JOSHUA 9:15 - DEENA BAIBÉL (BSI)

¹⁵ Joshua, Gibeon ami kídílo bonying ibosula bulum duumoto. Israelke miro takamde bonying ibosunamdem bomgap ayardope togesuyinto.

JOSHUA 9:15 Iomraidhean Croise

2 SAMUEL 21:2

(Gibeon lok ami kídíde, Israel lok amimangíai; bulu Israel kídílok mopít-ipít biyé emla pébisunam Amorit ami asumkuai. Idola, Saul bí bík agísu Israel, delokke Judah legape bulum inyokpem ito).

GÍLEN KUNAM 23:32

Nolu bulukíng daapong dobo sumapeka, delokke buluke uyu kídí lote dekepe ibo sumapeka.

JOSHUA 10:1

Jeriko doolung emla delokke rojem kape kísa Joshuabí itodí, deke akampe Ai doolung emla delokke rojem, Joshuake nyokkut monamem Jirusalem lokke roja Adonijedek bí tatto. Sok teyolo Gibeon ami kídíe, Israel kídílo bonying ibosula, Israel gooralo yébosukai emnam emte tatpaato.

JOSHUA 10:4

“Gibeon doolungem mimak idope, nolu aala ngome igultoika; kapeila Gibeon ami kídíe Joshua kílang Israel kídílo bonying ibosukai,” emla rogugooto.

JOSHUA 11:19

Gibeon among lokke Hibit ami kídí kékonlo, sékote Israelem aapí eetet kadope bonying agér ibosumato. Dekepe ibosumana doolung tabungem Joshuabí mimak iyin bosuto.

JOSHUA 9:16

Dekepe bonying agérem ibosurong longe angum méélam delo de ami kídíde buluke ayir-agolo duuna amieke emla, Israel kídíe kéntoku.