Tesaloni eyŋ e lɛl krɛkrɛ 1:3 - Adioukrou

³ Nyam ɛy Ɛs ecʼany af si bʼↄkn ↄny e nawrɛ ekʼubr e juma e kokr, ↄny ecʼerur ekʼↄnyn e low e kokr, lel ɛrm ekʼusurir ɛy Ɛs Kↄtↄkↄ Jesu Krist ɛm ecʼↄmn ekʼↄnyn ab ab e low.

Tesaloni eyŋ e lɛl krɛkrɛ 1:3 Iomraidhean Croise

Jan e lɛl 14:15

«Eke bʼerurirʼm, bʼow ↄsur ɛm e sol a.

Jan e lɛl 15:10

Bʼow anŋn ɛm ecʼerur ab ɛm eke bʼↄsur ɛm e sol a, ɛsɛ elel eke mʼↄsu ɛm Ɛs e sol a ke mʼanŋ in ecʼerur ab ɛm ab af.

Ɛrm ɛsɛl ecʼob kok e lɛl 10:31

Li dadʼm ninɛ: “Kↄrnɛy, Nyam iri ŋ e ŋↄŋn e lebl a ɛtŋ lʼijlm abu ɛlum ekʼↄŋ ↄgbↄru ab es.

Ɛrm ɛsɛl ecʼob kok e lɛl 3:19

Ìtŋnin ɛrm ɛm gↄŋ, ke ɛ́wal -lɛɛr Nyam, yecʼɛtŋ ke li tɛ́tŋ ↄny e sikpl ab es,

Rom eyŋ e lɛl 12:12

Ànŋn sos ɛm iŋn ɛm ↄny e low ↄmn a sosiɛm. Ɔ̀nyn ɛrm susu gbre ij ɛm, ùcur Nyam ŋↄŋn ↄnyn es.

Rom eyŋ e lɛl 15:13

Ke Nyam eke bʼↄŋ agŋ low ↄmn a yíbr ↄny ɛrm es ɛy lele sos ɛm iŋn ab, ↄny ecʼↄmn a sosiɛm. Ɛbɛn ke ow ↄ́ŋ low ↄmn iy ↄny ɛm Abŋ Lala e lɛc ab ɛm.

Rom eyŋ e lɛl 15:4

Tasi ɛm a, lɛgŋ sig ɛm e Nyam e Silɛl a fɛŋ eke wɛl nↄn a, el ɛy e low yɛgm eci. -Lʼit eke -li kʼↄŋ ɛy ɛrm susu lele sos es atr ab, yecʼɛtŋ ke sʼↄ́ny low ↄmn.

Rom eyŋ e lɛl 16:26

ɛtŋ sica, ow ɛru es usuayl ɛm. Sica agŋ a fɛŋ ekʼelm Jwifɛl a ↄtu eke kʼuwʼr any kokoba ↄb ɛsɛl e silɛl ab ɛm. Nyam a ekʼanŋ sɛgŋ fɛŋ a ɛlu abusu na es, yecʼɛtŋ ke agŋ a fɛŋ úbʼr nawrɛ ke ɛ́lumʼn.

Rom eyŋ e lɛl 16:6

Ɛ̀sŋnin Mari eke kok juma nↄnↄ ↄny ecʼa.

Rom eyŋ e lɛl 2:7

Agŋ bɛb bʼucu ↄny es kok low mamn, yecʼɛtŋ ke -nʼanŋ Nyam ecʼanygbɛl ab ɛm. -Li bʼↄl yɛjʼeke Nyam ki susm ɛl es, ɛtŋ -li bʼↄl owr anŋ a eke úwrm ab es. Agŋ amua, Nyam bʼow ↄŋ ɛl -nʼanŋ owr in ab sɛgŋ fɛŋ eci.

Korɛnt eyŋ e lɛl krɛkrɛ 13:13

Lɛgŋ na ɛm a, ów nyahan anŋ sɛgŋ fɛŋ: ↄmn, low ↄmn lele erur ab. Gbɛkↄ ɛl ɛm e ligbɛl tasi a el erur.

