JOSHUA 7:2 - DEENA BAIBÉL (BSI)

² Bethaben anínke Bethel doolung lokke sanggodanlo duuna Ai doolung demlang among tabungem rokang goodope Joshua bí ami ayokondem Jeriko lokke lulígto.

JOSHUA 7:2 Iomraidhean Croise

KEYUM KERO 12:8

Delokke bí Bethel lokke sanggodan díítumlo gíto, delokke bík tombuem Bethelke anggodan delokke Ai doolungke sanggodan pénsamlo holíkpala, Ruutum keepe rungguko píla, Ruutum ke amínem yidgeto.

KEYUM KERO 28:19

Delo moolop dem Bethel emla amín mínlíkto, idola kerape dem doolungdem Luj emtuai.

1 ROJA KÍDÍ 12:29

Depe lukan gopala akon dem bí Bethello delokke akon dem Danlo melíkto.

NEHEMIAH 11:31

Benjamin lok ami kídíde Geba lok duulenla Mikmash, Ai, Bethel, delokke delok ampengke doolung kídílo,

NGIITOM SIRUNG 20:18

Aina luyilem bomtoka delo no ipííyé; atí míírung irung sumape mimak enpe míímapeka.

NGIITOM SIRUNG 24:6

Depekom nokke mimak imang adape, no aipakpe míírung irusupe aido, delokke aina luyilem edítko paayédí, dekeko no ikumlado.

ISAIAH 10:28

Miru maglínge Aiath luune me laabomkai! Migron lok bulu gíbongkai! Buluke dope-tíípenamem Mikmashlo mesutung!

JEREMIAH 49:3

E Heshbon! No kaptola, kapeila Aime líípakto. Rabbah ami kídía! Ulo jérlen tola. Ankí gasorem polum sula, doolung etor aralo elo-belo duggola kapgo tola. Kapeila noluke uyu Molek lang bíkke miri kídíe delokke migom kídí tabungem umnyokla bulu mibo amolo duunyokyé.

HOSIA 4:15

“E Israel nolu abír-ajon idagakom, Judah erangme akampe imem momapeka. Gilgal, demangkom Bethaben kumpomlo gígong mapeka, demangkom deke delo, turna Ruutum ke amín lok pésumapeka.

MATI 10:16

“Ngo nolum mérbéno kísape sipyang gooralo melen líkdung. Delok legape, tabí kísape ansu langka delokke pekí kísape yayo langka.

EPHESIA 5:15

Demílo kape kísa nolu yédun akor kamana kísape imape, idakla milo aro kísape kape yédudí aipakpe ansutola.

JOSHUA 12:9

Israel kídíe sannam doolung kídar sokke roja kídíem, mimaklo ikumto: Jeriko, Bethel anínke Ai,

JOSHUA 18:12

Buluk among rísude, línggíngdan lokke Jordan korong lok ilen langaala, Jeriko línggíngdan etpangpe gído langkula, anggodanke adi amongpe gílangala Bethaben emko yépol mooruk amonglok pattoku.

JOSHUA 2:1

Delo Nunke oo Joshua bí Shittim lok midum annyiko, rusisula rokang goodope lulígdola políkto, “Nonyi Kanaan amongem kanggong dola, Jeriko doolungem kaasi gootoka.” Depe polík kolok bínyi delo gíla notiipe ina Rahabke ekumlo dooto.

JOSHUA 7:3

Bulu kanggopala, “Ai doolungde maglíng tabunge mimak iya bomsupenam kamang. Si améngona doolungko, iname midum jarnyi mamílo jarum atíko mílokom aiyé,” emla Joshua me pokukolok,

1 SAMUEL 13:5

Philistain kídíke Israel kídíem mimak ipe gídum sudodem bulukíng mimak guré-gaarie éjar íying angumko, guré dugbomna sipayinge éjar akkéko delokke sipaying amie siyéng robenglok siyé kísape inako kado. Bulu Bethabenlok sanggodanke Mikmashlo gíla notko ito.

1 SAMUEL 14:23

Bethaben kékon loope monlíkto. Ruutum bí Israelem delo longe delo mopítto.

1 SAMUEL 30:27

Bí Bethel lok ami, Judah sokkolo duuna Ramah amiem, Jattir,