NGIITOM SIRUNG 3:10 - DEENA BAIBÉL (BSI)

¹⁰ No dekepe imílo, nokke kumsung alie bíísétyé, delokke nokke onggur alie mesii pename deddíko iyé.

NGIITOM SIRUNG 3:10 Iomraidhean Croise

2 ODONG 31:10

Jadokke otíng miri írne Ajariahbí bíme poyansuto, “Buluke amanem Kumkeng Ekum so bomalen delokke ila dopename bojéko kakaku, delokke dongat eteng bojéko kadung, legade Ruutum bí bíkke ami kídíem utepooroem bitung, dekepeila sikepe mekumdope idung.”

2 ODONG 31:21

Delokke bíkke Shédíme matala ayon, delokke lulígnam akorlok Kumkeng Ekum legape bíkke agér gérnamlo bí aapíe apíípe tolíksula gérkolok, bí ipíng laayinto.

MIRILUNGGU 144:13

Ngoluke kumsungem atí takam alie bíísét bomdaklangka. Ngoluke aríklo yéna mér sobéne jarying jarngope ngangem odaklangka.

NGIITOM SIRUNG 19:17

Nok aatí opanem ayala binamde Ruutum me bipoonam kísadung, delokke Ruutum bí nom biyansuyéku.

NGIITOM SIRUNG 22:9

Bigotmape nokke dotkéyem opan kídíem orsulangka. Delok legape no lubééyem paayé.

JOEL 2:24

“Kiipar kídílo dolot ípename bojéko kayéku, delokke onggur ayé kétpomlo alange ngatbope lenyéku.

HAGGAI 2:19

Ali-ayé kamape terong-terak idakkom, delokke onggur ane kídíe, tapang ane kídíe, dalim ane kídíe, olib esing kídíe ayé éngkumang adadokom, supak lokke nolume ngo utepooroem biyé.”

MATI 10:42

Delokke séko sok koo kídí sokke akonem bí ngokkelo luyilsunako emla mííla asi batiko, biyédí, ngo nolum arope podung, bí agíke amanem berokrupe menyok sumayé.”

POBENG BINAM 14:29

Depe imílo, noluke doolung kídílo duuna, agíke yége-dagge supeko among tarong paamín gemana Lebi kídíe lang mibo-miying kídíe, ane abu kaimana ome-oo kídí elang mime meyéng kídíe aadumsula dobo-tííbosula aang píípe ashéng bosula ibosulayé. Depe ibosumomílo noluke alag uganam takamlo Ruutum noluke Shédíbí nolume utepooroem ruubiyé.”

POBENG BINAM 28:8

“Ruutum bí noluke kumsung kídílo, delokke noluke alag ugangko takamlo utepooroem ruulíkyé. Ruutum noluke Shédíbí, ingkona asi-amongem nolum bisutudí, delo bí nolum utepooroem ruubiyé.