JOSHUA 7:15 - DEENA BAIBÉL (BSI)

¹⁵ Delo ingko amilodí nyokmopenam ekurangem paayédi, dem amidem umla bímlang bíkke edung-erang tabungemla bíkke ekuserang takamem lekope emelo romkape aido. Kapeila de amide ngokke daapong ayonem betla, Israel daadi takamlo botteruna annyingem bomato.’ ”

JOSHUA 7:15 Iomraidhean Croise

KEYUM KERO 34:7

Delopak Jakobke oo kídíe aríklok píítoku. Edílo bulu legangem tattodí, bulu tatlomsula agí margíkai. Kapeila Jakobke omem yéébila, Israel ami kídíem Shekhem bí ipusilééto.

2 SAMUEL 13:13

Ngokkepe, ngok annyingem íngkolo ngo melík suyéne? Nokke supeteng, no Israel aranglo belumnam agérem mide amie inalok akonpe iyé. Dekepeila supak ngo nom rogudung, rojeme lupo sutoka; bí edílokom ngom nome bimape imayé.”

JOSHUA 7:11

Israel kídíe paab ito. Bulum bomgapdope ngokke ukumlíknam daapong ayonem bulu ipéésuto. Nyokpakdope emla lulíknam ekuserang ayoko bulu bomtungku. Bulu doppyotula agom medung. Dekena belumnam ekurangem buluke ekuranglo meyél sutungku.

JOSHUA 7:16

Depeila roh kondem Joshua bí Israel daadi takamem aabola opín opínpe dagaboto: delo Judah opínem ullento.

KEBANG RUUTUM KÍDÍ 20:10

Israel opín takamlo midum língko aralok midum íying kope saplenla bulu maglíngke donam-tíínamem kaabidope delokke abíde gídope ipe aido. Israel aralo edíloteng ikímanam agérem igang legape Gibeahlo aabomla bulume ingéng kupe aido.”

KEBANG RUUTUM KÍDÍ 20:5

Ngoluke dongko ekumdem Gibeah lokke ami kídíe yohdem aabomla gargoola língang bomto. Bulu ngom mokape ituai, idola delok ayanpe ngok mimedem ipusilééla sidope ito.

KEBANG RUUTUM KÍDÍ 20:6

Ngo mime delokke simangem tarongpe tekmíkla Israelke opín íying kolang annyilo orto.

1 SAMUEL 26:21

Saul poyansuto, “Ngo imemto. Dabid, ngok ua. Aalat sulangkuka! Ngo nom edílokom atímape iyimayé, kapeila, no siyoh ngom petmato. Ngo miderupe ito! Ngo pesorunam atíko ito.”