Korɛnt eyŋ e lɛl krɛkrɛ 15:58

Ow sosiɛm, erur ɛm ecʼagŋ lisijimɛl, ɛ̀lul lɛc ↄkm, ìnymn es kikri! Sɛgŋ fɛŋ, kòkr Ɛs Kↄtↄkↄ e juma a mɛwl ɛm. Ɔny obi yɛji uwr any eke in e juma eke am kokr a, elm gbre ↄfr ↄfr ekʼam ijr.

Korɛnt eyŋ e lɛl yony ɛm 2:17

Ɛy sʼanm ɛsɛ agŋ nↄnↄ gbɛl eke bʼoc Nyam odad am ↄↄl an, os eke -li kʼɛŋn sosiɛm ecʼab af. Ɛy, Nyam am ɛkn eke sʼam dad odad eke bʼanŋ in ogŋ ow a nɛny nyam ɛm, ɛtŋ sʼam dad lele Krist ecʼabusu ab ab.

Galat eyŋ e lɛl 1:4

Ɛs Kↄtↄkↄ Jesu ɛwr in sosi awoba, yecʼɛtŋ ke lʼéb lʼɛlu ɛy es ɛy e sikpl ab ɛm. Li sↄg ɛy wus na e suŋ ab ɛm, ɛsɛ elel eke Nyam ɛy Ɛs erur ab af.

Galat eyŋ e lɛl 5:13

Agŋ lisijimɛl, Nyam ɛsŋ ↄny in e lewi ij ab ɛm, gbɛkↄ lewi ij ikŋ na itm eke kʼↄŋ ↄny abusu kokr ↄny e sos af ecʼów eke bʼaw ↄny a. Ow tasi eke ki kokr a el, ke erur ɛm, kókr ów ↄŋanin ↄny ↄfr.

Galat eyŋ e lɛl 5:6

Mʼam dad tasi ɛm mʼɛsɛ, eke sʼokr af Jesu Krist ab a, ke wɛl úbr ɛy likr es oglog ke wɛl kʼúbrm ɛy likr es, ow elm low kaka. Kↄ low tasi a cɛ el: úb nawrɛ, ke yɛ́gm ŋ ecʼↄmn a erur owi ɛm.

Galat eyŋ e lɛl 6:9

Sos kʼám ɛy low nimamn e kok ɛm, aŋke e sʼamnm sos, ow e wanci bʼow a, si bʼow sʼub.

Tesaloni eyŋ e lɛl krɛkrɛ 3:6

Sica Timote anŋ ↄny ogŋ a ow ɛtŋ ↄb ɛy ↄny ecʼↄmn lel erur ab ecʼamani, eke bʼↄkan ɛy e low sɛgŋ fɛŋ sɛnyn sɛnyn ɛtŋ am erurir eke kʼɛkan ɛy, ɛsɛ elel eke ɛy yɛji sʼam erur eke si kʼɛkn ↄny ab af.

Tesaloni eyŋ e lɛl yony ɛm 1:11

Na sosiɛm, sɛgŋ fɛŋ sʼam ŋↄŋn Nyam sʼↄŋ ↄny yecʼɛtŋ ke ɛy e Nyam a ɛ́kn ↄny ɛsɛ agŋ eke it af, in ecʼɛsŋ a eke lʼɛsŋ ↄny ab ɛm. Ke in ecʼabusu ab ɛm, lʼɛ́lum ↄny abu kokr low nimamn fɛŋ ekʼam erurir a, ke nʼↄ́ŋ ↄny ecʼↄmn a ɛw gbagba!

Tesaloni eyŋ e lɛl yony ɛm 1:3

Agŋ lisijimɛl, ow akpl eke sɛgŋ fɛŋ, si kʼɛlu Nyam bia ↄny sosiɛm. Ow it eke si ki kok ɛbɛn, aŋke ↄny ecʼↄmn ekʼↄnyn a am bobn ɛtŋ ↄny ecʼerur eke ↄnyn ↄny ↄfr ɛm a, am agb imn anym eci sɛgŋ fɛŋ.

Timote e lɛl krɛkrɛ 1:14

Ɛy Ɛs Kↄtↄkↄ ɛdŋʼm ↄwrↄ nↄnↄ, ɛtŋ nʼↄŋʼm ↄmn lel erur eke bʼanŋ Jesu Krist ɛm ow ab ab.

