Tesaloni eyŋ e lɛl krɛkrɛ 1:5 - Adioukrou

⁵ Tasi ɛm a, Amani Mamn ecʼodad eke si dad ↄny a, ow elm odad ebl nɛnym ɛm cɛ, kↄ Abŋ Lala ecʼabusu lele in ecʼabu ɛlum ɛm ab, ɛtŋ sʼuw any tasi ekʼow el low nawrɛ. Ɛtŋ uwr any eke, ɛy ecʼes an ↄny ecʼaraŋn a, ↄny e nimamn eci.

Tesaloni eyŋ e lɛl krɛkrɛ 1:5 Iomraidhean Croise

Mark e lɛl 16:20

Jam ɛsɛl a im ɛtŋ am ↄb Amani Mamn a e kokoba susu a fɛŋ. Ɛs Kↄtↄkↄ am ɛlum ɛl abu ɛl e juma kok ab ɛm, ɛtŋ mɛny ɛwr fɛŋ eke -nʼam ɛlu ↄkm a, am yɛgm ekʼɛl ecʼodad a el nawrɛ tasi.]

Luk e lɛl 1:1

Ɛgŋ gbɛl Teofil mamn, agŋ nↄnↄ gbɛl nↄn ów amua eke ɛy ɛy ɛm a ɛsɛ elel eke agŋ a ekʼɛkn low a nuŋ ↄb ɛm ɛtŋ, ke Nyam ↄŋ eke ki dad ɛy in ecʼodad a dad ɛy ab af.

Ɛrm ɛsɛl ecʼob kok e lɛl 11:21

Ɛs Kↄtↄkↄ ecʼabusu a anŋ ɛl ab, ow ↄŋ agŋ nↄnↄ gbɛl ub nawrɛ ɛtŋ itŋn ɛrm ɛm el Ɛs Kↄtↄkↄ eci.

Ɛrm ɛsɛl ecʼob kok e lɛl 16:14

Ɔyↄw ab ɛm e nyam e nin el Lidi, Tiatir baŋn yↄwi eke bʼↄl sigbad ebl amamn ij ke bʼigŋ Nyam nuŋ. Nʼam iri ɛy ecʼodad a, ɛtŋ Nyam ↄŋʼn abŋ eke li kʼɛw Pↄl e sodad a ɛrm af.

Ɛrm ɛsɛl ecʼob kok e lɛl 2:33

Sica, wɛl igblʼl ogŋ Nyam e lidr abu af, ɛtŋ Ɛs ɛm nʼɛŋn Abŋ Lala a eke wɛl ɛwar ow e low a, ɛtŋ nʼↄmun es ɛy af. Ow e low anake am ɛkan, ke am irir a.

Rom eyŋ e lɛl 1:16

Tasi ɛm a, Amani Mamn a ecʼↄb a ↄ́nym im ɛ́s, aŋke lʼel Nyam e lɛc ɛgŋ kaka fɛŋ ekʼub nawrɛ a e sↄg eci: krɛkrɛ ɛm a Jwifɛl, ke sica agŋ ekʼelm Jwifɛl a yɛji.

Rom eyŋ e lɛl 15:13

Ke Nyam eke bʼↄŋ agŋ low ↄmn a yíbr ↄny ɛrm es ɛy lele sos ɛm iŋn ab, ↄny ecʼↄmn a sosiɛm. Ɛbɛn ke ow ↄ́ŋ low ↄmn iy ↄny ɛm Abŋ Lala e lɛc ab ɛm.

Rom eyŋ e lɛl 2:16

Ów amua fɛŋ eke mi dad a bʼow ok ↄkm kpata jɛj ok e lɛgŋ a, ɛsɛ elel eke Amani Mamn na eke mʼam ↄb a am dad ab af. Lɛgŋ a, Nyam bʼow ɛcr Jesu Krist ɛm jɛj fɛŋ a eke lↄl es agŋ ecʼɛb ir ɛm a e low ok.

Korɛnt eyŋ e lɛl krɛkrɛ 1:24

Gbɛkↄ agŋ a eke Nyam ɛsŋ a, Jwifɛl lele agŋ ekʼelm Jwifɛl ab ecʼa, -lʼuw any eke Krist el Nyam ecʼabusu ↄny a lele sɛwr ab ab.

Korɛnt eyŋ e lɛl krɛkrɛ 10:33

Kòkr ɛsɛ ɛm af! Mi bi kok eke ɛm e low kok fɛŋ ɛm, ɛm e low kʼakpl agŋ a fɛŋ sos ɛm. Mʼↄ́lm ɛm obi e low mamn es, kↄ agŋ fɛŋ e low mamn mi bʼↄl es yecʼɛtŋ ke ɛl fɛŋ -nʼɛŋn sel.

