NGIITOM SIRUNG 3:3 - DEENA BAIBÉL (BSI)

³ Míída sunam, delokke míngke sunamem gínyok momapeka. Dekedem alínglo tuge langka, dekedem aapílo atla melangka.

NGIITOM SIRUNG 3:3 Iomraidhean Croise

2 SAMUEL 15:20

No melo mino so aatone, delo silo ngo íngko lodín gídakne demte kénsumape idola nom kape ngolukíng gímín gemoyéne? Gílat sulangkula, delokke nok yébonam doolung ami kídar emteng gíbo langkuka. Delokke Ruutum ke ayang elang aroe nom gagbom daklangka.”

MIRILUNGGU 119:11

Nom ipéésumadope emla nokke ngiitomem ngokke aangso ngo bomgapdung.

MIRILUNGGU 25:10

Mínggap loklang ayanglok bí bíkke daapongem bomna, delokke bíkke lulígem igena takamem gíbodung.

MIRILUNGGU 85:10

Ayangelang míngkenge dakríksuyé, yéjinamelang yéponame gyabbosuyé.

GÍLEN KUNAM 13:9

Si igenam si, noluk legape noluke alag kídílo iyod kísane, delokke Ruutumke ayonem noluke nappalo yidgedope, nolume míípa sumonane. Kapeila bík lakbíng tolnamlok, Ruutumbí nolum Ijiptlok laalen toku.

GÍLEN KUNAM 34:6

Delo Ruutumbí bíkke keradelo gídola poto, “Ruutum ngo, agí agomem mesiisuna, ayang mesiisuna, ayang miremna, martu mana, ayang mínsuna, delokke apíípe ayang yaasamna Shédí bí,

NGIITOM SIRUNG 1:9

Buluke luyilde, leemo kanmo surongem kampoyanam kísape nokke séguem gaiyamodung.

NGIITOM SIRUNG 14:22

No ainam legape agér imílo, amiem edíípe míngkosuyé, delokke míngge kosuyé; no atímanam legape agér imílo de imemdung.

NGIITOM SIRUNG 16:6

Edíípe míídasula, míngke sulangka, delo Shédí bí nokke paabem mesambiyé. Ruutum me mínggelangka, delo atímane nokkíng aamayé.

NGIITOM SIRUNG 20:28

Rojade tetelok, arolok, delokke kampolok amiem yébo ayarnade duutedung, delokke edíídung.

NGIITOM SIRUNG 6:21

Buluke agom kídíem no agínpe bomgap langka, nokke aanglo mesing langka.

NGIITOM SIRUNG 7:3

Ngokke luyilem nokke aapílo bomgap ayar langka, sim aanglo mínggap gelangka.

JEREMIAH 17:1

“Judahke paabem arem koonying lok mimangpe tuplíktung, delokke daimon koonyinglok akorpe atlíktung. Dekedem buluke aapí líítam lolang buluke aang runggu kídíke areng kídílo iyin líktung.

HOSIA 4:1

Among delo duuna Israel kídí noluke teyolo Ruutum bí lukang penam agom eke kadung. Depeila nolu Ruutum ke agomem tatlangka: “Among delo míngkeng kaimang, ayang kaimang, Shédíme aroe emla mínggena kaimang.

MALAKI 2:6

Bí agínpe aina poyil-iyil kídíem ikanbila, edílote menam agér imato. Bí ngokkíng jonnampe, delokke ai-kamporupe yémín geto. Bí deddínem paab agér bedalok gímomato.

MATI 23:23

“Aromana ukil kídía delokke Pharisi kídía, nolu gérmang daklangka! Nolu takéé lokke, murkong lokke, kési képa lokke delokke ampunlokke dohombagem bidung. Depe idakkom nolu ayonlokke gomlong kídí jonnam, yaasam delokke míngke sunamem bomgap mang. Nolu méélamke agom kídar sim kerangke simteng mepakmape ige penamkuai.

2 KORINTH 3:3

Nolu Kristoke sithie, yébo dakbo namlokke rijale, siyayinglok atmape turna Shédíke Aidlok atname, lííbyanglo atmape tani aang líídulo atbiname, dem nolu kénsudung.

EPHESIA 5:9

kapeila angun lokke ayédelo yéjiiname, arue, takam ainame dung.

POBENG BINAM 6:8

Noluke alag kídílo dekedem míípa sumonana iyodpe ginlíksula, noluke tukku kídílo dekedem éélík sulangka.

HIBRU 10:16

“Simoko daaponge ngokke bulum ibo supename aapena longelo, emla Ruutum bí podung. Ngo buluke aapí ainalo ngokke ayonem líkyé delokke dekedem buluke aapílo atlíkyé.”