low na ɛm a, ɛgŋ kaka kʼɛ́ju lawl ki kokʼr low ↄbr, aŋke Ɛs Kↄtↄkↄ bʼow jɛj agŋ e bi kok ów amua a eci low ok, ɛsʼelel eke sʼikŋ anym si dad sʼayal sʼok ↄny ab af.

Tesaloni eyŋ e lɛl krɛkrɛ 4:6 Iomraidhean Croise

Mark e lɛl 10:19

Kↄ uw sol ab any ee? Kʼíbim ɛgŋ, kʼíjm nfaci, kʼíym mil, kʼíjm daŋku yadŋ ɛm ɛgŋ e nuŋ af, kí kokm lɛyr owi ɛgŋ e lís, ɛ́lum asŋ lele esŋ ab.»

Luk e lɛl 12:5

Mʼam ow mi yɛgm ↄny ɛgŋ eke kʼurur a: ùrur Nyam eke luw e jam a, ↄny abusu ekʼoc ↄwl ↄny gbre ij usu a. Ɛɛ, mʼam dad ↄny, in anake ↄtur eke kʼurur ir a!

Luk e lɛl 16:28

aŋke mʼↄny ɛm lisijimɛl yen. Nʼím lʼɛwar wɛl yecʼɛtŋ ke ɛl yɛji -li kʼowmn gbre ij usu na.”

Rom eyŋ e lɛl 1:18

Afr kpekpe ɛtŋ Nyam am ɛlu in ɛcʼɛrm bebl a ↄkm aŋke agŋ el sikpl ɛsɛl ɛtŋ -li bi kok low ŋuŋ. Ɛl ecʼów eŋuŋ kok ab ɛm, -li bʼɛdŋn low nɛnyɛmbri nyam eke ki kok low.

Rom eyŋ e lɛl 12:19

Erur ɛm ecʼagŋ lawlɛl, low eke ɛgŋ kok ↄny a, ↄny obi kì kokr ir, kↄ ɛ̀gbr Nyam ecʼɛrm bebl ab es kok ow e low. Tasi ɛm a, Nyam Lɛl ɛm a, Nyam dad ninɛ: Ɛm mi bʼusr ɛgŋ usu mi kok low eke wɛl kokʼr a! Ɛm mi bʼow mʼↄŋ ɛgŋ ɛgŋ ecʼekʼit eke kʼɛbm a!

Rom eyŋ e lɛl 13:4

Tasi ɛm a, es ɛw ɛsɛl am kok Nyam eci juma yecʼɛtŋ ke -ni nyimnʼŋ ɛy low mamn ɛm. Gbɛkↄ eke am kok low ŋuŋ, ow it eke erŋn kʼↄnyʼŋ. Tasi ɛm a, es ɛw ɛsɛl ↄny abusu eke kʼɛw low ↄŋʼŋ, ɛtŋ ow elm ↄfr ↄfr nɛnɛ cɛ! Eke es ɛw ɛsɛl bʼɛw low ↄŋ ɛgŋ, ke -nʼam kok Nyam e juma, -nʼam ɛlu Nyam ecʼɛrm bebl a ↄkm ɛgŋ eke bi kok low ŋuŋ a e lís.

Korɛnt eyŋ e lɛl yony ɛm 7:11

Ɔny eci sos es ↄw a akpl Nyam sos ɛm. Sica lɛ̀ɛr ow ecʼey eke ow ↄsu: ow ↄŋ ↄny low es ogŋ kok lele low oc ap ecʼibrm ab! Ow ↄŋ ↄny low sos ɛm ɛy lele low uru low kok ɛm ab! Ow ↄŋ ↄny ɛm ecʼɛkn ecʼaw lele ɛm e dogŋn gbragbra kok ɛm ab! Ɛtŋ ow ↄŋ ↄny low ŋuŋ kok ɛs a eci low ɛw ↄŋ! Low na ɛm a, yɛgmn eke ↄnymn low af ok kaka.

