NGIITOM SIRUNG 2:6 - DEENA BAIBÉL (BSI)

⁶ Ruutum bímin gyanem binade; bíkke lokmin kénnam paanam elang tatkénname lendune.

NGIITOM SIRUNG 2:6 Iomraidhean Croise

1 ROJA KÍDÍ 10:24

Taleng kuppo sokke ami tabunge Shédíke ruulíknam kénnam gyan agomem Solomon kíng aala tatpe-kénpe mííyinto.

1 ROJA KÍDÍ 3:12

nokke konam sim ngo biyé. Nokke kísana amie kerang yétonam loteng delokke méélam yépenam loteng yékí-ikímanam, kénkímanam kénnam gyanem nokkíng ngo bojérupe kadope ruulíkyé.

1 ROJA KÍDÍ 3:9

Depeila nokke ami kídar sim ngo yébodope no ngome kénnam gyanem bilangka, delokke ainemlang atímanem kaapan-kénpan sumodakyika. Demamílo siddína nokke ami sim ngo kape kísa yébolayén?”

1 ROJA KÍDÍ 4:29

Saplayimanam siyéng robenglo sulli kanam kísa Solomonme kénnamem, delokke míípííyimanam gyanem, Shédí bí bito.

1 ODONG 22:12

Delokke Ruutum nokke Shédíbí nokkíng míngkén-tatkénnam emlang kénnam gyanem bilíkla, Israel tabungem bíkke ayon binam lok yégelamo daklangka.

EJRA 7:25

“Delokke Ejra no, nokkíng yémín gena Shédíke nom kénjing-paajing monam akorpe, korong rotkonlo duuna miri takamem kebang ludope amiem parlíktoka; delokke ayonem kénmanem no poyil langka.

NEHEMIAH 7:5

Delo opín odong dakyonlo atlík dope emla Shédíbí, miro kídíem, migom kídíem, delokke abíd ami kídíem laadum sudope, ngome ruulíkto. Delokke ngo kerape anggekuna ami kídí lok odong siknam kitabko paato, delokke delo ngo sikepe atnamem paato:

JOBKE KITABE 12:13

Shédí kímin aro kénname lang ralname kadune. Luyil-poyilde bíkke.

JOBKE KITABE 12:16

Ralnam elang ikumde bíkke, delokke yatne lang yadnam amidete bíkke.

JOBKE KITABE 22:22

Bíkke luyil-poyilem talla, nok aapí delo bík agomem mesiitoka.

JOBKE KITABE 32:8

Idola Shédíke aid bímin tanilo aala gyanem bidune.

MIRILUNGGU 119:104

Nokke ayon ngiitomlok ngo kénnamem paadung, delok legape ngo menam yadnam bedangem belumdung.

MIRILUNGGU 119:34

Nokke ngiitom ayonem ngom pobeng bitoika, delo ngo dem igeyé; ngo dem ngokke aapí aang tabunglok bomgapyé.

MIRILUNGGU 119:98

Nokke ngiitomsi miruem pemílo kényadope ngom bitung, legade si loodíke ngokkíng dung.

MIRILUNGGU 19:7

Ruutumke Ayonde arone, aapíem ermokune; Ruutumke ngiitomde míídííname, pííramna kídíem gyanem bine.

MIRILUNGGU 19:8

Ruutumke dormo Ayonde aine, aangem ashémone, ruulennake ngiitomde deene, amig aangem kangkén sumone.

MIRILUNGGU 51:6

Ardanam emlang aronamem no míídung, ngokke aapíso nok gyanem bíísét motoika.

MIRILUNGGU 94:10

Opín kídíem yébona bí bulum ingéé mayénía? Bí ami takamem luyilbone- bí míípe míngor kamanía?

GÍLEN KUNAM 31:3

Ngo bíme mistri agér ato-siro kénjing-kénma dope kénnamem Shédíke Aidlok ruulíkto.

NGIITOM SIRUNG 6:23

Buluke pogapnamde longe angun kísane; buluke lurat poratde no kape yékan dodí dem poyil layé.

NGIILU TUUNA 2:26

Ingko amie Shédíme ashéng moyédí, deme bí gyanem, kénnamem, delokke ashéngem ruulíkdung. Idola paab ina amidem, bí ekuserang, atí-siríem idum sumopala, Shédíme ashémona ami teyolo bí ruulík dungku. Sikom dooyi-esar méélamlo monmín genam kísa agér kamane.

ISAIAH 54:13

“ ‘Nokke ome-oo kídíem Ruutum agísue poyil suyé, delokke aapí eetet elang utepooroe nokke ami kídílo kayinyé.

ISAIAH 8:20

Ayon atbinam loklang idong lok matala, deke delokke agompe bulu lumamílo bulukíng longe angun kamang.

DANIEL 1:17

Shédí bí yaamé koo appidem kénnamem, delokke agom-aang kénjing kaajingnamem, delokke gyanem ruulíkto. Delok teyolo kaalu-kangor kídí emla immang maanam gomroem pomíklana kénnamem Daniel kíng ruulíkto.

DANIEL 2:21

Bí moodí kídí emla gédí-ponggo kídíem ruutum bomdung; bí roja kídíem tomlenne, delokke laapakne; bímin kénnam gyan emlang mííjing aapíem ruubine.

DANIEL 2:23

Ngokke neku-buku kídíke Shédía, ngo nom yidgedung, delokke mínggedung. No ngom kénnam emlang tolnamem bine; no ngokke kumnamem tatbito, delokke rojaem popenamem ngolum lengkan bito.”

LUKKE ATNAM TATPONA DOOYINGE 21:15

Legade nolum akna kídíe sékote pokí sulamanam gyanem nolum ngo biyé.

JOAN 6:45

Kaaluna miri agom kídarlo sikepe attung; ‘Bulum takam Shédí bí agíe luyilsuyé.’ Abuke agomem tatla delokke bíkkelok luyilsuna demino ngokkíng aadune.

JEMS 1:17

Aina atí takam delokke aropak amande teyong telok kemino, ukyum kísa dage dakkur mape edíína teyong angun lokke Abu lokmin tokdune.

JEMS 1:5

Nolu akone kénnamlo pííram dumílo, imemem sanbimape takamem bidarna Shédíkíng bí kope aido, delo bí dem biyé.