Korɛnt eyŋ e lɛl krɛkrɛ 3:16

Ɔny uwmn any eke eel Nyam ecʼêl a, ke Nyam ecʼAbŋ a ir ↄny ɛm ee?

Korɛnt eyŋ e lɛl krɛkrɛ 3:6

Ɛm, mʼewl egb a, ɛtŋ Apolↄs okʼr mij, kↄ Nyam anake ↄŋʼn lʼagb a.

Korɛnt eyŋ e lɛl krɛkrɛ 4:20

Tasi ɛm a, Nyam e gbreŋgbi usu a elm sodad ebl e low, kↄ abusu ↄny e low.

Korɛnt eyŋ e lɛl krɛkrɛ 9:14

Ɛbɛn nɛnyɛmbri nyam, Ɛs Kↄtↄkↄ ↄŋ abusu eke agŋ ekʼam ↄb Amani Mamn a, kʼɛŋn ɛl ecʼob ij juma na eke -nʼam kok ab ɛm.

Korɛnt eyŋ e lɛl yony ɛm 3:6

In anake nʼↄŋ ɛy sʼↄny abusu sʼam kok sinm owr na e juma a. Sinm na anm ol eke wɛl nↄn a e low ɛm, kↄ Abŋ Lala e low ɛm nʼanŋ. Ol eke wɛl nↄn a bʼism luw ab, kↄ Abŋ Lala, in, bʼism sel ab.

Galat eyŋ e lɛl 2:2

Mʼɛwl mɛny mʼim aŋke Nyam ɛlu ow e low ↄkm yɛgmʼm eke mi ki kok ɛbɛn. Jerusalɛm yogŋ, luku eke mʼas saw ɛm Nyamel ecʼidr ɛsɛl ab a, mʼotar Amani Mamn a eke mʼam ↄb mʼok agŋ ekʼelm Jwifɛl a e low akr mʼok ɛl. Tasi ɛm a, mʼerurm ekʼɛm e juma eke mʼam kok lel ow eke mi kok lɛgŋ sig ɛm ab ab a, e low kʼél ↄfr ↄfr.

Galat eyŋ e lɛl 5:5

Sica ɛy ecʼa, sʼoc ɛy e nawrɛ ub a sʼɛlu Nyam ɛm. In li bʼow nʼↄŋ ɛy sʼel nɛny nyam ɛsɛl in ecʼany af; low na anake sʼam eku Abŋ Lala ecʼabusu a eke bʼɛcr ɛy ecʼↄmn ab ɛm kok juma a.

Efɛs eyŋ e lɛl 2:10

Tasi ɛm a, Jesu Krist ab ecʼaf okr ɛm anake Nyam kok ɛy a. Li kok ɛy yecʼɛtŋ ke sʼír ɛb ów amamn kok ɛm. Ɛtŋ ów amamn amua, Nyam ikŋ anym bɛbm ɛw es eke si ki kok.

Efɛs eyŋ e lɛl 3:20

Nyam e lɛc a am kok juma ɛy ɛm ɛtŋ eke si bʼibrmʼn low a, lʼↄtu eke li ki kok ow afŋ es! In e lɛc a agb akm yecʼa e sʼↄtu eke si ki tutr a.

Filip eyŋ e lɛl 2:13

aŋke Nyam in obi li bʼↄŋ ↄny low ɛgŋ eb lele ow e kok ab ecʼabusu ɛsɛ elel eke li bɛbm ab af.

Filip eyŋ e lɛl 4:9

Kòkr yecʼa eke wewar ke ebr lele ow eke irir mi dad, ke ɛkanʼm mi kok ab ab. Ɛtŋ Nyam a eke bʼↄŋ agŋ ɛrm es ɛy a, bʼow anŋ ↄny ab.

Kolↄs eyŋ e lɛl 2:2

Tasi ɛm a, mʼam erur eke -li kʼↄny ɛrm susu iy ɛl ɛrm ɛm gbↄŋ ke -lʼokr af erur ɛm, ke nuŋ ɛm ↄny íy ɛl ɛm gbↄŋ yecʼɛtŋ ke -lʼↄtu -lʼuw Nyam e low eke lↄl es ab any. Low a eke lↄl es a el: Krist,

Tesaloni eyŋ e lɛl krɛkrɛ 2:13

Na sosiɛm sʼam ↄŋ Nyam bia sɛgŋ fɛŋ, eke ebmn odad eke si dad ↄny a ɛsɛ agŋ ɛm ecʼodad af, kↄ ke ebr ɛsɛ Nyam ecʼodad af a. Ɛɛ, nawrɛ Nyam ecʼodad ab ana! Ɛtŋ li bi kok juma ↄny ɛm lʼitŋn ↄny ekʼubr nawrɛ a.

