NGIITOM SIRUNG 3:6 - DEENA BAIBÉL (BSI)

⁶ Nokke belengyé tabungem Ruutum me míípang sulangka, delo nom bedang ainem bí tomlíkyé.

NGIITOM SIRUNG 3:6 Iomraidhean Croise

1 ODONG 28:9

Delo Dabid Solomonme poto, “Ngokke oo sakkenga, nok abulokke Shédíme no mínggelangka, delokke ipansumana aapíem gela, erbomdola bíkke agérem gérbilangka, emla ngo nom pogapdung. Bí ngoluke míídung-míítok kídíemlang aapí míínam kídíem kényindung. No bíkkíng gímílo, nom bí toríksuyé; idola no bíkkelok gípat suyémílo, bí nom agínpe mepakyé.

EJRA 7:27

Ejra bí poto, “Ruutum, ngoluke buku kídíke Shédíme yitgelangka! Bí sikepe Jirusalemlo duuna Ruutumke Kumkeng Ekumem mínggedope rojaem aapí gemoto.

NEHEMIAH 1:11

E Ruutum, nok béérang sok kumnam emlang nok amínem pesonamem aipe míína nok béérang kídílok kumnamem nok nyorunge tatgap bilayika; delokke silo nok béérang sim apíímolangka, delokke roja simteng ngom ayang kaapadope no ruubiyika.” Delo longe kídí delo ngo roja lokke apongem iyabinape yéduai.

NEHEMIAH 2:4

Delo rojade ngom poto, “No ingkoko rogupe emla míídun?” Dekepeila ngo teyong amongke Shédíme kumpala

NEHEMIAH 7:5

Delo opín odong dakyonlo atlík dope emla Shédíbí, miro kídíem, migom kídíem, delokke abíd ami kídíem laadum sudope, ngome ruulíkto. Delokke ngo kerape anggekuna ami kídí lok odong siknam kitabko paato, delokke delo ngo sikepe atnamem paato:

MIRILUNGGU 32:8

“Nokke gípekuem ngo lulíkyé, delokke luyilyé. Ngokke agí keralo nom pogulyé,” emla Ruutum podung.

NGIITOM SIRUNG 11:5

Aina among lokke yénamem tetenge yépo moyadung, idola atímana amide agíke nyokpekuem langa sudung.

NGIITOM SIRUNG 16:3

Nokke mííbomnam agérem lubéélíkdope Ruutum me kolangka, delo dekedem nom ipíímoyé.

NGIITOM SIRUNG 16:9

No ipenamem míírung irung lado, idola Shédímin nokke bedangem sutlíkdune.

NGIITOM SIRUNG 23:17

Paabgena ami kídíem nemapeka; Ruutum me peso genamem nokke yénamlo ankíbomlangka.

ISAIAH 26:7

E Ruutum deena amike gípeko, bedangem atampe ibila, no buluke alem gípope gímodung.

ISAIAH 30:21

Nolu bedangem gímemla lakbíkpe, demangkom lakképe gídagakom, “Simin bedange, sok gítola,” emna adudko noluke lamkulo tatsuyé.

ISAIAH 45:13

Ngokke míínamem ipíng bidope, delokke ato-siro tabungem jondope, ngo Sairas me ruulentung. Bíkke bedangem ngo jonmoyé. Bí ngokke Jirusalem doolungem, lekoda mosaa biyéku, Delokke abílpe umnam, ngokke ami kídíem, asarpe gímoyéku. Séko kom bíme remang, delokke sike agér legape bí reko sumang,” maglíngke Ruutum bí sikepe polendung.

ISAIAH 48:17

Israelke Deena, nolum ipítna, Ruutum bí sipe podung: “Noluke gíperungko bedalok ruulíkna, delokke noluke legape aiyalumna ato legangem poyilna, ngo mino Ruutum noluke Shédí bí.

JEREMIAH 10:23

E Ruutum, tanide agíke yénamem ruusuna kamang, delokke tanide agíke yénamke lekorem kaalula korsuna kamang, emla ngo kéndung.

JEREMIAH 42:3

Ngolu ingkolo gímíloi, delokke kape imíloi deme míngkén sumang, iname ngoluke bedangem pobidope Ruutum me no kumbi langka.”

SANNAM 9:20

Lekonem doomugde longe ayokon petom legape Tombu delo kato. Depe idagakom bulu Ruutum ke lulígnampe byakto delokke bíkke lulíg nampe notko ila duuto.

1 KORINTH 10:31

Dekemílo nolu dodokom, tíídokom no ingkuem idudí; dem takamdem Shédíme yidge nape ilangka.

2 KORINTH 8:16

Ngokke nolukepe ankí namem Titonke aanglo duumona Shédíme ngo yiddung.

PHILIPIA 4:6

Kape imíloi emla mínga sumapeka, idakla noluke kumnam takamlo nolu ingkuem míídudí, dem Shédíkíng rogu langka, agínpe bím yidgenam aapílok kolangka.

KOLOSIA 3:17

Delokke ingkona atíem nolu idudí, agom dokom, agér dokom, Abu Shédíme Kristo kelok yidge dakla Ruutum Jisuke amínlok takamem polang ilangka.

KOLOSIA 3:23

Nolu ingko agérem idudí, noluke aange apíípe míídola, tani kepe imape Ruutum kepe ibinam kísape, ilangka.

JEMS 1:5

Nolu akone kénnamlo pííram dumílo, imemem sanbimape takamem bidarna Shédíkíng bí kope aido, delo bí dem biyé.

1 SAMUEL 30:8

Dabid Ruutum me íngkíto, “Ngo itung-iréna kídí méélamlo gímíloya, delokke ngo bulume umla yénaya?” Shédí poyansuto, “Bulum mamín getola. No bulum umlayé, delokke erang kídí emteng mopít layéku.”