JOSHUA 9:14 - DEENA BAIBÉL (BSI)

¹⁴ Depe pobosurongem, Israel kídíde buluke donam-tíínam ayoko bulukíng laaríksuto, idola buluk legangem Ruutum kíng íngkí-lupo kamato.

JOSHUA 9:14 Iomraidhean Croise

2 SAMUEL 2:1

Sikepe irongem, Dabid Ruutum me íngkíto, “Ngo Judah lokke luune kídílok doolung konem bompe gímíloya?” “Aiyé,” emla Ruutum bí poyansuto. “Íngko doolungem imíloi?” emla Dabid íngkítoku. “Hibron,” emla Ruutum bí poto.

2 SAMUEL 5:19

Dabid Ruutum me íngkíto, “Ngo Philistainem mimak imíloya? No ngom ikummoyén?” “Aiyé, mimak ilangka. Ngo nom buluke teyolo ikumdope biyé,” emla Ruutum poyansuto.

EJRA 8:21

Delokrongem ngo Ahaba korong ampeng delo, ngolum lang ngoluke ome-oo kídíem, delokke ngoluke bomkunam takamem entínglo mopítdola bedangem gíge bodokupe, Shédí kíng mínggíp sudola doma-tíímape nyola kumdope pokanto.

GÍLEN KUNAM 28:30

“Ngokke deena dungko keralo Aaronke aayém, Urim demla Thummim dem bíkke angkelo genam alop delo ilík sula gela aape aido. Dekepe aayém, Israel ami kídílo ngokke míínamem kénlen dope bí agínpe angkeng lokke alop dem gepe aido.”

SANNAM 27:21

Bí miri Eleajar kíng míídasuyé. Eleajar bí Urim emla Thummimem ila Ruutum ke míínamem kangkénboyé. Sikepe Israelke agér-anam takam lolang Joshuake idu-satoklo Eleajar bí sutkan boyé.”

JEMS 1:5

Nolu akone kénnamlo pííram dumílo, imemem sanbimape takamem bidarna Shédíkíng bí kope aido, delo bí dem biyé.

JOSHUA 9:13

Ngoluke ayo gadum kídí simte kaatola, asi-apongem ríklíkdo delo anítuai, idola bedangso bétla omsi-ommolíktung. Ngoluke ege galuk kídí silang, leyug kídar sikom, mooteng bedanglo en-genam legape bétla tuyumsuto.”

KEBANG RUUTUM KÍDÍ 1:1

Joshuake sirongem, Ruutum me Israel kídíe íngkísuto, “Ngoluke aralok Kanaan ami kídíem mimak imínsupe sékoda kerayalumpe gígeyén?”

KEBANG RUUTUM KÍDÍ 20:18

Israel kídíde Bethello gíla Shédíme íngkíto, “Benjaminem mimak imín supe ngoluke aralok íngko opíne gíge yalumyén?” Delo Ruutum bí, “Judah opíne,” emla pobito.

KEBANG RUUTUM KÍDÍ 20:28

Aaronke oo Eleajar delokke bíkke oo Phinehas bí delo longe kídí delo miripe ibomto.) “Ngoluke bíro Benjaminme mimak ipe ngolu gímílua gímamílua.” Delo Ruutum bí “Aiyé, nyampo nolu gílangka, noluke alag aralo bulume ruulíkyé,” emla pobito.

1 SAMUEL 22:10

Ahimelek Ruutum kelok Dabidke ipenamem íngkípala, Dabidme donam ekelang Philistain Goliathke yoksaem bito.”