JOSHUA 7:6 - DEENA BAIBÉL (BSI)

⁶ Deme kaala Joshua bí agí egeme bétsula Ruutumke Daapong Sonduk kerang delo amongpe gubala yume adeng loope ankí kítíto. Abíd Israel kídíke ruutum kídíete bíkking lekope, buluke agí-agí dumpolo demul ilíksula ankí mínto.

JOSHUA 7:6 Iomraidhean Croise

KEYUM KERO 37:29

Edílo Reuben déérung delo aalangkula Josephme kaapa matodí, bí ankílok agí galugem bétsula,

KEYUM KERO 37:34

Delo Jakob agí egem bétsula ankí gasorem tulum sula, longe bojérungko bík oo legape ankí kenola duuto.

2 SAMUEL 1:11

Dabid yagorupe ankílok agí galuk eme bétsuto, delokke bík ami takam ete depe imín geto.

2 SAMUEL 1:12

Bulu yagorupe míídírla, ankí-kenola, yume deloope Saul kelang Jonathan, delokke Israel takamke legape nyoto. Kapeila Ruutum ke amiem mimak delo petto.

2 SAMUEL 1:2

Longe kondem Saul ke notko delok yaaméko aato. Bíkke ankíem lengkan sunape, bí agí egem bétsula, tukku delo deemullok mollík supa. Bí dekepe ila, Dabid ke keralo míngge dola among delo gubaato.

2 SAMUEL 12:16

Dekepeila, Dabid Shédíme koo dem aimodokupe kumtíto. Bí doma-tíímape nyola, bí agíke pírteklo yoh rubuungem amonglo ketto.

2 SAMUEL 13:19

Delo Tamar bík dumponglo metbu nyolíksula, bík bodongna ege genamdem bétkésula, alag annyie mikmoem pokapsula yagorupe ulo jérla kapla delok gítoku.

2 SAMUEL 13:31

Delo rojade gerepla, agí egeme sérkésula, amonglo kedato. Delokke bík ampenglo dakna béérang takam deteng agí-agí egeme sérké suyinto.

2 ROJA KÍDÍ 22:11

Edílo rojade yéyon kitab delok agomem tattodí, delo bí agí lukdorem bétsuto.

2 ODONG 34:19

Edílo rojade ayon kitabdem rinamem tattodí, bí bíkke egeme ankíla sérkésuto,

EJRA 10:1

Ejrake Kumkeng Ekum kerang delo gubla kumla, kapdola sim paab kídar sim ponkansula idungem Israellok milokong, mime, delokke koo kídíe bosi-borangko bíkkíng aala séngérupe kapmín geto.

NEHEMIAH 9:1

Delok méélamlo, delok poolo delokke looying annyi kolang loopinana longelo Israel ami kídíe doma-tíímape, ankí gasor egem gela, delokke atuklo kédéng mollíksula dumsuto.

ESTHER 4:1

Sikepe inam takam sim Mordekaibí kényé delo, bí bík egem bétsuto, delokke ankí gasorem gela, delokke mepilok molsula, bottena luune yirang delo botterupe, delokke ankírupe kapla gíla,

ESTHER 4:3

Rojake ukumem pokan gongko among takam delo duuna Jihudi ami kídíe bojérupe ankí-adírto. Bulu doma-tíímape nyola, séngépe kabbosuto, delokke bulu alumyange ankí gasorem gela, delokke metpilo ketto.

JOBKE KITABE 1:20

Depe tatrodem, ankílok Jobbí gerepla, agí galugem bétgeyéla, bík dumídem ngíkutsula, bí amonglo gubala kumsuto.

JOBKE KITABE 2:12

Bulu mootenglok Jobme kaato, idola kangkénmato. Edílo bulu kangkén tokudí, bulu kapla-rííla, ankílok agí ege-galugem bétla, buluke dumpolo demulem ellumsula ito.

JOBKE KITABE 42:6

Depeila ngok ponam takam legape ngo annying sudung, delokke demul solang metbuso duudola aapíe míílat sudungku.”

ANKÍ MIRI 2:10

Jayon lokke gaam miro kídíe, tukkulo demul ilíksula, amíllo ankí-gasorem polumsula, asoope duuyinkai. Jirusalem ome kídíe, agí-agí dumpongem ngemgíp gípyinla duuyinkai.

SANNAM 14:6

Nunke oo Joshua lang Jephunnehke oo Kaleb bínyi, asi-among rokang gongkolo gímín gela annyide dekedem tatla agíke ege-galugem bétsula,

SANNAM 16:22

Idola Mosi lang Aaron bínyi amonglo gubala kapla kumto, “E Shédía, tani takam aid kídíke Shédí. Midum atel paab ikolok no milung tabungem marbom yénía?”

SANNAM 16:45

“Milung delok menape gígélangka. Ngo bulume nyokyin moyé.” Delo bínyi amonglo gubaato.

TOMLÍKNAM 14:14

Idakkom tomlíknam kídí Barnaba lang Paul bí dem tayyédem, bulu agí egem bétsula milung gooralo dugaa danla luto:

JOSHUA 7:7

Joshua bí poto, “Ruutum Shédía, ngolume Amorit ami kídí keralo nyokdope kapeda Jordan korongem koomola sim ami kídí sim so among so langaangkan? Jordan rotkondan elo ngolum siidum dengepe duumotuamílo.

BEROK BINAM 18:19

Bulu ankíem kapla rííla buluke dumpolo deemul pyaklík sula sikepe kapyé: “Gérmange! Bottena taon nokke gérmange: nokkelok siyénglo jajilo yéna kídíe buluke miremem bíkke séranglok remke natuai! Gonta atellok bím nyokyin motoku!”

KEBANG RUUTUM KÍDÍ 11:35

Ome dem bíkke kaarík surodeme, bí agíke ege genameme ankíla bétsula poto, “Eh, ngok omía! No ngok aapíem kimokai. Nopak kape ngok aapíem kimokan? Ngo Ruutum kelo pésunamko pésuto, dem ngo laalat sulang kumang.”

KEBANG RUUTUM KÍDÍ 20:23

Israel kídíde Ruutum ke keralo kapla-rííla yume loope Ruutum kíng agom íítala bulu, “Ngoluke bíro Benjamin kídíke mirolpe mimak ikupía?” emla ííto. Ruutum bí, “Aiyé, gílangka,” emla pobito.

KEBANG RUUTUM KÍDÍ 20:26

Depe ikunam legape Israel tabungde Bethello gílangkula Ruutum ke keralo kapla-rííla, doma-tíímape longe ruubungem nyobomsula ito. Bulu romnam amanem ila eetet kumona amanem Ruutum kelo bila ito.

KEBANG RUUTUM KÍDÍ 21:2

Depe irongem Israel kídíde Bethello gíla, Shédíke keralo yagorupe kapla-rííla adeng loope itíla,

1 SAMUEL 4:12

Benjamin opínlok amikone mimak makko among delok ila bedang rubung dem duklang kula, delo longe delo Shilohlo píítoku. Bíkke adírem lengkansupe bí galugem bétsula, kédéng eke dumpong delo mollíksuto.