JOSHUA 7:11 - DEENA BAIBÉL (BSI)

¹¹ Israel kídíe paab ito. Bulum bomgapdope ngokke ukumlíknam daapong ayonem bulu ipéésuto. Nyokpakdope emla lulíknam ekuserang ayoko bulu bomtungku. Bulu doppyotula agom medung. Dekena belumnam ekurangem buluke ekuranglo meyél sutungku.

JOSHUA 7:11 Iomraidhean Croise

2 ROJA KÍDÍ 18:12

Kapeila, Ruutum buluke Shédíke lulígem tatmape, Ruutum ke Mosi kíng lulígnam daapong takamem ipéésuto; bulu tatbimang delokke igemang.

2 ROJA KÍDÍ 5:24

Edílo bulu díítum delo píítokudín, delo Gehaji ekurang dem bínyi keelok laala, agí ekumlo mepala béérang annyi dem enmotoku.

ISAIAH 24:5

Ami kídíe kédéng sim deema mokai. Bulu ayonem ige yimang. Bulu agínpe duuyarna daapong idongem betmoto.

JEREMIAH 31:32

Ijipt amolok ngo buluke buku kídíem agí alaglok laalangkula gíbo langkula kerape daapongko ibosuto. Ngo buluke Ruutumpe ilate dem daapong dem bulu benpakto. Idola angkupena longe kídí telo ngokke aní daapong ibosukupenam de benpak tonam aku daapong kísamayé.

HOSIA 6:7

“Idola Adam among delo bulu aalíkyédem, bulukíng ngokke daapong mobosunamem bulu betto.

LEBITIKA 5:15

“Amikone atí kénsumape Ruutum ke deena ato sirolo paab iyémílo, bí delokke ajéngpe atí tarí-tape kamana mér mamílo bénboko dorkunam amanpe Ruutum kelo bomape aido. Delokke areme kebang tolíknam adupe ipe aido.

HABAKKUK 2:6

Among-asiem rotbínnam ami kídíde bulume rotbínna kídíem lupu-luléla, buluke marlíngem lengkansuyé. Bulu sikepe poyé, “Nolu amike ekurangem laadumsula bomdung, idokom nolu nyokyé! Edílopeda noluke ajéng gena kídíem dordorung kupe ila nolu remgetíyén?”

JEKHARIAH 5:4

Maglíngke Ruutum bí, sim pénam agom sim melenlíkyé emdung. Delokke si doppyoo-tíísina ekum takam lolang, pésudola menam agom luna ekum takamlo aayé. Si pénam agom si buluke ekum kídí delo duulíkyé, delokke ekum kídí delokke esing-elíng kídí takamem nyokmoyé.”

MATI 22:21

“Kaisar” emla bulu pobito. Delo bí bulum poto, “Kaisar kedem Kaisarme bitoka, delokke Shédí kedem Shédíme bitoka.”

TOMLÍKNAM 5:9

Pitor bí mimedem poto, “Nonyi Ruutumke aidem darkaape emla kapeila mííbo sukane? Kaalangka! Nokke miluem yuna ami kídíe eyablo daggu dubong, delo bulu nomkom joolen bomyé.”

POBENG BINAM 17:2

“Ruutum noluke Shédíke, nolum doolung binam takam aralokke akon kolo, Ruutum noluke Shédíke daapongem ipéésula delokke ngokke lulíg-polígem ipatsula,

HIBRU 4:13

Shédíke pínam kídí takamde Shédíke keralokke rusi gepeko kamang. Tabungem kaabedung. Ngoluke legangem bíkke keralo takam si lengkan suyéku.

JOSHUA 23:16

Nolume daapongke ayonem bomgapdope emla, Ruutum noluke Shédíke lulígnamem nolu igemayémílo, delok teyolo nolu angukon uyu kídíem kumsu-joosula agér ibiyémílo delo Ruutum bí noluke teyolo aklíla, nolum itung-iréla ibomyé. Dekepe iyékuem bíkke gaina among ruubinam sok nolu midum atel koteng turyimape menarupe nolu nyokyinyé.”

JOSHUA 7:1

Jeriko doolunglok nyokmopenam ekuserang atelkote lamapeka emla Ruutum ke Israel kídílo ukum binamem, bulu igemato. Akhan emnam amikone lulígnamdem tatmape ikolok Israel daapong teyonglo Ruutum bí marto. Akhanbí Karmike ue, delokke Jabdike otene. Bí Judah opínke Jerahke pínmík lokke amikuai.

JOSHUA 7:10

Ruutum bí Joshuame poto, “Darepto, kape no amonglo migmoe gubala idun?

KEBANG RUUTUM KÍDÍ 2:20

Depeila Ruutum bí Israel teyolo yagorupe marlíla poto, “Si ami kídísi ngok agom-aangem tatmape, buluke buku kídílo ngokke daapong ibosunam ayon kídíem igemape inam legape,

1 SAMUEL 14:38

Delo Saul bí ami kídí delokke ruutum kídídem poto, “So aadumsula, ingkona paabkoi silo ngolu imemtone dem malenkíto.