JOSHUA 7:26 - DEENA BAIBÉL (BSI)

²⁶ Depe irongem bíkke teyolo, bulu língkum botterunako kumjémlíkto. De silo loope delo duudung. Depe irongem Ruutum ke aklínge buluke teyonglok nyokkaku. Dekepe inam legape silo peteng dem moolop dem Akhor Yiibe emla mandung.

JOSHUA 7:26 Iomraidhean Croise

2 SAMUEL 18:17

Bulu Absalom ke simang dem laala moonam delokke eerína kobung kolo ellíkpala, dem língkum kolok kumkapto. Israel kídí takame agí-agí ekumpe dugyintoku.

2 SAMUEL 21:14

Delo bulu Saul kelang Jonathan ke along kídíem, Benjamin among lokke Jelalo Saulke abu Kishke agolo, rojalok lulíknam tabungem ila yutoku. Dekepe irongem Shédíbí buluke among legape kumnam kídíem poyansutoku.

2 ODONG 29:10

“Supak ngokke aapílo ngo Ruutum, Israelke Shédí kíng Daapongko, ngoluke teyonglok bíkke marlínge gípak dokupe ibosupe míídung.

EJRA 10:14

Delok legape dumsuna takam sok legape ngoluk migom kídíem dagrep motoka; delokke ngoluke luune kídílo mibo mime bomna takamem ruubinam moodí moodílo aamotoka, delokke bulu kelo lekope luune miyonglok miro kídí emlang kebang lupena kídíem, ngoluke teyong loge sok legaso ngoluke Shédíke marlínge gíbínmang tetengem aamotoka.”

MIRILUNGGU 85:4

Ngolum mosing tokuika, ngolum mopítkuna Shédíe, delokke ngolum míínying namem metokuika.

GÍLEN KUNAM 32:12

Kapeila Ijipt ami kídíem, ‘Bí tani among sok bulum nyokyin mope emla, atímana aapí gela, dííteso petnyokpe emlamin laalen tokune,’ emla lupu-lulé agomem pomoyén? No yagope marmapeka, no aipe míísi-míímo sula, nok ami kídí teyolo itung iréem boma mapeka.

ISAIAH 40:2

Jirusalem ke ami kídíem ernam agomem lubi langka. Buluke adírrupe yénam longe yéyinkai, buluke paab imem lokke edoem dorbikai, kapeila Ruutum ke alaglok, buluke paab edo ajéngem bulu adu annyi kope paabanto.”

ISAIAH 65:10

Depe iyékuem Sharon lo mér kídíe dota goolang kula, delokke Akhor Yiibelo gooru-sobén kídíe ketgo langkula iyéku. Ngok ami kídíe dekepe igo dolang kula ngome kumsu yéku.

ANKÍ MIRI 3:53

Bulu ngome kobung arunglo ellíkla, kobung nappadem, lííbyang kolok kingkaptung.

HOSIA 2:15

Depe iyékuem, bíkke ríkséng kídíem ngo bím bilangkula Akhor Yiibe me ashépe mííbom sukunam eyab kope imoyéku. Depe iyékuem, bíkke koo amépe ila Ijipt amonglok gílen dokuem kape kísa ngom torík sutodí, deke kísape bí ngok agomem tayyéku.

HOSIA 2:17

Ngo edílokom bík nabbéllok Baal uyuke amínem mínlen moyi mayé.

JOEL 2:13

Noluke egeme bétsunam petomde atíng mang. Nolu ankídung emla noluke aapí-aang, okunam dem lengkan supe aido. Noluke Shédí kíng aalat sulang kuka. Bí asampe ayang yalen sunako. Bí menape marpo manako, delokke ayange bíísét nako. Itung-iré penam agérem menape laabín kunako.

JOEL 2:18

Delo Ruutum bí agí amongke teyolo erap langkula, ami kídíem ayang sutoku.

JONAH 1:15

Delo bulu Jonahme joola asi delo yoplíkto. Depe irodem gumnamde tengap kaku.

JEKHARIAH 6:8

Delokrongem teyong kotokide ngome gogtoola podo, “Babilonlok línggíng amope gína guré kídíde Ruutum ke marnamem imaptoku.”

SANNAM 25:8

delo bí alaglo gíníngko bomla tombu delo gímín gela Israel amidem níkla mime amíl deloge níklíkla bínyim annyi pakdem níkkato. Depe irodem Israel teyolo itung-iré name kaimato.

POBENG BINAM 13:17

Noluke agísu legape rompakpenam ekurang atí mesiisu mapeka. Depe imílo Ruutum ke yagorupe marnamde nyoklangkula, noluke teyolo ayang yéku. Noluke buku kídílo kapekísa pébisutodí, dekepe noluke teyolo bí ayala, nolum milu-mibamdope parmoyé.

POBENG BINAM 13:18

Dekepe igang legade, ngokke nolum siloke ngiitom binam sime nolu igapgela bíkke aapí míínampe noluke yébosukolok iyé.”

JOSHUA 10:27

Doonyi uadelo Joshuake polík kolok, simang kídídem jooyilangkula, buluke kerangke bupík ruunyok geko delo simang kídídem yoplík geyéla, bupík delokke arung nappangdem kerangke kísa líídung bottena kídílok longkaptoku. Dekede silo loope delo kadung.

JOSHUA 7:24

Depe irodem Joshua lang Israel daapongde, Akhan melang bíkke edung-erang, ome-oo kídíem, baldín kídí demlang, lukdor galuk dem delokke uun banggén alopdem; delok teyolo, Akhanke bomnam rubo, gado, mér kídíem, delokke tombu demte ila, daadi tabungem umla Akhor yiibe emko delo gíboto.

JOSHUA 8:29

Bí, Ai doolung lokke rojadem esing kolo paksul geyéla, adeng loope simang amíldem dekepe daktímoto. Doonyi uadelo, Joshua ke polík kolok bíkke amíldem laalangkula, doolung yabgo eyab pakdelo joolíkpala mepakto. Delokrodem bulu simang teyong delo língkum bottenako kumlíkto. De silo peteng dekepe duudungada.