Tesaloni eyŋ e lɛl krɛkrɛ 3:7 - Adioukrou

⁷ Ow sosiɛm a, lisijimɛl, ↄny ecʼↄmn ecʼamani e sʼiri ɛy e sos es ↄw na ɛm lel ɛy e gbre ijr na ɛm ab a, ɛyr ɛy ɛrm es, atr ɛy sos es.

Tesaloni eyŋ e lɛl krɛkrɛ 3:7 Iomraidhean Croise

Korɛnt eyŋ e lɛl yony ɛm 1:4

Li bʼatr ɛy sos es ɛy e ses babur fɛŋ ɛm, yecʼɛtŋ ke ɛy yɛji sʼátr agŋ ekʼam ij gbre a sos es. Ɛtŋ ɛbɛn a, si bʼↄŋ ɛl yecʼa eke ɛy obi yɛji si bʼeb Nyam ogŋ a.

Korɛnt eyŋ e lɛl yony ɛm 7:13

Na anake el low ekʼatr ɛy sos es a. Ɛtŋ sos es atr na e low ekʼigŋ af, ke obn ɛy e sos ɛm iŋn a el Tit eci sos ɛm iŋn a ekʼɛŋn a. Ɛɛ, ↄny fɛŋ ɛyar ir ɛrm es.

Tesaloni eyŋ e lɛl krɛkrɛ 3:6

Sica Timote anŋ ↄny ogŋ a ow ɛtŋ ↄb ɛy ↄny ecʼↄmn lel erur ab ecʼamani, eke bʼↄkan ɛy e low sɛgŋ fɛŋ sɛnyn sɛnyn ɛtŋ am erurir eke kʼɛkan ɛy, ɛsɛ elel eke ɛy yɛji sʼam erur eke si kʼɛkn ↄny ab af.

Jan e lɛl yony ɛm 1:4

Sos ɛm am iŋnʼm nↄnↄ eke mʼɛkn ŋ ecʼey bɛb am an es low nawrɛ ɛm ɛsɛ ol eke sʼeb Ɛs ogŋ ab af.