JOSHUA 7:9 - DEENA BAIBÉL (BSI)

⁹ Sim legang sim Kanaan ami kídíe lang sike sokke abíd ami kídíe tatla, bulu ngolum gargoobomla tani among sok petkutmílo, nokke agíke botteruna amín legape no kape iyén?”

JOSHUA 7:9 Iomraidhean Croise

MIRILUNGGU 115:1

Nokkíng petom, E Ruutum ngolukímang. Nokkíng petommin angun ralnamem biperuname, kapeila nokkíng duuyarna ayangelang mínggename dung.

MIRILUNGGU 48:10

Rego mipílo nom ami takame rínggedung, delokke nokke amíne among tabung so gígongkai. no tetelok yébodung.

MIRILUNGGU 79:9

E Shédía, ngolum mosing toika, ngolum kaasila nokke amínlok ngolum mesamtoika,

MIRILUNGGU 83:4

Bulu ludung, “Kaju buluke opínem ngolu petyinlaju, Israel amín tatpang yimadope ilaju!”

MIRILUNGGU 83:5

Buluke míírep bomnamem bulu lekobosudung, delokke lekope bulu nom atímape ipe emla pobosudung.

GÍLEN KUNAM 32:12

Kapeila Ijipt ami kídíem, ‘Bí tani among sok bulum nyokyin mope emla, atímana aapí gela, dííteso petnyokpe emlamin laalen tokune,’ emla lupu-lulé agomem pomoyén? No yagope marmapeka, no aipe míísi-míímo sula, nok ami kídí teyolo itung iréem boma mapeka.

EJEKIEL 20:9

Idola depe ngo imato. Kapeila depe imílo, de agér kídíde ngom atímana amín kamoyé, legade buluke duubí-duuyél bosunam Ijipt ami kídí tatkolote ngo bulume Ijipt amolok gílen boyéku, emla Israel amiem popato.

JOEL 2:17

“Kumkeng Ekum lokke aatak eyab kelang deena runggu kako pénsamlo, agér ina miri kídíe teng, kapla-rííla sipe kumlangka: ‘E Ruutum, nok ami kídílo, atekrupe ayang sulen langkuka. Angukon ami opín kídíeme, ngoluke teyolo ngilka mola, “Noluke Shédí bí íngkolo?” emla lupu-lulé momapeka.’ ”

MIKAH 7:10

Delo ngoluke miru kídíe séko bulu ngolume lupu-lulédola, “Ingkoloda Ruutum noluke Shédíbí?” emla íítuadí, bulu sim kaala annying yéku. Bulume ikumpala, bedu-bedang kídílo yupyang kísape inamem ngolu kaapayé.

SANNAM 14:13

Ruutum me Mosi bí poto, “Depe imílo sok legangem Ijipt ami kídíe tatyé. Sim ami kídí sim nok ralnam-pauarlok Ijipt ami kídí aralok no laalento.

JOAN 12:28

Yayie, nokke amínem angun molangka!” Delokrongem teyong telok agomko lento, “Ngo angun ralnamem bito, delokke lekoda dem angun ralnamlo langaayéku.”

POBENG BINAM 9:28

Depe no imayémílo, nokke ngolume laalenkuko amongde sikepe emyé, “Ruutum bí, agíke tolík sunam amolo bulum langaang kula mala, buluke teyolo bí kangkila, bulume mooruk amonglo petyinto.”

JOSHUA 7:10

Ruutum bí Joshuame poto, “Darepto, kape no amonglo migmoe gubala idun?

JOSHUA 7:8

Israel kídíem, miru kídíke ikumnam sim ngo kape emyén, E Ruutum.

1 SAMUEL 12:22

Ruutum bí deenampe togesudung, delokke bí nolum mepakmayé, kapeila bí nolum bíkke amisupe míísat sudung.