JOSHUA 9:1 - DEENA BAIBÉL (BSI)

¹ Israel kídíke mimaklo ikumnam legí-sigangem, edílo yiibe lolang adi amonglo duuna, Jordan korongke anggodanke roja kídíe lang Among Raadang Siyéngke robeng abulo duuna roja kídíe, delokke línggíng among Lebanonke roja kídíde: emnamde Hittite, Amorit, Kanaan, Hibit delokke Jebusit kídíke roja kídíe tattodí,

JOSHUA 9:1 Iomraidhean Croise

2 SAMUEL 24:7

Delokke bulu sokkodanpe Tur lok lííreng doolung delo gíla, Hibit kelang Kanaan ke doolung takamlo gíto. Méélam yalumpe Judah lok sokko amonglo Beersheba lo gíto.

GÍLEN KUNAM 23:23

Ngok kotoki bí noluke keralo gígela, nolume Amorit, Hittit, Perijjit, Kanaanite, Hibit delokke Jebusit ami kídíke amonglo aabola, ngo bulum petnyok nyokyinyé.

GÍLEN KUNAM 23:31

“Ngo noluke among rísuem, Silíng Siyéng lokke ila Philistain Siyéng loope, yépol mooruk lokke ila Euphrates korong loope ilíkmoyé. Among kídí so duuna ami kídíem noluke alaglo ngo melíkyé, delo nolu bulum noluke keralok monpakyé.

GÍLEN KUNAM 3:17

Dekepe ila, nolume Ijipt lokke ankí-keno adír kolok laalen langkula, gakír elang ngullange biingko, Kanaan amike, Hittit amike, Amorit amike, Perijjit amike, Hibit amike delokke Jebusit ami kídíke amonglo langaang dokupe ngo pésudung.”

GÍLEN KUNAM 34:11

Siloke, ngokke nom binam ayon kídísime igelangka. Noluke gítílo ngo Amorit amiem, Kanaan amiem, Hittit amiem, Périjjit amiem, Hibit amiem delokke Jébusit ami kídíem monbiyé.

SANNAM 13:29

Negeblo Amalek kídíe dííte amonglo duudung. Kanaan amie siyéng asi robeng lolang Jordan korong abelo duuyondung.”

SANNAM 34:6

Anggodanke rísude Among Raadang Siyéng delo irísuyé.

POBENG BINAM 1:7

Depeila nolu sokke gílangkula, Amorit kídíke adi among danpe, delokke Arabah lokke dei-degong ami kídí dungko adi amonglo, yiibe amolo, Negeblo delokke siyéng robeng kídí lokke ila, Kanaan amonglo, delokke ila Lebanon pelang korong bottena, Euphrates loope magoola gígolangka.

POBENG BINAM 3:25

Ngome Jordan korongem koomola rotkon elokke moone kédéng emla adi amongem delokke Lebanonem kaamoika.’

POBENG BINAM 4:49

Si Jordan korong lokke sanggo abuudem itaksula, sokkodan siyéng loope ilíkla Pisgah dííte lokke sanggodan legap loope iríto.

POBENG BINAM 7:1

Edílo noluke yébompenam asi-amo delo, Ruutum noluke Shédíbí nolume aaboyédí, delokke noluke keralok, nolum pemílo tolya-ralyana; Hittit, Girgashit, Amorit, Kanaan, Perijjit, Hibit delokke Jebusit ami opín kínídem monpak bila;

JOSHUA 1:15

Edílo Ruutum noluke Shédíbí, Israel opín-buang takamem, ai-kamporupe asi-among binam elo duuyin moyédí, delo nolu Ruutum me agér ibina Mosike nolum tolík binam, Jordan korongke sanggodan asi-among so aalat sulang kula, siidum dengepe duulangkuka.”

JOSHUA 1:4

Noluke among sime, sokko danke yépol mooruk lokke ila, línggíng danke Lebanon dííte loope, delokke sanggo danke korong roone Euphrates lok ila, Hittit ami kídíke asi among tabung emte ibom langaala anggo danke Among Raadang Siyéng loope iríyé.

JOSHUA 10:23

Delo bulu, Jirusalemke, Hibronke, Jarmuthke delokke Lakhish kelang Eglonke roja kídí pilngodem aaboto.

JOSHUA 11:17

Seirdanpe gíípongpe ikuna Halak díítumlok ila, Harmon dííte rumkínglo duuna, Lebanon yiibelo duuna Baalgad loope laayin gooto.

JOSHUA 13:5

Delokke Gebal ami kídíke among kídílok ilangala, Hermon dííte sokko danke Baalgad lok irek lenlangkula, Lebanonke sanggodan tabungde ilangala, Hamath dííte begot loope karídung.

JOSHUA 15:12

Anggodan rísupe Among Raadang Siyéng robede ito. Sikesi Judah opín kídíke among rísu kídíe:

JOSHUA 22:4

Ruutum noluke Shédíke agí posunampe, bí Israel kídíem aapí eetet mokai. Depeila noluke asi-amongem tosula, nolum Ruutum ke agér ibina Mosike orlíknam Jordan korongke sanggodan among elo nolu enlangkuka.

JOSHUA 22:7

Bí sikepete políktoku, “Nolu agí-agíke yéta sulo deddína uun em, baldínem, pitolem, deddína ege galug emlang simon-siliem bomla gídakku. Noluke miru kídílok líínam ato-siro takamem agíke Israel edung-erang kídílo orbo sulangka.” Depe emrodem bulu agí-agíke yétalo enyin sukaku.

JOSHUA 23:4

Sanggodanke Jordan koronglok ilenla, Among Raadang Siyéng eloope edítko ngo mibo-miying ami kídíem ikumbotodí, delokke imape metudí deke takamke asi-amongem ngo noluke yéta legape nolume opín-opínpe asi-amongem oryinbito.

JOSHUA 24:11

Depe irongem nolu Jordan korongem koola Jerikolo pííto. Jeriko ami kídí de nolum mimak imínsula, delokke bulukíng makpépe doola, Amorit, Perijjit, Kanaan, Hittit, Girgash, Hibit delokke Jebus ami kídíete mimakpe imínsuto. Idola bulum takamem ngo noluke alag aralo ruuyinlíkto.

JOSHUA 3:10

Noluke keralok aropakpe bí Kanaan, Hittit, Hibit, Perijjit, Girgashit, Amorit emlang Jebusit amiem, monpakbiyé. Delo noluke aralo turna Shédí bí yémín gedung emla nolu arope mííyé.

JOSHUA 3:17

Ami kídí lokke pítílko among delok gíla, opín-buang daadie gíyin loríloope, Ruutum ke Daapong Sonduk dem joobomna miri kídíe, Jordan among pítílna korong raadang delo joobomla dagya yatíto.

JOSHUA 5:1

Jordan korongem ngoluke gíyinma tetengem, Ruutumke Israel kídí legape, asiem pítílmola inamem edílo Jordan korongke anggodanlo duuna, Amorit roja kídíe lang siyéng robeng abulo duuna Kanaan roja kídí takame tattodí, bulu dem tatla buluke aapí-aange yagorupe améng gela, Israel kídíem mimak iríksupe atí ralnam kaimato.

JOSHUA 6:27

Dekepe Ruutum bí Joshua kíng duumín gela, bíkke miram amíne among takamlo gíyin gooto.

JOSHUA 9:7

Depe porodem Israel miro kídíde, Gibeon lokke Hibit ami kídídem, “Nolu mongéso duuna ami laate idupe, iname ngolu kape kísa bonying ibosuyén?” emla poto.