JOSHUA 7:19 - DEENA BAIBÉL (BSI)

¹⁹ Joshua bím ííto, “Ngok ua, Ruutum Israelke Shédíke keralo aro agomem popasula ponkan sulangka. No ingkokodí itone dem rumnyokmape ngok keralo pokan sulangka.”

JOSHUA 7:19 Iomraidhean Croise

2 ROJA KÍDÍ 20:15

Kaaluna miride íngkíto, “Nokke ekum delo bulu íngkoko kaaton?” Hejekiah bí poyansuto, “Bulu ngok ekum sok takamem kaayinto. Ngok kumsunglo bulum lengkan manam atí kamang.”

2 ODONG 30:22

Delo Lebi kídarke aipe Ruutumke agérem gérnamdem kaala Hejekiah roja bulum yitgela luerto. Dekepe ami kídíde longe kíníddem, eetet aman kídíem bila delo Ruutum, buluke neku-bukuke Shédíme yidgedola adeng-ape domanem dobo-tííbosuto.

MIRILUNGGU 32:5

Ngo nokkíng paab inamem ponkan sudung, ngokke imemem ngo mesup sumang. Ngo emto, “Ngo ngokke imemem Ruutumlo ponkansuyé,” delo no ngokke imem takamem mesam bito.

MIRILUNGGU 51:3

Ngo ngokke imemem kénsudung; ngo ngokke paabem agínpe ansudung.

NGIITOM SIRUNG 28:13

No nokke paabem mesiimílo, edílote yénamlo ikumla yélamayé. Dekedem ponkan sulangka, delokke mepak tokuka; delomin Shédí bí nom yaasamem lengkanyéne.

ISAIAH 13:12

Delok longe kídí delok yépísuna kídardem gairuna uunem pemílo paaram yadope ngo imoyé.

JEREMIAH 13:16

Kaamo yuem aamo mangadape, kaamona díítumlo nolu ale tupsu mangadape delokke nolu angunem mííbomdusim, noluke Shédíme yidgelangka. Kapeila bí eerína kaamope batmoyé delokke bodona kaamo yohpe imoyé.

DANIEL 9:4

Ngo Ruutum ngokke Shédí kelo kumsula, ngokke ami kídíke paab kídíem ngo ponkan bito. Ngo kumto, “Ruutum Shédí, no botterune, delokke ngolu nome mínggedung. No nok agíke daapongem mínggap sudung, delokke duuyarna ayangem, nome ayang nalo lang nok lulígem igena kídílo no lengkan dung.

LUKKE ATNAM TATPONA DOOYINGE 17:18

Sok mipak ami sok kékonlo sékote Shédíme yidge kupe angkumanía?”

JOAN 9:24

Lennyinape bulu mingmana amidem tomto. Bulu “Shédíke keralo pésudola aruem polangka” emdola pokai, “Si ami si paab gena amiko emla ngolu berokpe kéndung.”

PAULKE ROMKÍDÍLO ATNAM SITHIE 10:10

Kapeila noluke aang lokmin nolu arope mííla yéjiinape sanko sudune delokke noluke nappalok nolu sikarsula turdungkune.

2 TIMOTHI 2:25

Séko bulu bím akdudí, bulum aiyope luyilla, aro kénnamlo gíbopena míílat sukunamem Shédí bí bulum biyé emla míínamsupe aido,

TITON 2:2

Abíyana kídíem jondope, míngge badope, elgapla yédope delokke míngkenge edíídope ayanglo donggap dope luyilpe aido.

JEMS 1:20

kapeila tanike marlínge Shédíke mííbanam atíem langaamang.

JOSHUA 7:20

Delo Akhan popasuto, “Aroe ngo Ruutum Israelke Shédíke keralo paab ito. Dem ngo sikepe ito.

BEROK BINAM 16:9

Bulum doonyi pamkie baasanto delokke bulu sim kilii kídí sim ruutum bomna, Shédíme bééto, ilate bulu bursu kumang delokke bím erkí gemang.

1 SAMUEL 14:43

Delo Saul Jonathanme íngkíto, “No íngkoko iton?” Jonathan poyansuto, “Ngo ngok bomnam asék kolok tangut atii anyongko laala doto. Sina ngo. Ngo sipe irusudung.”

1 SAMUEL 6:5

Nolum adírmona tasut-tarí delokke kebung sokke mimangem depekom píla nolu Israelke Shédíme airupe yidgepe aido. Dekepe imílo, noluke teyolo, noluke uyu teyolo delo noluke among teyolo bík alag tebege kaimayé.