Tesaloni eyŋ e lɛl krɛkrɛ 4:3 - Adioukrou

³ Kin, ow eke Nyam am erur a: ke ↄny ecʼes an a él lala in ecʼany af; ke ↄ́sur sos nfaci ij e lís.

Tesaloni eyŋ e lɛl krɛkrɛ 4:3 Iomraidhean Croise

Matie e lɛl 12:50

aŋke ɛgŋ kaka fɛŋ eke bi kok Ɛs ekʼanŋ afr ecʼerur a, el ɛm lisijim, ɛm lisijↄw lel ɛm lis ab.»

Matie e lɛl 15:19

Tasi ɛm a, sow tutr eŋuŋ eke bʼↄŋ ɛgŋ ibi ɛgŋ, ɛrum yↄw ɛjecʼab, ij nfaci, iy mil, ij daŋku yadŋ ke dád sodad eŋuŋ ok agŋ af a, ɛrm ɛm -li bʼanŋ -lʼow.

Matie e lɛl 5:32

Kↄ ɛm mʼam dad ↄny: ɛgŋ fɛŋ ekʼɛlu in e yↄw e lʼↄl mar lʼɛbi es, ke ow elm egŋ ot owi ɛm a, nʼↄŋ yↄw a bʼow ɛy nfaci ij owi ɛm. Ɛtŋ ɛgŋ ekʼɛbi yↄw eke wɛl ↄwr a, in yɛji lʼij nfaci.»

Matie e lɛl 7:21

«Ow elm agŋ a fɛŋ eke bʼɛsŋʼm: “Ɛs Kↄtↄkↄ, Ɛs Kↄtↄkↄ” a, kʼow okm Nyam e gbreŋgbi usu a, kↄ agŋ a cɛ eke bʼow kok ɛm Ɛs ekʼanŋ afr e ecʼerur a.

Mark e lɛl 3:35

aŋke ɛgŋ kaka fɛŋ eke bi kok Nyam ecʼerur a, el ɛm lisijim, ɛm lisijↄw, lel ɛm lis ab.»

Jan e lɛl 4:34

Jesu dad ɛl ninɛ: «Eke mi kok ɛgŋ a ekʼɛrmʼm a ecʼerur, ɛtŋ mʼuwar juma a eke lʼabulʼm a, ke ɛm ecʼob ij ab ana.

Jan e lɛl 7:17

Eke ɛgŋ am erur eke ki kok Nyam ecʼerur a, li bʼow lʼuw any eke ɛm e low yɛgm a bʼanŋ Nyam ɛm ow, oglog ɛm obi ɛm.

Ɛrm ɛsɛl ecʼob kok e lɛl 15:20

Gbɛkↄ sʼáwŋ ɛl lɛl si dad ɛl eke -li kʼijmn ndey eke wɛl oc wawr egb ↄŋ sɛkp, -lʼijmn nfaci, -lʼijmn ndey eke wɛl okm mebl es, -lʼɛgŋmn mebl;

Ɛrm ɛsɛl ecʼob kok e lɛl 15:29

kʼìjr ndey eke wɛl oc wawr egb ↄŋ sɛkp, kʼɛ̀gŋn mebl, kʼìjr ndey eke wɛl okm mebl es, kʼìjmn nfaci. Eke ↄsur ów amua, ow bʼow akpl. Agŋ lisijimɛl, sʼam ɛsŋn ↄny!»

Ɛrm ɛsɛl ecʼob kok e lɛl 20:32

Sica mʼam oc mʼɛlul ↄny Nyam lele in eci sↄrŋ ikŋ eci odad ab ab abu ɛm. Nʼↄny abusu eke li kʼagbr ↄny ↄmn ɛm ke nʼↄ́ŋ ↄny aja a fɛŋ eke lʼoc lʼɛw es agŋ a ekʼel in ecʼa ecʼa.

