JOSHUA 9:8 - DEENA BAIBÉL (BSI)

⁸ Delo bulu Joshuame, “Ngolu noluke agér-anamlo ibipe míídung,” emla popasuto. Idola Joshuate, “Nolu ingko amieke? Ingko lokda nolu aadune?” emla íngkíto.

JOSHUA 9:8 Iomraidhean Croise

2 ROJA KÍDÍ 10:5

Dekepeila, roja ekum dem kaabomna migom delang luune dem kaabomna migomde abíd miro kídíem dumsula, sikepe Jehume agomko melíkto, “Ngolu nokke béérange, no kape poyédí, depe ngolu iyé. Ngolu séko memkom rojape imodope tolík lamang. No nokke mííbape ilangka.”

POBENG BINAM 20:11

Bulu deme toríksula etor luuyabem siyya biyémílo, bulume agér-anam iyabinape nolu ilangka.

JOSHUA 10:6

Delo Gibeon ami kídíde, Joshuake Gilgallo notko ila duuduem, “Ngolume adi amonglok Amorit roja kídíe mimak iyabomdung, nolu menape aala ngolum mepaksumape igultoika,” emla Joshua kíng rogu aato.

JOSHUA 9:11

Dekedem tatla, ngoluke miro kídíe lang doolung ami kídíe, donam-tíínamem ngolum iru bila nolum kaarík sudope ngolume lulíktung.

JOSHUA 9:23

Nolu sikepe melí-yatdong agérem inam legape Shédí bí nolume takil sukkatdung. Silo lokke ila yénam daknam loope noluke ami kídíe Ruutum ngokke Shédíke deena ekum legape asi bombila, esing nabila abílpe iyarla yéyé.”

JOSHUA 9:25

Ngolu supak nokke alag aralo duudung. Nok kangkolo ingkuedí aiyéne, dekepe ngolum ilangka.”

JOSHUA 9:27

Idola delok ayanpe bulume abílpe imola, Israel kídí emlang Ruutumke deena ekum legape asi bombila, esing nabila idope imoto. Ruutum me kumpomlo, dekepe buluke teyolo lulíknam agérem silo loope bulu ila duudung.