JOSHUA 7:1 - DEENA BAIBÉL (BSI)

¹ Jeriko doolunglok nyokmopenam ekuserang atelkote lamapeka emla Ruutum ke Israel kídílo ukum binamem, bulu igemato. Akhan emnam amikone lulígnamdem tatmape ikolok Israel daapong teyonglo Ruutum bí marto. Akhanbí Karmike ue, delokke Jabdike otene. Bí Judah opínke Jerahke pínmík lokke amikuai.

JOSHUA 7:1 Iomraidhean Croise

KEYUM KERO 34:27

Sikepe moka rongem, Jakobke abíd oo kídíde, buluke bírmem ipusiléé arepe doolung dem lííla edo rayan sutoku.

2 SAMUEL 24:1

Lekoda Ruutum bí Israel teyolo marla, Dabid me buluke teyolo ebínem langaamoto. Ruutum bí Dabid me poto, “Gíla Israel kelang Judah ke amiem sankílangka.”

2 ROJA KÍDÍ 5:24

Edílo bulu díítum delo píítokudín, delo Gehaji ekurang dem bínyi keelok laala, agí ekumlo mepala béérang annyi dem enmotoku.

1 ODONG 21:7

Idokom Shédí bí sikepe inam sim aipe míímato, dekepeila bí Israel kídíem ingééto.

2 ODONG 24:18

Delo bulu Ruutum buluke buku-nekuke Shédíke ekum dem mepakto, delokke Asherah uyuke mimang kídídem kumsulenkaku. Sikepe buluke paab imem sukolok bulukíng Ruutumke marname pííto.

EJRA 9:6

“E Shédía, ngo nok keranglo ngok dumpongem ngemonpe yagorupe annying aloodung. Kapeila ngoluk paab kídíe ngoluk dumpong kídíem sangon yangkai, delokke ngoluk imem kídíe taleng loope sangonkai.

JOBKE KITABE 35:8

Nokke deemang-amoemin angong-arumlo aimomadune, delokke nokke aina agér inamde bíme iguldung.

NGIILU TUUNA 9:18

Mimak leemoem pemílo gyande gaiyane, idola paabna ami atele aina atoem bojéko nyokmo ladung.

DANIEL 9:7

E Ruutum, no deenarunge, idola ngolu agínpe delokke silolope ngoluke sulo annyingem laalík suyinto. Ngolu Judahlo duune lang Jirusalemlo duune, delokke Israel kídí takame, séko bulumdí no nokke teyolo míngke sumanam legape, mongéna, delokke mootengna among kídílo pitpan-pitran sugotodín, arope ngolu sikepe ito.

LEBITIKA 10:6

Delo Mosi bí, Aaron melang bík oo annyi Eleajar mela Ithamarme poto, “Noluke dumídem tupsumape imapeka delokke noluke egem bétsu mapeka, demamílo nolukom siyé, delokke milung tabuso Ruutum ke marname kayé. Idola noluke ali-atod kídíe lang Israel tabunge Ruutum ke eme lok gukanam bínyim, kabbom-rííbomla ilado.

JONAH 1:7

Jaji yutbomna ami kídíde buluke aralo lubosuto, “Kaju ngolu lotori sokí lajuka; sékoke deemang-amo lokdí ngolum sipe adír paamo dune.” Depe bulu líímé kaane Jonahke amíne lenkai.

JOSHUA 22:16

Bulu ami kídí tatkolo popato, “Israelke mirupe nolu kape sikena atímangem idune? Nolu agísue sim runggu sim píla Ruutum ke mirolpe ilenkai. Nolu bíkke bedanglok gíyimang.

JOSHUA 22:18

Bíkke bedanglok nolu gílíyimanía? Silo nolu Ruutum ke mirolpe rollen yémílo, bíkke marname Israel mipílo nyampo kayé.

JOSHUA 22:20

Deemana ekurangem romnyokdope depe lulíknamem tatmape ina, Jerah ke oo Akhan me míípa sutola. Bíkke tatmanam legape maglíng takamem anka sumoto. Depeila bíkke paab legape bí atel sisumato.”