Ɛrm ɛsɛl ecʼob kok e lɛl 26:18

Mʼam ɛrmʼŋ eke kʼim fig fig ɛl anyamn, ↄny ot ɛl es ncebn ɛm ot ok ɛl usuayl ɛm, Satan ecʼabusu ab ɛm eke -nʼanŋn a ot ↄŋ ɛl Nyam. Eke -li bʼↄny ↄmn ɛm ɛm a, -li bʼow -nʼɛŋn ɛl e sikpl a ecʼoc ap lele es sig usu nyam agŋ a ekʼel Nyam ecʼab ab.” »

Rom eyŋ e lɛl 1:29

Ów ɛnyɛmbri yony yony iy ɛl ɛm gbↄŋ. -Li bi kok low ŋuŋ, -li bʼerur ob ekʼel ɛl lawlɛl ecʼa, -lʼel agŋ eŋuŋ ɛtŋ nyamnɛyr iy ɛl ɛm gbↄŋ. -Li bʼibi agŋ, -li bʼatar ów es, -li bʼɛju ɛl lawlɛl ɛtŋ -li bi kok low mɛju ecʼabŋ ab. -Li bi dad ów eŋuŋ -lʼok agŋ af,

Rom eyŋ e lɛl 12:2

Kʼùsr wus eke sʼir af a ecʼagŋ ɛm ecʼów a jam, kↄ yɛ̀br Nyam itŋn ↄny e tutr a nimum. Ɛbɛn ke ↄ́tur uwr yecʼeke lʼerur ab any: yecʼeke akpl, yecʼeke akplʼl sos ɛm lele yecʼeke iy nɛny bɛbmn ab ab.

Rom eyŋ e lɛl 6:22

Sica jam aŋa, wɛl sↄg ↄny sikpl e lís ɛtŋ ɛwal eel Nyam eci madu. Na sosiɛm am ir ɛb eke bʼakpl Nyam sos ɛm, ɛtŋ ow eci low ekʼanŋ ɛm ɛy ↄkm a, el Nyam ab ecʼɛb ir sɛgŋ fɛŋ a.

Korɛnt eyŋ e lɛl krɛkrɛ 1:30

In anake lʼokr ↄny af Jesu Krist ab a, ɛtŋ ɛy ecʼa, Krist el sɛwr a eke bʼanŋ Nyam ogŋ ow a. Nyam bʼɛcr in ɛm, óc ɛy ɛsɛ agŋ nyim nyim af in ecʼany af. Krist ɛm, li bʼayal ɛy sʼir ɛb in eci, ɛtŋ li bi sↄg ɛy sikpl ecʼabu ɛm.

Korɛnt eyŋ e lɛl krɛkrɛ 7:2

Gbɛkↄ agŋ eke bʼij nfaci a sosiɛm, ke igŋ fɛŋ ↄ́ny in e yↄw, ke yↄw fɛŋ ↄ́ny in ecʼigŋ.

Korɛnt eyŋ e lɛl yony ɛm 12:21

Ɛmɛny low nyam ecʼerŋn yɛji am ↄnym: ɛm ecʼow ab ɛm, oglog ke Nyam kókʼm ɛ́s ↄny ecʼany af. Mʼam uru eke mi kʼikŋ ↄŋn ↄny ɛm ecʼagŋ nↄnↄ eke abu anŋ ɛm am kok lɛgŋ sig ɛm e sikpl a eci. Tasi ɛm a, yɛfɛnyna yɛji -li kʼɛwlm -li ki lɛrm Nyam. -Nʼam ir ɛb eke ↄ́ↄm ɛl -lʼaylmn, -nʼam ij nfaci ɛtŋ -nʼam ɛbirir marɛm marɛm.

Galat eyŋ e lɛl 5:19

Ów a eke ɛy e sos af ecʼów aw bʼↄsu, ke wɛl bʼɛkn a el: agŋ e lↄsŋn e bʼagbr ɛgŋ kaka fɛŋ ab, ɛb eke -li bʼir sikpl ɛm, ów ↄbr ↄbr eke -li bi kok ɛl ecʼerur ɛm;

Efɛs eyŋ e lɛl 5:17

Na sosiɛm kʼèel anyambu, kↄ òkr nuŋ ɛm es sɛnyn sɛnyn irir yecʼekʼel Ɛs Kↄtↄkↄ ecʼerur a.