Galat eyŋ e lɛl 5:21

-Nʼam erur eke ɛl lawlɛl ecʼob ekʼↄny a ɛl yɛji -nʼↄny, -lʼel mar ɛgŋu, ob iju, ɛtŋ ɛmɛny -li bi kok ów ɛjeci nↄnↄ ekʼotarir es amua eke wɛl dad ab ab. Mʼam ɛwar ↄny ɛtŋ mʼikŋ anym mi dad yɛji: agŋ a eke bi kok ów amua a, kʼow ɛŋnm usu Nyam e gbreŋgbi usu a.

Efɛs eyŋ e lɛl 4:17

Kin low yecʼa eke mʼam dad, ke nɛny am atʼm es mi dad Ɛs Kↄtↄkↄ e nin ɛm a: ow itm eke kʼaan es ɛsɛ Nyam any uwm ɛsɛl eke bʼus ɛl e sow tutr eke low kaka anm ɛm a jam a.

Efɛs eyŋ e lɛl 4:28

Ke ɛgŋ eke bʼiy mil a, ɛ́lu mil iy ab es; ke kók juma nɛnyɛmbri nyam ɛm in obi e sabu ab ɛm, yecʼɛtŋ ke nʼɛ́ŋn ob lʼɛlum es abur ɛsɛl abu.

Efɛs eyŋ e lɛl 5:6

Ke ɛgŋ kaka kʼírmnm ↄny mɛju e sodad ebl ↄfr ↄfr ɛm. Ów amua sosiɛm anake Nyam ecʼɛrm bebl a bʼow ok agŋ a ekʼɛ́gŋm eke kʼɛlumʼn ab af a.

Tesaloni eyŋ e lɛl krɛkrɛ 2:11

Ɛmɛny uwr any eke si kok ↄny ɛm ecʼɛgŋ nyam nyam e lís low ɛsɛ elel ekʼey ɛs bi kok in ecʼey ab af.

Tesaloni eyŋ e lɛl yony ɛm 1:8

Lɛgŋ a, li bʼow nʼanŋ al ekʼam iri ecʼaraŋn lʼɛy ↄkm, yecʼɛtŋ ke li kók agŋ eke uwm Nyam any, ke ɛ́luam ɛy Ɛs Kↄtↄkↄ Jesu ecʼAmani Mamn a low ŋuŋ.

Ebre eyŋ e lɛl 13:4

Ke agŋ a fɛŋ ↄ́ny mɛbi ecʼɛlum. Ke igŋ lel yↄw ab ecʼes ɛru usu a nfaci ij owi kʼɛ́ym. Nyam bʼow jɛj agŋ a eke bʼɛbirir marɛm marɛm a lele agŋ a eke ɛbirir ke bʼij nfaci ab ab e low ok.

Ebre eyŋ e lɛl 2:6

Tasi ɛm a, ow eke wɛl bʼɛŋn Nyam Lɛl ɛm a el: Kↄ agŋ bla -lʼel eke kʼɛw ɛl e low ɛrm ee? Bla -lʼel eke ki kok ɛl e lís owi ee?

Jak e lɛl 2:6

Bla sosiɛm, bi kokr gbↄru sos keskes ee? Kↄ ow elm egbreŋgbi anake bʼijr ↄny gbre ke bʼot im ↄny jɛj ok usu ab ee?

Jak e lɛl 5:4

Ɛgŋmn eke ki sↄgr ↄny e sↄgm juma kok ɛsɛl a labm. Ìgŋn lↄru es irir dedeku eke -nʼam ↄŋ ↄny a: juma ɛsɛl eke bʼub ↄny ecʼegb a eci ↄŋn ikŋ a, Ɛs Kↄtↄkↄ ekʼel afr lele wus ab ecʼar ɛs ligbɛl a iri.