Timote e lɛl krɛkrɛ 2:3

Na anake akpl ke el sↄbↄ Nyam ɛy e Sↄg Ɛs,

Ebre eyŋ e lɛl 10:36

Ow am ibrm eke kʼↄnyn ɛrm susu yecʼɛtŋ ke ↄ́tur kokr yecʼa eke Nyam am erur a, ke ɛ́ŋan yecʼa eke lʼɛwar lʼɛw es a.

Ebre eyŋ e lɛl 11:17

Ɔmn ɛm, Abraham oc Isak eke ki kokr egb waw ↄŋ Nyam, lɛgŋ a eke Nyam erur eke kʼɛkn in ecʼↄmn a. Ow ikŋ anym dadʼr ninɛ: Isak ɛm anake bʼow ɛŋn alaw eke bʼow ɛlu ŋ e nin a ↄkm a. Ɛtŋ eke Nyam ɛwar ir low na ɛw es a yɛji, Abraham ɛgŋ eb eke kʼoc in ecʼiy ekpↄbi a kokr egb waw ↄŋ Nyam.

Ebre eyŋ e lɛl 13:21

Ke Nyam na sɛgŋ fɛŋ ↄ́ŋ ↄny ↄtur kokr low mamn, kókr yecʼa eke li bʼerur a! Ke lʼɛ́cr Jesu Krist ɛm li kok ɛy ɛm, low yecʼeke bʼawʼr a! In ecʼel anygbɛl sɛgŋ fɛŋ! Amɛn!

Ebre eyŋ e lɛl 4:11

Na sosiɛm sʼↄ́ↄl ɛy ecʼɛrm fɛŋ ɛm sel eb na ɛm ecʼɛy es, yecʼɛtŋ ke ɛgŋ kaka kʼébm ɛy lagŋɛl a ekʼɛgŋm ɛluam low a eci sɛwl a, ke ow ↄ́ŋ ɛgŋ kaka kʼɛ́ym wus.

Ebre eyŋ e lɛl 6:15

Abraham usur ɛrm toŋ ɛtŋ nʼɛŋn yecʼa eke Nyam ɛwar ir ow e low ɛw es a.

Piɛr e lɛl krɛkrɛ 3:4

kↄ ke ↄny eci sakpl a él yecʼa eke lↄl es ↄny ɛm a. Ɛrm frↄrↄ lele bɛtɛ ab anake el sakpl a ekʼil an nↄnↄ ligbɛl Nyam ecʼany af, ke íram a.

Jan e lɛl krɛkrɛ 3:18

Ɛm ecʼey, eke si bʼerurir ɛy ↄfr a, ke sʼↄtu eke si kʼɛlumnin abu, ke ow kʼélm anm af e dad ɛm sↄny.

Jan e lɛl krɛkrɛ 3:21

Erur ɛm ecʼagŋ lisijimɛl, eke sica ɛy ecʼɛrm a ↄbm ɛy low ij a, ke sʼↄny ɛrm es ɛy Nyam ecʼany af.

Jan e lɛl krɛkrɛ 3:3

Ɛgŋ ekʼam eku ↄmn ɛm low akpasu na Krist ɛm a, am ayal sos ɛsɛ elel eke Krist in obi ayl ab af.

Jan e lɛl krɛkrɛ 5:3

Nyam ecʼerur a anŋ in e sol a ecʼↄsu ɛm. Ɛtŋ in e sol a ↄ́tum,

Ów eke Jan ɛkn es ɛkn ɛm 2:19

Mʼuw ŋ e sijuma a, ŋ ecʼerur a, ŋ ecʼↄmn a, ŋ e juma a eke bi kok ↄŋ agŋ a lele ŋ ecʼɛrm susu ab ab any. Ɛtŋ sica mʼuw any eke jam aŋa, ŋ e juma a eke am kok a ɛny akm krɛkrɛ ecʼa.

Ów eke Jan ɛkn es ɛkn ɛm 3:10

Eke ↄsu ol a eke mʼↄŋʼŋ eke kʼusur ɛrm a, ɛm yɛji mi bʼow mʼↄsuʼŋ gbre eci lɛgŋ a eke bʼow ow wus nimum af ɛbm wus ecʼagŋ a fɛŋ a.