Efɛs eyŋ e lɛl 6:6

Ow elm eke -li bʼɛw ↄny nyamn af a cɛ, kí kokmn ɛl e lís e low mɛwl ɛm, yecʼɛtŋ ke -lʼaw ↄny, kↄ ɛ̀lumn ɛsɛ Krist eci madu eke bi kok ɛrm nyam ɛm juma fɛŋ eke Nyam bʼerur ab af.

Kolↄs eyŋ e lɛl 1:9

Na sosiɛm anake ɛy yɛji, lɛgŋ a ɛtŋ eke sʼiri wɛl dad ɛy ↄny e lís e low a, sɛgŋ fɛŋ sʼam ŋↄŋn Nyam sʼↄŋ ↄny a. Sʼam ibrm Nyam eke li kʼↄŋ ↄny uwr in ecʼerur tasi ab any, nuŋ ɛm ↄny fɛŋ lel sɛwr fɛŋ ekʼin ecʼAbŋ a bʼↄŋ ↄny ab ɛm.

Kolↄs eyŋ e lɛl 3:5

Na sosiɛm a, ìbir ↄny ɛm low fɛŋ ekʼel wus ecʼów ɛsɛ: nfaci ij af, sikpl owi af, ów aw eke ɛw fɛfɛdi lele ów aw eŋuŋ ab lele lokm suŋ ekʼin ɛw ɛsɛ sinyam yadŋ e nuŋ igŋ ab af.

Kolↄs eyŋ e lɛl 4:12

Epafras, ekʼin yɛji el ↄny ɛm e nyam a, am ɛsŋn ↄny; Krist e libↄwi na sɛgŋ fɛŋ bʼatr sos es ŋↄŋn Nyam ↄny eci, yecʼɛtŋ ke ↄ́tur inymn es kikri, ánŋn ɛsɛ agŋ ekʼagb ↄmn ɛm, ke bɛbm sos eke ki kok low fɛŋ eke Nyam bʼerur ab af.

Tesaloni eyŋ e lɛl krɛkrɛ 4:2

Ɔny obi yɛji uwr low yecʼeke si yɛgm ↄny Ɛs Kↄtↄkↄ Jesu e nin ɛm ab any.

Tesaloni eyŋ e lɛl krɛkrɛ 4:4

Ke ↄny ɛm ecʼɛgŋ nyam nyam úw any ↄnyn sos es nfaci ij e lís, án es lala ɛm lele sos us ɛm ab,

Tesaloni eyŋ e lɛl krɛkrɛ 5:18

Ɔ̀ŋn Nyam bia low low fɛŋ ɛm. Na el low eke Nyam am ibrm eke ki kokr, ↄny ekʼokar af Jesu Krist ab a.

Tesaloni eyŋ e lɛl krɛkrɛ 5:23

Ke Nyam ekʼel ɛrm es ɛy e nuŋ a in obi áyal ↄny nimum; ke nʼↄ́ŋ ↄny ecʼɛgŋ el a nimum ekʼel abŋ, liy, lele sos megl ab a él lala, ekʼabr ɛnym kaka anm ɛm toŋ bake ɛy Ɛs Kↄtↄkↄ Jesu Krist e mowrer e lɛgŋ a ów.

Tesaloni eyŋ e lɛl yony ɛm 2:13

Sica agŋ lisijimɛl, ↄny eke Ɛs Kↄtↄkↄ erur ↄny a, ow it eke sɛgŋ fɛŋ si kʼɛlu Nyam bia ↄny eci, aŋke li sↄsum lʼot ↄny nuŋ ↄb ɛm ɛtŋ eke li ki sↄg ↄny Abŋ Lala eke bʼↄŋ ↄny éel Nyam eci lele ↄny ecʼↄmn ekʼↄnyn low nawrɛ ɛm a ecʼab.

