NGIITOM SIRUNG 2:5 - DEENA BAIBÉL (BSI)

⁵ No depe imílo, Ruutum me pesogenam lokke legangem kényé, delokke Shédíke legang kénnamem paayé.

NGIITOM SIRUNG 2:5 Iomraidhean Croise

JOBKE KITABE 28:28

Tanime Shédí bí podung: “Ruutumme pesonamde gyane, delokke atímang kolok míílat sulangkula yékunamde kénname.”

NGIITOM SIRUNG 1:7

Kénnamem paape, no kerape Ruutum me pesope aido. Atí kénmana amikídíe gyanem mííbamang, delokke atíkote kéntope míímang.

NGIITOM SIRUNG 28:7

Ayonem pesona yaaméde kénna amie. Séko ainam legape angong imadudí de agí abuem annying modung.

NGIITOM SIRUNG 8:17

Ngom ayana kídíem ngo ayadung; séko ngom matadudí bí ngom paalado.

NGIITOM SIRUNG 9:10

Gyankana amipe ipeke no, kerape Ruutum me mínggappe aido. No Deena Atelme kéndu mílo no tatkén ladung.

ISAIAH 33:6

Bí opín-buangem edíng modung. Bí agínpe kaabomne, delokke gyan emla kénnamem agí amilo ruulíkne. Ruutum me pesola yénamde, buluke botteruna ekurange.

JEREMIAH 24:7

Ngomino buluke RuutumE emla bulu kénsudope ngo bulum ngome kénna aapí-aangem ruulík yéku. Bulu ngokke amipe iyéku, delokke ngo buluke Shédípe iyéku, kapeila bulu aro aapílok, ngokkíng míílat suyéku.

JEREMIAH 31:34

Ruutumme kéntola emla sékote, agí kumríem demangkom erangem luyilna kaimayé. Kapeila bulu takam, aména lokke ila bottena loope ngome kényinyé. Kapeila ngo buluke atímangem mesam biyé, delokke buluke paab kídíem míípa suyimayé.” Ruutum bí sikepe polendung.

JEREMIAH 9:24

Buluke aralo míngkím sunako kayémílote de amide ngom kangkénla, ngok ayonem kénjila mííte supe aido. Kapeila tani among so ngo ayangem lengkannako, jonnam emlang pénsam agomem lujibonako.”

HOSIA 6:3

Kaju ngolu Ruutum me kénpe mííyar langkuju. Roh doonyi arsang kísa bí ngolukíng aayérung, gédí ponggoke pedonge ola kédéngem asi balnam kísape, bí aayérungku.”

MATI 11:27

“Takam atíem ngokke abue ngom tolíkdung. Uem sékote kénmang ngokke abu petome kénsudung, delokke sékote Abu me kénmang Oo petom elang Ue bím lengkan bipe emla ullennam kídí petome kénsudung.

LUKKE ATNAM TATPONA DOOYINGE 10:22

“Takam atí kídar sim ngokke Abue ngom bilíktung. Sékokom Oode sékodí dem kénmang. Abu petome kénsudung, delokke sékote Abude sékodí dem kénmang, Oo petom elang Ue bím kényépe emla ullennam kídíe kéndung.”

JOAN 17:3

Supak bulu, aro Shédí petom nomlang nokke melíknam Jisu Kristome kénnam simin turyarnam yéname.

1 JOAN 5:20

Ngolu arona Shédíme kéndope emla Shédíke Ue aala ngolum míípe míngor sunamem bitung. Delokrongem ngolu arona bíkkíng delokke bíkke Oo Jisu Kristokíng dung. Simin aropak Shédíde delokke duuyarna turnamde.