Tesaloni eyŋ e lɛl krɛkrɛ 4:13 - Adioukrou

¹³ Sica agŋ lisijimɛl, sʼerur eke kʼuwr Krist e jam us ɛsɛl ekʼuw a e lís e low any, yecʼɛtŋ ke kʼánmn sↄrŋ ɛm ɛsʼagŋ likpr a ekʼↄnym ↄmn ecʼab af.

Tesaloni eyŋ e lɛl krɛkrɛ 4:13 Iomraidhean Croise

Matie e lɛl 27:52

suwↄmu fifig. Eke Jesu igb luw ɛm a, ↄmn ɛsɛl nↄnↄ a ekʼuw a igb luw ɛm; -nʼanŋ suwↄmu ab ɛm -lʼok ↄkm. -Lʼok Jerusalɛm, ɛb lala ab ɛm; yogŋ agŋ nↄnↄ ɛkn ɛl.

Jan e lɛl 11:24

Mart dad ninɛ: «Mʼuw any eke lɛgŋ es abal el ɛm a eke agŋ ekʼuw a bʼow igb luw ɛm a, in yɛji li bʼow lʼigb.»

Ɛrm ɛsɛl ecʼob kok e lɛl 13:36

David e lɛgŋ ɛm a, li kok Nyam e juma e bɛbm ɛw es a toŋ batŋ lʼuw, wɛl ocʼr es lagŋɛl e saw ɛtŋ lʼugŋ es;

Ɛrm ɛsɛl ecʼob kok e lɛl 7:60

Ow e jam a, lʼok ↄwrↄkp wus ɛtŋ li barm lebl tuↄtuↄ ɛm ninɛ: «Ɛs Kↄtↄkↄ, kʼↄ̀ŋ ɛl -li kʼebr ɛm e luw na e ligbↄw!» Eke li dad sodad amua ba ow bʼuwr a, lʼok sel es.

Ɛrm ɛsɛl ecʼob kok e lɛl 8:2

Agŋ ekʼↄny Nyam e muru a oc Etiɛn im oc es ɛtŋ ikŋ in e luw a ecʼↄŋn nↄnↄ.

Rom eyŋ e lɛl 1:13

Agŋ lisijimɛl, mʼerur eke kʼuwr any eke sakp nↄnↄ mi tutr eke mi kʼow ↄny ogŋ yogŋ, kↄ toŋ sicaca ɛm a, mʼↄtum mʼɛŋnm ow ecʼabusu. Mʼam ↄmn eke ɛm e juma a, ↄny ogŋ yogŋ yɛji bʼow ↄsu ey amamn ɛsɛ ɛbr ɛjecʼɛm ecʼab af.

Korɛnt eyŋ e lɛl krɛkrɛ 10:1

Agŋ lisijimɛl, mʼerur eke mi kʼↄkn ↄny low yecʼa eke ɛŋn ɛy lagŋɛl Mois e lɛgŋ ɛm a. Jru a ekʼanŋ afr ow a nyimn ɛl, ɛtŋ -lʼubr okij ebl a,

Korɛnt eyŋ e lɛl krɛkrɛ 12:1

Agŋ lisijimɛl, yecʼekʼel Abŋ Lala e sob ap ecʼa, mʼerurm eke kʼúwmn ow e lís e low kaka any.

Korɛnt eyŋ e lɛl krɛkrɛ 15:6

Ɛmɛny, lʼokm sos ↄkm li yɛgm in e jam ɛsɛl ekŋ yen yen sakp yen ekʼanŋ usu nyam a ɛknʼn wanci nyam af. Ɛl ɛm ecʼagŋ nyam nyam uw, gbɛkↄ nↄnↄ gbɛl anŋ owr cɛ.

Korɛnt eyŋ e lɛl yony ɛm 1:8

Agŋ lisijimɛl, ow it e kʼuwr any eke Azi wus af a, sʼɛgŋ gbre ijr ɛgbɛl nↄnↄ sʼeb, gbre ijr ekʼɛl e leg a agb afŋn ɛy e lɛc ab es, toŋ ke sʼirmn owr anŋ ecʼↄmn fɛŋ.

Efɛs eyŋ e lɛl 2:12

ↄny eel agŋ ekʼuwm Krist any, agŋ eke wɛl awlm Nyam ecʼagŋ ab ɛm, ke anm sinm a fɛŋ eke Nyam ɛwar a e low ɛm, ↄnym low ↄmn kaka, ke uwm Nyam any ɛl ecʼɛb ir ɛm wus af aŋa.

Efɛs eyŋ e lɛl 2:3

Lɛgŋ ab ɛm, ɛy yɛji sʼanŋ ɛsɛ agŋ amua af, ow a eke sʼam ir ɛb ɛsɛ elel ekʼɛy ecʼów aw eŋuŋ bʼↄŋn ɛy ab af a. Sʼɛlum ɛy ecʼów aw eŋuŋ a lel ɛy e sow tutr eŋuŋ ab ab. Ɛtŋ ɛy ecʼelel tasi a eke sʼanŋn a sosiɛm, sʼit eke Nyam eci jɛj ok a kʼↄŋ ɛy sʼabur es ɛsɛ agŋ likpr ab af.

Tesaloni eyŋ e lɛl krɛkrɛ 4:14

Eke sʼub nawrɛ eke Jesu uw ɛtŋ lʼɛwl nʼanŋ owr a, ɛbɛn nɛnyɛmbri nyam sʼub nawrɛ eke Nyam bʼow ↄŋ agŋ ekʼub Krist nawrɛ ke uw a ɛ́wl ow in ab.

Tesaloni eyŋ e lɛl krɛkrɛ 4:15

Sica kin yecʼeke Ɛs Kↄtↄkↄ in e low yɛgm ɛm dad ɛy, ke sʼam ɛlu ↄkm: Ɛs Kↄtↄkↄ e mowrer e lɛgŋ a, ɛy eke si bʼow sʼanŋ owr a, si kʼow sʼikŋm agŋ ekʼuw a ecʼanym.

Tesaloni eyŋ e lɛl krɛkrɛ 5:10

In lʼuw ɛy sosiɛm yecʼɛtŋ ke nʼↄŋ ɛy sʼanŋ owr in ab, eke sʼanŋ owr ɛtŋ sʼuw yɛji.

Tesaloni eyŋ e lɛl krɛkrɛ 5:6

Na sosiɛm ow itm eke si kʼɛru mɛmn ɛsʼagŋ amua na ecʼab af, kↄ sʼánŋ any owr, ke low fɛŋ ɛm any ók ɛy es.

Piɛr e lɛl krɛkrɛ yony ɛm 3:4

-Li bʼow -li kokr ↄny miyɛr -li dad -lʼɛsɛ: «Jesu ɛwar ɛw es eke li bʼow lʼɛwl lʼow, kↄ yadŋ ee? Ɛtŋ sica bogŋ nʼanŋ ab ee? Tasi ɛm a, ɛy ɛsɛl uw godʼɛtŋ, gbɛkↄ ów a fɛŋ anŋ ow ecʼelel a cɛ eke ow anŋn godʼɛtŋ, wus eci nuŋ ↄb ɛm ɛtŋ a!»

Piɛr e lɛl krɛkrɛ yony ɛm 3:8

Gbɛkↄ erur ɛm ecʼagŋ lisijimɛl, low nyam anŋ ekʼit eke kʼíjlmn es: Ɛs Kↄtↄkↄ ecʼa, lɛgŋ nyam anŋ ɛsɛ akpo fandi af, ɛtŋ akpo fandi anŋ ɛsɛ lɛgŋ nyam af.