Tit e lɛl 2:14

Lʼirmn in e sel a ɛy sosiɛm, yecʼɛtŋ ke li sↄ́g ɛy low ŋuŋ fɛŋ ɛm. Lʼerur eke li ki kok ɛy sʼel bieku ekʼin obi lʼayal, agŋ ekʼel in sↄny eci, ke sɛgŋ fɛŋ ów amamn kok bʼanŋ sos ɛm.

Ebre eyŋ e lɛl 10:36

Ow am ibrm eke kʼↄnyn ɛrm susu yecʼɛtŋ ke ↄ́tur kokr yecʼa eke Nyam am erur a, ke ɛ́ŋan yecʼa eke lʼɛwar lʼɛw es a.

Ebre eyŋ e lɛl 12:16

Ke ɛbirir marɛm marɛm owi kʼánm ↄny ecʼaraŋn! Kʼìfan Nyam ecʼów a ɛsɛ elel eke Esayu kok ab af. In eke ob ij lↄfu nyam sosiɛm, lʼↄl in e sigbɛl a lʼij a!

Ebre eyŋ e lɛl 13:21

Ke Nyam na sɛgŋ fɛŋ ↄ́ŋ ↄny ↄtur kokr low mamn, kókr yecʼa eke li bʼerur a! Ke lʼɛ́cr Jesu Krist ɛm li kok ɛy ɛm, low yecʼeke bʼawʼr a! In ecʼel anygbɛl sɛgŋ fɛŋ! Amɛn!

Ebre eyŋ e lɛl 13:4

Ke agŋ a fɛŋ ↄ́ny mɛbi ecʼɛlum. Ke igŋ lel yↄw ab ecʼes ɛru usu a nfaci ij owi kʼɛ́ym. Nyam bʼow jɛj agŋ a eke bʼɛbirir marɛm marɛm a lele agŋ a eke ɛbirir ke bʼij nfaci ab ab e low ok.

Piɛr e lɛl krɛkrɛ 1:2

Nyam Ɛs, ikŋ anym sↄsum ot ↄny ɛsɛ elel eke li bɛbm lʼɛw es ab af. Lʼɛcr in ecʼAbŋ ab ɛm li kok ↄny eel agŋ lala, yecʼɛtŋ ke ɛ́lumn Jesu Krist, ke in eci mebl a áyal ↄny. Ke Nyam ecʼↄwrↄ a lel ɛrm es ɛy ab ab ɛ́ny bobn ↄny.

Piɛr e lɛl krɛkrɛ 4:2

Sɛgŋ ekʼanŋ ↄny eke kʼiir ɛb wus af aŋa a, kʼùsr agŋ ecʼów aw eŋuŋ a jam, kↄ ùsr Nyam e low e bʼerur a jam.

Jan e lɛl krɛkrɛ 2:17

Ɔ̀kan eke wus na bʼow ɛc lel in ecʼów aw eŋuŋ ab ab. Kↄ ɛgŋ ekʼam kok Nyam ecʼerur a bʼow anŋ godo godo fɛŋ.

Ów eke Jan ɛkn es ɛkn ɛm 21:8

Érŋnu, ów ɛnyɛmbri yony yony ɛsɛl, agŋ eŋuŋ, agŋ ibiu, afacu, cam kok ɛsɛl, agŋ a eke bʼigŋ sɛkp nuŋ lele ayadŋu fɛŋ ab ecʼa, ɛl ecʼusu bʼow anŋ mebn eke ler faf es a eci al ab ɛm. Ke luw sakp yony ɛm ab ana.»

Ów eke Jan ɛkn es ɛkn ɛm 22:15

Sica baŋn a eci jam a, agŋ eŋuŋ a, cam kok ɛsɛl, afacu, agŋ ibiu, sɛkp nuŋ igŋ ɛsɛl lele ayadŋu ab ecʼusu ekʼanŋ ana!