Tesaloni eyŋ e lɛl krɛkrɛ 2:7 - Adioukrou

⁷ Ke sʼↄtu cɛ eke si kʼↄŋ ↄny low ebr, eke sʼel Krist ecʼɛrm ɛsɛl a sosiɛm. Gbɛkↄ sʼel agŋ frↄrↄ ↄny ecʼaraŋn ɛsɛ elel eke ey lis, frↄrↄ ɛm bi kok in ecʼey e lís e low ab af.

Tesaloni eyŋ e lɛl krɛkrɛ 2:7 Iomraidhean Croise

Ɛrm ɛsɛl ecʼob kok e lɛl 13:18

Loj yogŋ, nʼↄnym wɛl ab ow ij akpo ekŋ yony.

Korɛnt eyŋ e lɛl krɛkrɛ 2:3

Ɛtŋ eke mʼow yogŋ a, mʼↄnym sos, erŋn am ↄnyʼm ɛtŋ ɛrm mij am okʼm.

Korɛnt eyŋ e lɛl krɛkrɛ 9:22

Eke mʼanŋ ↄmn fuɛfuɛ ɛsɛl ab, mʼám ir ɛb ɛsɛ ɛm yɛji ↄmn fuɛfuɛ ɛm ↄny af, ɛl ecʼeb sosiɛm eci. Mi bi kok fɛŋ a eke mʼↄtu eke mi ki kok a, yecʼɛtŋ ke saaŋ agŋ nyam nyam ɛ́ŋn sel.

Korɛnt eyŋ e lɛl yony ɛm 10:1

Ɛm Pↄl, ɛm anake mʼam ibrm ↄny low Krist ecʼɛrm frↄrↄ lel ɛrm mamn ab ab ɛm a. Wɛl am dad eke ɛm bʼanŋ tiŋ eke ɛm bʼanŋ ↄny ecʼany af a, kↄ ɛm bʼanŋ akpoj a, nɛny in bʼↄtuʼm nↄnↄ.

Korɛnt eyŋ e lɛl yony ɛm 13:4

Nawrɛ, wɛl ɛw Krist olikŋ af, eke nʼↄnym sos a sosiɛm, gbɛkↄ nʼanŋ owr Nyam ecʼabusu ab ɛm. Ɛy yɛji, in ab eke sʼokr af a anake sʼↄnym sos a; gbɛkↄ si bʼow si yɛgm ↄny eke sʼanŋ owr in ab Nyam ecʼabusu ab ɛm.

Galat eyŋ e lɛl 4:19

Ɛm ecʼey, ɛmɛny mʼam ij ↄny e gbre, gbre ekʼotarir es ɛsɛ yↄw ekʼam ew iy ecʼab af, ɛtŋ mi bʼow mʼanŋ ɛm ɛbɛn toŋ ow áylʼm sos ɛm ekʼↄny fɛŋ Krist ir ↄny ɛm.

Tesaloni eyŋ e lɛl krɛkrɛ 2:11

Ɛmɛny uwr any eke si kok ↄny ɛm ecʼɛgŋ nyam nyam e lís low ɛsɛ elel ekʼey ɛs bi kok in ecʼey ab af.

Jak e lɛl 3:17

Afr eci sɛwr a el sɛwr mamn eke bʼis ɛrm es ɛy, ↄ́nym low lɛc ɛm, ke bʼↄny agŋ okr af ɛrm es ɛy ɛm. Nʼↄny agŋ e sↄrŋ ikŋ ɛtŋ li bʼɛlu low kok mamn ↄkm. In lʼelm ɛnyɛmbri yony yony ɛs, nʼánm ogog nyam.