JOSHUA 7:24 - DEENA BAIBÉL (BSI)

²⁴ Depe irodem Joshua lang Israel daapongde, Akhan melang bíkke edung-erang, ome-oo kídíem, baldín kídí demlang, lukdor galuk dem delokke uun banggén alopdem; delok teyolo, Akhanke bomnam rubo, gado, mér kídíem, delokke tombu demte ila, daadi tabungem umla Akhor yiibe emko delo gíboto.

JOSHUA 7:24 Iomraidhean Croise

KEYUM KERO 18:25

Atímana amilo deena amiete nyoktak sumonam agérde, nokkelok mooteng daklangka. Demamílo, de deenem atímanalo akampe míílíkname. Nokkelok dekena ségue mooteng daklangka. Tani among takamem kebang lubinade deenampe ipe aiyé.”

JOBKE KITABE 20:15

Bíkke doppyonam sérangdem bí abatpe batlen yéku, delokke bíkke akii daadilok Shédíbí laabín yéku.

GÍLEN KUNAM 20:5

Nolu buluke keralo guba mapeka, demangkom bulum kumsu mapeka, kapeila ngo Ruutum noluke Shédí nena Shédíko. Ngom akna kídílo, siirum angum appilope abu kídí paab ayanpe edoranako.

NGIITOM SIRUNG 15:27

Mirusogong aapí gedola paapekpe emla míímílo, no nokke ekum erangem adír ipaabodung. No bisup sunamem laamapeka, delo no turteyé.

NGIILU TUUNA 5:13

Tani amongso atírumana legangko ngo kaapadung: ekuserang leesi suname agíem dosu kunamete kado.

ISAIAH 65:10

Depe iyékuem Sharon lo mér kídíe dota goolang kula, delokke Akhor Yiibelo gooru-sobén kídíe ketgo langkula iyéku. Ngok ami kídíe dekepe igo dolang kula ngome kumsu yéku.

HOSIA 2:15

Depe iyékuem, bíkke ríkséng kídíem ngo bím bilangkula Akhor Yiibe me ashépe mííbom sukunam eyab kope imoyéku. Depe iyékuem, bíkke koo amépe ila Ijipt amonglok gílen dokuem kape kísa ngom torík sutodí, deke kísape bí ngok agomem tayyéku.

JOSHUA 15:7

Delokke rísude Akhor Yiibe lok saalang kula Debir loope. Delokke de yiibe delokke sokko danem geríksuna, Adummim gééjongdem dakrík sukuna Gilgal loope. Delokrongem de gílang kula Enshemeshke asi kídí emko delok ilangkula Enrogel rísu delo paddoku.

JOSHUA 22:20

Deemana ekurangem romnyokdope depe lulíknamem tatmape ina, Jerah ke oo Akhan me míípa sutola. Bíkke tatmanam legape maglíng takamem anka sumoto. Depeila bíkke paab legape bí atel sisumato.”

JOSHUA 6:18

Idola Ruutum kepe nyokmo penam ekurangem ukkímapeka. Dekepe imílo nolu agísuke nyokkupenam bedangem agísue, delokke Israel notkolo ankí-kenoemla sinam-nyoknamem bomayé.

JOSHUA 6:21

Bulu doolung dem Ruutum keepe tolíkla, delo duuna mimedak milo dak, eejo-míjingdak koo-kíangdak, tani takamem petyinto. Bulu gooru, mér, gado, sobén delokke abíd taro kídíemte moka kayinto.

JOSHUA 7:1

Jeriko doolunglok nyokmopenam ekuserang atelkote lamapeka emla Ruutum ke Israel kídílo ukum binamem, bulu igemato. Akhan emnam amikone lulígnamdem tatmape ikolok Israel daapong teyonglo Ruutum bí marto. Akhanbí Karmike ue, delokke Jabdike otene. Bí Judah opínke Jerahke pínmík lokke amikuai.

JOSHUA 7:23

Dekedeme bulu Israel takamke kaangko lolang Joshuake kaangkolo bomlen langkula, Ruutum ke keralo mekan bitoku.

JOSHUA 7:26

Depe irongem bíkke teyolo, bulu língkum botterunako kumjémlíkto. De silo loope delo duudung. Depe irongem Ruutum ke aklínge buluke teyonglok nyokkaku. Dekepe inam legape silo peteng dem moolop dem Akhor Yiibe emla mandung.