JOSHUA 9:9 - DEENA BAIBÉL (BSI)

⁹ Delo bulu poyansuto, “Ruutum noluke Shédíke amín kanamem tatla, ngolu deddína mooteng amonglo lokke aadung. Bíkke Ijipt among belo irisinyo inam takamem ngolu tayyinto.

JOSHUA 9:9 Iomraidhean Croise

1 ROJA KÍDÍ 8:41

Edílodí mibo-miying amie, mooteng amonglo duune, nokke botterupe agér inamem kaala, nokke Israel ami kídí teyolo nokke amín kanamem tatla,

NEHEMIAH 9:5

Delokrongem Lebi kídíe Jeshua, Kadmiel, Bani, Hashabneiah, Sherabiah, Hodiah, Shebaniah, delokke Pethahiah bulu kumsudope poto, “Dagreptoka, delokke Turyarna agínpe turna noluk Ruutum Shédíme yitgelangka. Takam utepooro, delokke yitgenam teyolo yitgenam angun abéna amínem yitgelangka.”

MIRILUNGGU 148:13

Bulum takam Ruutumke amínem yidge molangka! Bíkke amínde abíd takam empemílo botteyane; bíkke angun ralnamde among talengem kedonyane;

MIRILUNGGU 72:19

Bíkke erkínam amínem koyit langka! Bíkke angun ralname among tabusim bíísét daklangka! Amen! Amen!

MIRILUNGGU 78:12

Buluke abu kídíke matanampe Shédí bí Ijipt amolokke Joan yiibelo irisinyuem iboto.

MIRILUNGGU 83:18

Ruutum emla amín gena no petom mino tani amosokke Kedon yalumne emla bulume kénsudope no ilangka.

GÍLEN KUNAM 15:14

Ami kídí tabunge tatla, bulu pesolok dan-go sukai. Phillistia kídíe pesolok, míngkén yimape ikai.

GÍLEN KUNAM 9:16

Idola, ngok amínem tani among rego mipííso pokan godope, delokke ngok pauarem, nok teyolo lengkan dope mííla, ngo nom metur potung.

ISAIAH 55:5

Arorupe nolum kénkímana, mibo-miying amiem nolu gogyé, delo bulu noluke keralo lomla dugayé. Kapeila Ruutum noluke Shédí, Israelke Deena Shédí ngo, nolume angun-abé ruudope ruuyé.

ISAIAH 66:19

delo ngo buluke pénsamlo iyodko ikan biyé. Buluke ayokonem ngo turmola, ngokke angun-abé em, midu-mirampe inamem, ngokke ralnamem, delokke ngokke amín kanamem kénkí-tatkí mangko, mooteng among: Tarshishlo, Libia, delokke Lidia lokke iyyi epuk apjina ami kídílo, Tuballo, delokke Grik amonglo, ngo megong líkyé. Bulu gígoola deke kídí opín takamlo ngokke angun-abé em lugo biyé.

SANNAM 14:15

No sim ami kídísim letel paklo lekope moka yémílo, sikepe inam legangem tadna opín-buang takame sikepe poyé,

SANNAM 20:14

Kadeshlok, Mosi bí Edomke kotokiem lulígla poto. “Ngokke Israel bíro kídíe sipe rogu sudung. Ngoluk teyolo ankí-keno adír takam aanamem no kéndung.

TOMLÍKNAM 8:7

Deddína amilok deemana aid kídíe ngerpík langaala lentoku, delokke pittempe kina delokke lebya lakbyana amiem bojéko ipítoku.

POBENG BINAM 20:11

Bulu deme toríksula etor luuyabem siyya biyémílo, bulume agér-anam iyabinape nolu ilangka.

POBENG BINAM 20:15

Sikena ségu akampe, nolu keelok mootepe duuna doolung takamem nolu ibomlangka, idola noluke dei-degongke opín-buang kídíkem imapeka.

JOSHUA 9:10

Delok teyolote Jordan sanggodanke Asthrothlo duuna, Bashanke roja Og delokke Heshbonke roja Sihon, dekena Ammon ami kídíke roja kídí teyolo Ruutumke inamem ngolu tatto.

JOSHUA 9:16

Dekepe bonying agérem ibosurong longe angum méélam delo de ami kídíde buluke ayir-agolo duuna amieke emla, Israel kídíe kéntoku.

JOSHUA 9:17

Dekepe kénlangkula buluke dungko doolung: Gibeon, Khepira Beeroth delokke Kiriath Jearimpe Israel kídíe longum méélam delo enbomto.

JOSHUA 9:24

Bulu bím poyansuto, “E mite migom, noluke entíng-gítíng takamlo, asi-among takam sim nolu yébomdope, delokke sikeso duuna ami takamem nyokyin modope, Ruutum noluke Shédíbí Mosi me lulígto. Ruutumke lulígnampe ato-siro takame ilenkai. Sikepe ilennamem ngolu airupe jikki-rokpakpala dekepe ngolu nome yatto. Ngolu nolum yagorupe peso-rían geto. Ngoluke yénamem noluke keralo mesiisupe emla dekepe ngolu ito.