Tesaloni eyŋ e lɛl yony ɛm 2:14

Nyam ɛsŋ ↄny in ecʼAmani Mamn ecʼodad eke si dad ↄny ab ɛm. Lʼɛsŋ ↄny eke kʼɛŋan yecʼa eke kʼɛbm ↄny ɛy Ɛs Kↄtↄkↄ Jesu Krist ecʼanygbɛl ab ɛm a.

Timote e lɛl yony ɛm 2:10

Na sosiɛm mʼam ɛgŋ low fɛŋ mʼeb agŋ a eke Nyam sↄsum ot a e nimamn eci, yecʼɛtŋ ke ɛl yɛji -nʼɛŋn sel ɛŋn a eke bʼow anŋ Jesu Krist ɛm ow a, lel anygbɛl a ekʼↄnym uwr ab ab.

Timote e lɛl yony ɛm 2:8

Ɔ̀kn Jesu Krist ekʼel David e bosu ɛm ecʼɛgŋ ke anŋ luw ɛm igb ɛsɛ elel eke Amani Mamn a eke mʼam ↄb ow e kokoba a dad ab af a.

Ebre eyŋ e lɛl 10:22

Sica wɛl yↄyↄg ɛy ecʼɛrm ab ɛm ecʼów fɛŋ eke kʼok ɛy ów af ab es, ɛtŋ wɛl ok ɛy e sos megl a mij, mij lala tasi ɛm. Ow sosiɛm, si títmn Nyam ɛrm ekʼij nɛny nyam ke inym es kikri ɛy ecʼↄmn ab ɛm.

Ebre eyŋ e lɛl 6:11

Sʼam erur cɛ ekʼↄny ɛm ecʼɛgŋni nyam nyam fɛŋ kʼanŋ gbragbra kok ab ɛm toŋ ok nuŋ, yecʼɛtŋ ke fɛŋ a eke am ↄman a ɛ́ŋan.

Piɛr e lɛl krɛkrɛ 1:12

Ɛtŋ Nyam yɛgm ɛl eke: odad a eke wɛʼn am ↄb ow e kokoba a, owʼn elm wɛl eci, kↄ ↄny eci. Sica, agŋ a ekʼam ↄb Amani Mamn a eci kokoba a, cɛc ↄny odad a Abŋ Lala a ekʼanŋ afr ow a ecʼabusu ɛm. Ɛtŋ odad na, afr ɛrm ɛsɛl ɛl obi yɛji erur eke kʼɛpi mɛny es ɛm.

Piɛr e lɛl krɛkrɛ 1:3

Si kↄ́klmn Nyam, ɛy Ɛs Kↄtↄkↄ Jesu Krist ecʼƐs! In eci sↄrŋ ikŋ ligbɛl ab ɛm, nʼↄŋ wɛl ewr ɛy ɛm Jesu Krist eci luw ɛm ekʼanŋ igb a sosiɛm. Nɛnɛ ɛm anake sʼam ↄmn low a eke bʼↄŋ ɛy sʼanŋ owr a,

Piɛr e lɛl krɛkrɛ 5:3

Agŋ a eke Nyam abul ↄny a, kʼɛ̀wr es ɛw lɛc lɛc ɛl ab; kↄ èel mɛbob a e sɛwl,

Piɛr e lɛl krɛkrɛ yony ɛm 1:10

Ow sosiɛm, agŋ lisijimɛl ɛmɛny àtar sos es, ùcur Nyam ecʼɛsŋ a ekʼɛsŋ ↄny a lel ↄny e sↄsum eke li sↄsum lʼot ↄny ab ab e low ↄnyn es. Eke bʼiir ɛb ɛbɛn, kʼow ɛymn low ŋuŋ ɛm ij.

Piɛr e lɛl krɛkrɛ yony ɛm 1:19

Na sosiɛm, ow ↄŋ ɛy ecʼↄmn a obn nↄnↄ kokoba ↄb ɛsɛl ecʼamani ab ɛm. Ow akpl eke kʼɛwr ɛrm af, aŋke ow anŋ ɛsɛ kɛniɛ ekʼanŋ ncebn ɛm am iri, toŋ ke lɛgŋ ɛny ecʼusuayl ów, ke ɛnyn ɛnyn eci lɛ́l a ɛ́kan ↄny e mɛrm ab es.