NGIITOM SIRUNG 3:7 - DEENA BAIBÉL (BSI)

⁷ No agíe edítko kéndudí dem kényanape míísu mapeka; Ruutum petomem peso langka, delokke imem mapeka.

NGIITOM SIRUNG 3:7 Iomraidhean Croise

2 SAMUEL 12:20

Delo Dabid among delok gerep langkula, ursula, dumídem tupsula, bí egeem anguko pítlíksutoku. Delo bí Ruutum ke ekumlo gíla kumsuto. Edílo bí roja dungkeng ekum delo aatokudín, delo bí dopenam kola bulu langaabila bí doto-tíítoku.

NEHEMIAH 5:15

Ngok kerape gobonorpe yégena kídíde ami kídí teyolo tebegna eget kope ituai, delokke bulu dopenam emlang onggur alangem langko teyolo longe lotello baldín nokdi íying appiko ami kídílok latuai. Buluk béérang kídíeteng ami kídí teyolo ruutumpe ibomtuai. Idola ngo dekepe imato, Shédíme pesonam legape.

JOBKE KITABE 1:1

Uj amonglo Job emnam amiko katuai. Bí Shédíme kumsula edíírupe míngkeng suna amikuai. Bí airuna ami kope ila atímana agérem ansula yénakuai.

JOBKE KITABE 28:28

Tanime Shédí bí podung: “Ruutumme pesonamde gyane, delokke atímang kolok míílat sulangkula yékunamde kénname.”

GÍLEN KUNAM 20:20

Mosi bulum poyan suto, “Pesomapeka, Shédíbí nolum paablo yémadope, bík lulígem nolu iyargedope, nolum ikang kípe emlamin aadune.”

NGIITOM SIRUNG 14:16

Gyankana amikídíe ebínlokke ansudung, idola atí kénmana tanie ansu kaasumape menang asak isémdung.

NGIITOM SIRUNG 14:27

No sinamem gísigepe míídunía? Ruutum me pesogenamde turnamke sirunge.

NGIITOM SIRUNG 16:6

Edíípe míídasula, míngke sulangka, delo Shédí bí nokke paabem mesambiyé. Ruutum me mínggelangka, delo atímane nokkíng aamayé.

NGIITOM SIRUNG 23:4

Miremdope emla yagope ankípe ngiimapeka. Katengem kasupenamem kénsulangka.

NGIITOM SIRUNG 26:12

Kénmamumpe kénnape míísuna dempemílo, mide dekyakde aiyadung.

NGIITOM SIRUNG 26:5

Íípe íílenam agomem pope pole yansulangka, delo de dekepe íngkínade bíkke míínam kísape amisi míímanako emla kénsuyéku.

NGIITOM SIRUNG 28:11

Mirem ami kídíe agínpe agíem kénna kísape míísudung, idakkom aapíem kangkénna opan amide aiyape kéndung.

NGIITOM SIRUNG 28:26

Nokke agíke míídulok gínamde mide agére. Edíílangka. Gyankana amikídíke luyilem matalangka.

NGIITOM SIRUNG 8:13

Ruutumme míngge namde atímanem belum name; Ngo koyit sunemlang adum ale inem, atímana bedangem, delokke menam agomem nyotdung.

NGIILU TUUNA 12:13

Sike takamke teyolo agom atelko luyil penam kadung: Shédíme peso langka, delokke bíkke luyilem tatlangka, kapeila sok legang pemin tanime pílentone.

ISAIAH 5:21

Nolu reyubrunam adírem paayé, kapeila nolu agíem gairuna, kénna-paanape míísuneke.

PAULKE ROMKÍDÍLO ATNAM SITHIE 11:25

Ngokke bíro kídía, ngokke nolum kénmolínam, arang agom aroko kadung, kapeila si nolum kénnamrupe míísu namem mepak moyéku. De idung Israel kídíke aapí edade duuyar mayé, idakkom Mipak kídíe apíípe Shédíkelo aayindo longe petomlo duuríyé.

PAULKE ROMKÍDÍLO ATNAM SITHIE 12:16

Akone akonem yépope yébo sulangka; adum ale imapeka, idola rumkíyana ami kídílo yébo sugotpe míímapeka. Nolu agísue kénnamrupe míísu mapeka.